РЕГЕНТСКИЕ И ПЕВЧЕСКИЕ КУРСЫ

КОЛОБАНОВА АЛЕКСЕЯ ВЛАДИМИРОВИЧА

НАМ 10 ЛЕТ!

Сайт REGENTZAGOD.RU - наш основной и единственный сайт; исторический - regentzagod.com - закрыт.

-----

ОТКРЫТА РЕГИСТРАЦИЯ на курсы (очные/дистанционные): регентские, подготовительно-певческие, сольфеджио - с началом обучения в январе 2023 года.

Подробнее о курсах здесь (нажмите); форма заявки здесь; оплата (до 30 декабря) здесь.

-----

Видео запись концерта памяти прот. Александра Куликова - "Всенощное бдение - "Лето Господне""

-----

Полезное обучающее видео - здесь.

***Размещение ссылок на наше видео на других ресурсах запрещено.

 

СЕРВИС ИЗУЧЕНИЯ ИРМОСНЫХ ГЛАСОВ:

(Приобрести полный нотный ирмологий можно ЗДЕСЬ). 

Ирмологий, с Богом Святым, обдержа́й вся ирмосы́ осмогласника,

Владычних же и Богоматере праздников и всего лета

Оглавление:

Глас 1: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 2: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 3: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 4: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 5: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 6: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 7: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 8: песнь 1песнь 2песнь 3песнь 4песнь 5песнь 6песнь 7песнь 8песнь 9.

 

ГЛАС 2

Песнь 1

     Во глубине́ постла́ иногда́ / фараони́тское всево́инство преоруже́нная си́ла, / вопло́щшееся же Сло́во всезло́бный грех потреби́ло есть: / препросла́вленный Госпо́дь / сла́вно бо просла́вися. Видео-иллюстрация (нажмите)

Святых Богоявлений:

     Глубины́ откры́л есть дно / и су́шею Своя́ влече́т, / в ней покры́в проти́вныя, / кре́пкий во бране́х Госпо́дь, / я́ко просла́вися. Видео-иллюстрация (нажмите) 

 

      Ше́ствует морску́ю волня́щуюся бу́рю, / су́шу а́бие Изра́иль я́вльшуюся, / Че́рмный же понт триста́ты еги́петския / покры́ ку́пно, водостла́нен гроб, / си́лою кре́пкою десни́цы Влады́чни. Видео-иллюстрация (нажмите)

Осмогласника и на Рождество Богородицы:

     Гряди́те, лю́дие, / пои́м песнь Христу́ Бо́гу, / разде́льшему мо́ре и наста́вльшему лю́ди, / я́же изведе́ из рабо́ты еги́петския, / я́ко просла́вися. Видео-иллюстрация (нажмите) 

 

    Нетре́ну, необы́чну, / немо́кренно морску́ю ше́ствовав стезю́, / избра́нный вопия́ше Изра́иль: / Го́сподеви пои́м, я́ко просла́вися. Видео-иллюстрация (нажмите)

    Пои́м Го́сподеви, / в мо́ри дре́вле лю́ди наста́вльшему / и в нем фарао́на со всево́инством погрузи́вшему, / песнь побе́дную, я́ко просла́вися. Видео-иллюстрация (нажмите)

     Непроходи́мое волня́щееся мо́ре / Бо́жиим Свои́м веле́нием изсуши́вшему / и пешеше́ствовати сквозе́ е́ изра́ильтеския лю́ди наста́вльшему, / Го́сподеви пои́м, сла́вно бо просла́вися. Видео-иллюстрация (нажмите)

     Пои́м Го́сподеви песнь но́вую, / я́ко пресла́вно Изра́иля спасе́, / рабо́ты изба́вив, / и му́чащия враги́ покры́ло есть мо́ре. Видео-иллюстрация (нажмите)

В неделю жен мироносиц:

     Моисе́йскую песнь восприи́мши, возопи́й, душе́: / Помо́щник и Покрови́тель бысть мне во спасе́ние, / сей мой Бог, и просла́влю Его́. Видео-иллюстрация (нажмите)

    Обрати́вшему мо́ре в су́шу / и прове́дшему Изра́иля сквозе́ е́, / пои́м Го́сподеви Бо́гу, / я́ко просла́вися. Видео-иллюстрация (нажмите)

     Высоковы́йный в колесни́цах и / в кре́пких триста́тах фарао́н / в Чермне́м потопи́ся со всево́инством. / Моисе́й же Изра́иля, я́ко по су́ху, прове́д / Боже́ственным веле́нием, поя́ше: / пои́м Го́сподеви, сла́вно бо просла́вися. Видео-иллюстрация (нажмите)

     Бе́здны дре́вле безме́рное / Моисе́й крестообра́зно пресече́ жезло́м / и фарао́ново всево́инство в нем потопи́. / Изра́ильтяне же, на он пол мо́ря преходя́ще, песнь воспева́ху: / пои́м Го́сподеви, сла́вно бо просла́вися. Видео-иллюстрация (нажмите)

      По бе́здне ходя́ще, изра́ильтеския лю́ди воспева́ху / руко́ю кре́пкою Си́льному, / сокруши́вшему бра́ни фарао́на мучи́теля: / пои́м Го́сподеви, сла́вно бо просла́вися. Видео-иллюстрация (нажмите)

     Во́ды дре́вле Чермна́го растерза́л еси́ жезло́м законоположи́теля, / и лю́ди избра́нныя немо́кренно спасы́й, / побе́дную пою́щия песнь / победи́тель ней Твое́й, Христе́, десни́це. Видео-иллюстрация (нажмите)

    

      Стопа́ми невла́жными Изра́иль прохожда́ше, / сече́нием вод проявля́ше Крест, / вхо́дом – погребе́ние, / исхо́дом – честно́е и Боже́ственное Воскресе́ние, / поя́ в похвале́нии Изба́вителю по бе́дную. Видео-иллюстрация (нажмите)

     Пои́м Го́сподеви песнь но́вую: / стра́шно бо чу́до, / я́ко Де́ва породи́ Бо́га вочелове́чшася / и по рождестве́ па́ки Де́ва пребы́сть. Видео-иллюстрация (нажмите)

 

Песнь 2

      Не́бо и земля́ да во́нмет / и Христу́ да воспою́т, / во Иорда́не челове́ческий возсозда́вшему днесь род, / истле́вший от преступле́ния. Видео-иллюстрация (нажмите)

     Не́бо, вонми́ ми, / земле́, внуши́ глаго́лы моя́, / я́ко из глубины́ се́рдца моего́ отры́гнух, / Бо́жие великоле́пие днесь, / па́мять прему́дрых апо́стол Его́. Видео-иллюстрация (нажмите)

      Ви́дите, ви́дите, я́ко Аз есмь в мо́ри спасы́й, / и в пусты́ни насы́тивый изра́ильтеския лю́ди, / и во́ду из ка́мене источи́вый челове́ком, / да дре́вле па́дшаго, поне́с, / привлеку́ ко Мне за неизрече́нную ми́лость. Видео-иллюстрация (нажмите)

     Внемли́те, лю́дие Мои́, зако́ну Моему́, / приклони́те у́хо ва́ше во глаго́лы уст Мои́х, / я́ко И́мя Твое́, Го́споди, призва́х. Видео-иллюстрация (нажмите)

     Внемли́те, лю́дие, / зна́мением дел Боже́ственныя Моея́ си́лы / и о сем уразуме́йте, / я́ко Еди́н Аз Бог есмь всех. Видео-иллюстрация (нажмите)

     Бог, и́стинна дела́ Его́ / и вси путие́ Его́ судьбы́. Видео-иллюстрация (нажмите)

 

Песнь 3

      Процвела́ есть пусты́ня, я́ко крин, Го́споди, / язы́ческая неплодя́щая Це́рковь / прише́ствием Твои́м, / в не́йже утверди́ся мое́ се́рдце. Видео-иллюстрация (нажмите)

Святых Богоявлений:

     Кре́пость дая́й царе́м на́шим Госпо́дь / и рог пома́занных Свои́х вознося́й / от Де́вы ражда́ется, гряде́т же ко Креще́нию. / Тому́, ве́рнии, возопие́м: / несть свят, я́ко Бог наш. Видео-иллюстрация (нажмите) 

     Ели́цы дре́вних изреши́хомся се́тей, / бра́шен львов сотре́нных члено́вными, / ра́дуимся и разшири́м уста́, / сло́во плету́ще от слове́с сладкопе́ния. / И́мже к нам наслажда́ется дарова́ний. Видео-иллюстрация (нажмите)

Осмогласника:

     Лук сокруши́ся си́льных / держа́вою Твое́ю, Христе́, / и си́лою немощству́ющии / препоя́сашася. Видео-иллюстрация (нажмите) 

     На ка́мени мя ве́ры утверди́в, / разшири́л еси́ уста́ моя́ на враги́ моя́, / возвесели́ бо ся дух мой, внегда́ пе́ти: / несть свят, я́коже Бог наш, / и несть пра́веден, па́че Тебе́, Го́споди. Видео-иллюстрация (нажмите)

На Рождество Богородицы:

     Утверди́ нас в Тебе́, Го́споди, / Дре́вом умерщвле́й грех, / и страх Твой всади́ / в сердца́ нас, пою́щих Тя. Видео-иллюстрация (нажмите)

Мироносиц:

     Непло́дствовавший мой ум / плодоно́сен, Бо́же, покажи́ ми, / Де́лателю до́брых, Насади́телю благи́х, / благоутро́бием Твои́м. Видео-иллюстрация (нажмите) 

     Утверди́ мя, Го́споди, Бо́же мой, / да не похва́лится враг мой о мне: / Ты бо еси́, Го́споди, утвержде́ние мое́, / и прибе́жище, и си́ла. Видео-иллюстрация (нажмите) 

     Храни́тель тве́рдый / и незы́блемое утвержде́ние Ты еси́, Христе́, / наде́ющияся на Тя, неукло́нны утвержда́я нас, / извести́ в тве́рдом Твое́м основа́нии наде́жды и ве́ры. Видео-иллюстрация (нажмите) 

     Утверди́ся се́рдце мое́ в Го́споде, / вознесе́ся рог мой в Бо́зе мое́м, / я́ко роди́лся еси́ на земли́ / и спасл еси́ заблу́ждшаго. Видео-иллюстрация (нажмите) 

     Ты сло́вом Твои́м, Го́споди, / Небеса́ утверди́л еси́, / Ты и се́рдце мое́ / в ве́ре утверди́. Видео-иллюстрация (нажмите) 

     Не́бо простры́й, я́ко ко́жу, и су́шу основа́вый на вода́х / Боже́ственным Твои́м ма́нием, Христе́ Боже, / и мене́ утверди́ в Правосла́вней ве́ре, взыва́юща: / свят несть, па́че Тебе́. Видео-иллюстрация (нажмите) 

     Утверди́ мя, Го́споди, утверди́вый си́лою Небеса́, / и утверди́ се́рдце мое́ во стра́се Твое́м, / да А́ннину песнь принесу́ Ти, Сло́ву: / несть свят, я́ко Бог наш, / вознесы́й рог пома́занных Свои́х. Видео-иллюстрация (нажмите) 

     Небеса́ небе́с, сла́ву Твою́, Спа́се, пове́дающая, / на похвалу́ воздвиза́ют А́нгелов мно́жества, / и челове́цы воспева́ют: / несть, па́че Тебе́, Бог и Госпо́дь, / от не су́щих во е́же бы́ти приведы́й вся́ческая. Видео-иллюстрация (нажмите) 

     И́же в нача́ле прему́дростию Твое́ю, Христе́, / Небеса́ утвержде́й ра́зумом, / основа́вый же зе́млю Боголе́пно на вода́х безме́рных, / держа́вою Твое́ю утверди́ мя, молю́ся, / в тве́рдом основа́нии ве́ры. Видео-иллюстрация (нажмите)

     Утверди́вый в нача́ле Прему́дростию и Сло́вом Небеса́ в ра́зуме / и зе́млю Основа́вый на вода́х, / воскресни́ от Гро́ба, / дая́й нам рог спасе́ния. Видео-иллюстрация (нажмите)

 

Песнь 4

      Прише́л еси́ от Де́вы не хода́тай, ни А́нгел, / но Сам, Го́споди, вопло́щся, / и спасл еси́ всего́ мя, челове́ка. / Тем зову́ Ти: / сла́ва си́ле Твое́й, Го́споди. Видео-иллюстрация (нажмите)

Богоявлений:

     Услы́шах, Го́споди, глас Твой, его́же рекл еси́, глас вопию́щаго в пусты́ни, / я́ко возгреме́л еси над вода́ ми мно́гими, / Твоему́ свиде́тельствуяй Сы́ну, / весь быв соше́дшаго Ду́ха, возопи́: / Ты еси́ Христо́с, Бо́- жия му́дрость и си́ла. Видео-иллюстрация (нажмите) 

    Огне́м очи́щся та́йнаго зре́ния, / поя́ проро́к челове́ков новоде́йство, / возглаша́ет глас, ду́хом пле́щущ, / воплоще́ние явля́ющ неизрече́нна Сло́ва, / И́м же си́льных держа́вы сотро́шася. Видео-иллюстрация (нажмите)

Осмогласника:

     Услы́шах, Го́споди, / сла́вное Твое́ смотре́ние / и просла́вих, Человеколю́бче, / непостижи́мую Твою́ си́лу. Видео-иллюстрация (нажмите)

На Рождество Богородицы:

     Услы́шах, Го́споди, / слух Твоего́ смотре́ния, / и просла́вих Тя, / Еди́не Человеколю́бче. Видео-иллюстрация (нажмите)

     Пою́ Тя, слу́хом бо, Го́споди, услы́шах и ужасо́хся: / до мене́ бо и́деши, мене́ ища́, заблу́ждшаго. / Тем мно́гое Твое́ снизхожде́ние, е́же на мя, / прославля́ю, Многоми́лостиве. Видео-иллюстрация (нажмите)

     Услы́шах, Го́споди, слух Твой и убоя́хся, / разуме́х дела́ Твоя́, и диви́хся, и возопи́х: / сла́ва си́ле Твое́й, Го́споди. Видео-иллюстрация (нажмите)

    Из горы́ ка́мень кроме́ руки́ отсе́клся еси́, Христе́, / от Де́вы Ма́тере. / Те́мже проро́к, прови́дя, вопия́ше: / во спасе́ние люде́й Твои́х прише́л еси́, / сла́ва си́ле Твое́й, Го́споди. Видео-иллюстрация (нажмите)

     Прозорли́ве проро́к тайноводи́мый / Твоему́, Христе́, прише́ствию ужаса́ется, / е́же предреки́й вопия́ше: / хвале́ния Твоего́ испо́лнися земля́, / Боголе́пно бо на́шу нищету́ не презре́л еси́, / но прише́л и спасл еси́. Видео-иллюстрация (нажмите)

     Услы́шах слух Боже́ственныя си́лы Твоея́, Христе́, / я́ко безсе́менно во чре́ве Де́вы зача́лся еси́, / и возопи́х: сла́ва си́ле Твое́й, Го́споди. Видео-иллюстрация (нажмите)

Мироносиц:

     Е́же от Де́вы Твое́ рождество́ проро́к предзря́, / возпропове́даше, вопия́: / слух Твой услы́шах и убоя́хся, / я́ко от ю́га и из горы́ святы́я приосене́нныя / прише́л еси́, Христе́. Видео-иллюстрация (нажмите) 

     Внегда́ прибли́житися ле́том, позна́ешися, / положи́л бо еси́ любо́вь тве́рду / кре́пости Твоея́, Го́споди. Видео-иллюстрация (нажмите) 

     Неизрече́нное та́инство вочелове́чения Твоего́, Христе́ Бо́же, / та́йно прови́дев, Авваку́м вопия́ше: / услы́шах слух Твой и убоя́хся, / разуме́х дела́ Твоя́ / и просла́влю си́лу Твою́. Видео-иллюстрация (нажмите) 

     Чу́ду стра́шному научи́вся чу́дный Авваку́м, / неизрече́нному Твоему́, Сло́ве Бо́жий, прише́ствию, / я́ко от приосене́нныя ча́щи, Неизме́нне, воплоща́емь, проше́л еси́, / и, я́ко во у́жасе быв, взыва́ше: / сла́ва си́ле Твое́й, Го́споди. Видео-иллюстрация (нажмите) 

     Свеще́ю пре́жде Авваку́м просвеща́емь, Го́споди, / и Твое́ вочелове́чение предвозвеща́я, вопия́ше, / от Святы́я Де́вы проити́, Неизме́нне, / в возсозда́ние дре́вняго Ада́ма. Видео-иллюстрация (нажмите) 

     От Де́вы безсе́менно яви́лся еси́ ми́рови, я́ко со́лнце, / нетле́ния сла́ву озаря́я нам, / от Ада́ма преступле́нием осуди́вшимся, Го́споди. / Те́мже дохнове́нием Ду́ха проро́к Авваку́м взыва́ше: / сла́ва, Христе́, си́ле Твое́й. Видео-иллюстрация (нажмите) 

     Посреде́ двою́ разбо́йнику Живо́т на Дре́ве ви́сяше, / совокупи́ти бо пре́жде разстоя́щее / дла́ни простре́ Свое́ю во́лею, / и воскре́с тридне́вный, совоскреси́в естество́ челове́ческое, / сла́вящее Его́ Боже́ст венное снизхожде́ние. Видео-иллюстрация (нажмите)

 

Песнь 5

      Хода́тай Бо́гу и челове́ком был еси́, Христе́ Бо́же: / Тобо́ю бо, Влады́ко, к Светонача́льнику, Отцу́ Твоему́, / от но́щи неве́дения / приведе́ние и́мамы. Видео-иллюстрация (нажмите)

Богоявлений:

     Иису́с, живота́ нача́льник, / разреши́ти осужде́ние гряде́т Ада́ма первозда́ннаго, / очище́ний же я́ко Бог не тре́буя, / па́дшаго очища́ет во Иорда́не, в не́мже вражду́ уби́в, / преиму́щ всяк ум мир да́рует. Видео-иллюстрация (нажмите) 

    Врага́ те́мнаго и оскверне́ннаго я́да / очище́нием Ду́ха измове́ни, / к но́вой приста́хом небла́зненной стези́, / водя́щей в непристу́пную ра́дость, Еди́нем присту́пну, / и́мже Бог примири́ся. Видео-иллюстрация (нажмите)

Осмогласника:

     Све́та Пода́телю / и веко́в Тво́рче, Го́споди, / во све́те Твои́х повеле́ний наста́ви нас: / ра́зве бо Тебе́, ино́го бо́га не зна́ем. Видео-иллюстрация (нажмите)

Мироносиц:

     Мглу души́ моея́, Спа́се мой, / разгна́в све́том за́поведей Твои́х, озари́ мя, / я́ко Еди́н Царь ми́ра. Видео-иллюстрация (нажмите) 

     Угль Иса́ии проявле́йся, / Со́лнце из де́вственныя утро́бы / возсия́ во тьме заблу́ждшим, / Богоразу́мия просвеще́ние да́руя. Видео-иллюстрация (нажмите) 

     Просвеще́ние во тьме лежа́щих, / спасе́ние отча́янных, Христе́, Спа́се мой, / к Тебе́ у́тренюю, Царю́ ми́ра, / просвети́ мя сия́нием Твои́м, / ино́го бо, ра́зве Тебе́, бо́га не зна́ю. Видео-иллюстрация (нажмите) 

      От но́щи пое́м Тя, Христе́ Бо́же, / я́ко благоволе́нием О́тчим / Себе́ во истоща́ние положи́л еси́ / на́шего ра́ди спасе́ния.  Видео-иллюстрация (нажмите) 

 

     Стяжи́ ны, Го́споди, плене́нныя от греха́, и просвети́, Спа́се, / во е́же пе́ти и сла́вити Тя, / Еди́наго Изба́вителя / и Просвети́теля душ на́ших.  Видео-иллюстрация (нажмите) 

     Живо́т сый и Свет, Христе́ Бо́же, / мра́чнаго неве́дения разори́в мглу, / просвети́ на́ша мы́сли, / у́мная чу́вства незаходи́мым Све́том Твоего́ ра́зума. Видео-иллюстрация (нажмите) 

     Но́щи преше́дшей, прибли́жися день, / и Свет ми́ру возсия́, / сего́ ра́ди хва́лят Тя А́нгельстии чи́ни / и славосло́вят Тя вся́ческая.  Видео-иллюстрация (нажмите) 

На Рождество Богородицы:

     Сеннопи́санный мрак гада́ний разори́в / и ве́рных прибы́тием И́стины, / Богоотрокови́цею, озари́в сердца́, / и нас Све́том Твои́м, Христе́, наста́ви. Видео-иллюстрация (нажмите)

     Невече́рний Свет Твой, Христе́, / возсия́й в нас, Светода́вче, / и мрак прегреше́ний на́ших разори́, / ми́ра Царю́. Видео-иллюстрация (нажмите)

     Све́том за́поведей Твои́х / озари́, Христе́, се́рдце мое́, / я́ко да во хвале́ Твою́ непреста́нно славосло́влю, / от но́щи у́треннюя,  благосты́ню. Видео-иллюстрация (нажмите)

     Тебе́, сла́вы Со́лнце незаходи́мое, / Христе́, от се́рдца молю́: / просвети́ души́ моея́ ослепле́ннии зе́ницы, / от но́щи греха́ к де́ланию за́поведей Твои́х. Видео-иллюстрация (нажмите)

     Просвеще́нием за́поведей Твои́х, Еди́не Ще́дре, / озари́ ду́шу мою́, молю́ся, / ю́же из глубины́ сна ле́ности / ко у́тру возста́ви составле́ние пе́рстное, / я́ко да пою́ Тя, Христе́, Све́та невече́рняго. Видео-иллюстрация (нажмите)

     У́тро све́тлое возсия́ от Гро́ба, / Его́ бо схожде́нием Све́та испо́лнишася преиспо́дняя, / пра́ведных ду́ши воста́ша во сла́ве, / славосло́вящия стра́шное и Боже́ственное Воскресе́ние: / Ты бо Еди́н Царь, и Держа́вный, и Си́льный, / и ми́ра Пода́тель. Видео-иллюстрация (нажмите)

 

Песнь 6

     В бе́здне грехо́вней валя́яся, / неизсле́дную милосе́рдия Твоего́ призы́ваю бе́здну: / от тли, Бо́же, мя возведи́. Видео-иллюстрация (нажмите)

Богоявлений:

     Глас Словесе́, свети́льник Све́та, / денни́ца Со́лнца, Предте́ча в пусты́ни, /– пока́йтеся,– всем вопие́т лю́дем,– и предочи́ститеся: / се бо предстои́т Христо́с, / от тли мир избавля́яй. Видео-иллюстрация (нажмите) 

     Вожделе́ннаго я́вствова со всеблаже́нным гла́сом Оте́ц, / Его́же из чре́ва отры́гну. / Ей,– глаго́лет, – Сей Соесте́ствен Сын, Сый светоза́рен, / произни́че из челове́ча ро́да: / Сло́во же мое́ жи́во и Челове́к промышле́нием. Видео-иллюстрация (нажмите)

Осмогласника: 

     Глас глаго́л моле́бных / от боле́зненныя, Влады́ко, души́ услы́шав, / от лю́тых мя изба́ви: / Еди́н бо еси́ на́шего спасе́ния вино́вен. Видео-иллюстрация (нажмите)

Мироносиц:

     Во глубине́ грехо́вней содержи́мь есмь, Спа́се, / и в пучи́не жите́йстей обурева́емь, / но, я́коже Ио́ну от зве́ря, / и мене́ от страсте́й возведи́ и спаси́ мя. Видео-иллюстрация (нажмите) 

На Рождество Богородицы:

     Ко Го́споду от ки́та Ио́на возопи́: / Ты мя возведи́ из глубины́ а́да, молю́ся, / да я́ко Изба́вителю во гла́се хвале́ния / и́стины же Ду́хом пожру́ Тебе́. Видео-иллюстрация (нажмите)

     Возопи́х в ско́рби мое́й / ко Го́споду Бо́гу моему́, / и посла́ Спа́са ми́ра, / и изба́ви от тли живо́т мой. Видео-иллюстрация (нажмите)

     Бе́здна мя мно́га грехо́вная окружа́ет, / и вопию́ Ти, проро́ка подража́яй: / от тли мя, Го́споди, возведи́. Видео-иллюстрация (нажмите)

     Е́же из глубины́ се́рдца, / не пре́зри моле́ние рабо́в Твои́х, Го́споди: / но я́ко проро́ка Ио́ну от ки́това чре́ва изве́л еси́, / и нас от у́мнаго зве́ря и душетли́тельнаго спаси́. Видео-иллюстрация (нажмите)

     Из глубины́ возведи́ мя, / Ио́на к Тебе́ возопи́, / о́браз погребе́ния и воскресе́ния сый, / е́же нам дарова́л еси́, Всеси́льне Спа́се. Видео-иллюстрация (нажмите)

    Бе́здна согреше́ний обы́де мя после́дняя, / но, я́ко проро́ка Ио́ну, Го́споди, / Го́споди, возведи́ / из нетле́ния живо́т мой. Видео-иллюстрация (нажмите)

 

     Морско́му зве́рю впад, Ио́на здрав спасе́ся, / аз же, содержи́мь мно́гими мои́ми лю́тыми, / в про́пасть отве́ржен бых, / но молю́ Тя, Иису́се, Бо́же мой, / предвари́в, уще́дри мя / и от тьмы возведи́ живо́т мой, и от тли. Видео-иллюстрация (нажмите)

     Во глубины́ дости́гша морски́я, / и тридне́вствовавша в ки́товех пе́рсех морска́го зве́ря, / дре́вле Ио́ну подража́яй, зову́ Ти: Спа́се мой, / вопию́ща, возведи́ мя из а́да преиспо́дняго, / я́ко да пожру́ Ти со гла́сом хвале́ния. Видео-иллюстрация (нажмите)

     Из чре́ва бе́здны долго́в мои́х, Спа́се, изведи́ дух мой, / я́ко дре́вле Ио́ну от ки́това чре́ва возве́л еси́, / да во хра́ме святы́я сла́вы Твоея́ / Твою́ похвалю́ благосты́ню. Видео-иллюстрация (нажмите)

     Прообразу́яй Твое́ погребе́ние, Крест и страсть Ио́на, / во чре́ве ки́тове, Спа́се, тридне́вновав, от внутрь взыва́ше: / да взы́дет живо́т мой, / и прии́дет моли́тва моя́ в храм Твой Боже́ственный, / о Го́споди ми́лости. Видео-иллюстрация (нажмите)

 

Песнь 7

     Богопроти́вное веле́ние беззако́ннующаго мучи́теля / высо́к пла́мень вознесло́ есть. / Христо́с же простре́ Богочести́вым отроко́м ро́су духо́вную, / Сый благослове́н и препросла́влен. Видео-иллюстрация (нажмите)

Богоявлений:

     Ю́ноши благочести́выя, пе́щи оѓненней приобщи́вшияся, / шумя́щ дух ро́сный невреди́мы сохрани́ / и Бо́жия А́нгела снизхожде́ние. / Те́мже, в пла́мени ороша́еми, благода́рственно воспева́ху: / препе́тый оте́ц Го́споди и Бо́же, благослове́н еси́. Видео-иллюстрация (нажмите) 

     Опали́ струе́ю зми́евы главы́ пе́щный высо́кий пла́мень, / ю́ноши нося́щ благочести́выя, / ути́шивый неудободержи́мую мглу из греха́, / всю же омыва́ет росо́ю Ду́ха. Видео-иллюстрация (нажмите)

     Осмогласника:

     О́бразу злато́му, на по́ле Деи́ре служи́му, / трие́ Твои́ о́троцы небрего́ша безбо́жнаго веле́ния, / посреде́ же огня́ вве́ржени, ороша́еми, поя́ху: / благослове́н еси́, Бо́же оте́ц на́ших. Видео-иллюстрация (нажмите) 

     Вети́и яви́шася о́троцы любому́дрейшии дре́вле, / от Богоприя́тныя бо души́, Богосло́вяще устна́ми, поя́ху: / Пребоже́ственный отце́в и наш Бо́же, / благослове́н еси́. Видео-иллюстрация (нажмите) 

Мироносиц:

     Херуви́мы подража́юще, о́троцы / в пещи́ ликовствова́ху, вопию́ще: / благослове́н еси́, Бо́же, / я́ко и́стиною и судо́м наве́л еси́ сия́ вся грех ра́ди на́ших, / препе́тый и препросла́вленный во вся ве́ки. Видео-иллюстрация (нажмите)

     Да пресла́вное рождество́ Твое́, Христе́, е́же от Де́вы, / прообрази́ши я́ве, / неопали́мы в пещи́ о́троки сохрани́л еси́, / пе́сньми пою́щия Тебе́: / отце́в Бо́же, благослове́н еси́. Видео-иллюстрация (нажмите) 

На Рождество Богородицы:

     Купина́ в горе́ огненеопа́льная / и росоно́сная пещь халде́йская / я́ве предписа́ Тя, Богоневе́сто: / Боже́ственный бо Невеще́ственный / в веще́ственнем чре́ве Огнь неопа́льно прия́ла еси́. / Те́мже из Тебе́ Ро́ждшемуся пое́м: / благослове́н еси́, Бо́же оте́ц на́ших. Видео-иллюстрация (нажмите)

     Трие́ от́роцы в пещи́ Тро́ицу прообрази́вше, / Царя́ Го́спода пропове́даша / и пре́лесть и́дольскую упраздни́ша, вопию́ще: / благослове́н еси́, Бо́же оте́ц на́ших. Видео-иллюстрация (нажмите)

     Пещь дре́вле всегремя́щую угаси́вый / и о́троки ту́чею духо́вною ороси́вый, / благослове́н еси́, Бо́же оте́ц на́ших. Видео-иллюстрация (нажмите)

     Трисве́тлыя Тро́ицы равночи́сленнии о́троцы, и́же от Иерусали́ма, / в Вавило́не царя́ нечести́ваго попра́ша веле́ние / и, во огнь вве́ржени, ликовствова́ху, глаго́люще: / благослове́н еси́, Бо́же оте́ц на́ших. Видео-иллюстрация (нажмите)

     Богочести́вии о́троцы Сио́нстии, / плене́ннии в Вавило́не, предразсуди́вше, / и, посреде́ пе́щи вве́рже ни, / всеми́рное ликова́ние воздвиго́ша, пою́ще: / оте́ц на́ших Бо́же, благослове́н еси́. Видео-иллюстрация (нажмите)

     Благоче́стия рачи́телие, о́троцы, в Вавило́не о́бразу злато́му не послужи́вше, / в пещь о́гненную, ра́дующеся, самово́льне идо́ша / и пла́мень в ро́су преведо́ша, / сия́нию Бо́жию пою́ще: / отце́в Бо́же, в хра́ме Твое́м благослове́н еси́. Видео-иллюстрация (нажмите)

     В пещь пла́менную ю́ноши три вве́ржени, / ликова́ние спле́тше, я́ко в нетле́ннем травнице́, / Христу́, снаслажда́ющеся, вопия́ху, пою́ще: / отце́в Бо́же, во хра́ме Твое́м благослове́н еси́. Видео-иллюстрация (нажмите)

     Те́лу злато́му прему́дрыя де́ти не послужи́ша, / и в пла́мень са́ми поидо́ша, / и бо́ги их обруга́ша, / среди́ пла́мене возопи́ша, и ороси́ я́ А́нгел: / услы́шася уже́ уст ва́ших моли́тва. Видео-иллюстрация (нажмите)

 

Песнь 8

     Пещь иногда́ о́гненная в Вавило́не де́йства разделя́ше, / Бо́жиим веле́нием халде́и опаля́ющая, / ве́рныя же ороша́ющая, пою́щия: / благослови́те, вся дела́ Госпо́дня, Го́спода. Видео-иллюстрация (нажмите)

Богоявлений:

     Та́йну пресла́вную вавило́нская показа́ пещь, источи́вшая ро́су, / я́ко струя́ми имя́ше невеще́ственный Огнь восприя́ти Иорда́н / и объя́ти пло́тию креща́ема Зижди́теля, / Его́же благословя́т лю́дие / и превозно́сят во вся ве́ки. Видео-иллюстрация (нажмите) 

     Свобо́дна у́бо тварь познава́ется / и сы́нове све́та, пре́жде омраче́ннии, / еди́н сте́нет тьмы предста́тель. / Ны́не да благослови́т усе́рдно Вино́внаго / пре́жде окая́нное язы́ков всенасле́дие. Видео-иллюстрация (нажмите)

  Осмогласника:

     В пещь о́гненную ко отроко́м евре́йским снизше́дшаго / и пла́мень в ро́су прело́жшаго Бо́га / по́йте, дела́, я́ко Го́спода / и превозноси́те во вся ве́ки. Видео-иллюстрация (нажмите) 

     О подо́бии зла́те небре́гше треблаже́ннии ю́ноши, / неизме́нный и живы́й Бо́жий о́браз ви́девше, / среди́ огня́ воспева́ху: / осуществова́нная да пое́т Го́спода вся тварь / и превозно́сит во вся ве́ки. Видео-иллюстрация (нажмите) 

Мироносиц:

     В купине́ Моисе́ю Де́вы чу́до / на Сина́йстей горе́ Прообрази́вшаго иногда́, / по́йте, благослови́те / и превозноси́те во вся ве́ки. Видео-иллюстрация (нажмите)

    Неизрече́нною му́дростию соста́вльшаго вся́ческая Бо́га Сло́ва / и от не су́щих во е́же бы́ти приве́дшаго, / благослови́те, дела́, я́ко Го́спода / и превозноси́те во вся ве́ки. Видео-иллюстрация (нажмите)

     Свещено́сцы душе́ю, / све́тлии, па́че сне́га пресия́юще, / преподо́бнии о́троцы посреде́ пла́мене не опали́шася: / вся бо вку́пе, ели́ка под тва́рию, / к Бо́жии пе́сни себе́ созыва́юще, с ра́достию поя́ху: / по́йте, дела́ Госпо́дня, Го́спода. Видео-иллюстрация (нажмите)

     Веле́нию мучи́телеву / преподо́бнии трие́ о́троцы не повину́вшеся, / в пещь вве́ржени, Бо́га испове́даху, пою́ще: / благослови́те, дела́ Госпо́д ня, Го́спода. Видео-иллюстрация (нажмите)

     Устраши́ся отроко́в благочести́вых сообра́знаго души́ нескве́рнаго те́ла / и устрани́ся воспита́нный в безме́рном веществе́ неутружде́н огнь, / присноживу́щу же, изувя́дшу пла́меню, ве́чнующая песнь воспева́шеся: / Го́спода, вся дела́, по́йте / и превозноси́те во вся ве́ки. Видео-иллюстрация (нажмите)

     Глаго́л мучи́телев поне́же превозмо́же, / седмери́цею пещь разжже́на бысть иногда́, / в не́йже о́троцы не опали́шася, / царе́во попра́вше веле́ние, / но вопия́ху: вся дела́ Госпо́дня, Го́спода по́йте / и превозноси́те во вся ве́ки. Видео-иллюстрация (нажмите)

На Рождество Богородицы:

     В пещи́ о́трочестей прообрази́л еси́ иногда́ Твою́ Ма́терь, Го́споди: / о́браз же Сия́ из огня́ изыма́ше неопа́льно входя́щия. / Ю́же пое́м, я́вльшуюся Тобо́ю конце́м днесь, / и превозно́сим во вся ве́ки. Видео-иллюстрация (нажмите)

     Дре́вле ороси́вшаго евре́йския о́троки в пла́мени / и опали́вшаго Го́спода халде́и пресла́вно в нем / воспое́м, глаго́люще: / благослови́те и превозноси́те Его́ во ве́ки. Видео-иллюстрация (нажмите) 

     От не су́щих во е́же бы́ти Приве́дшаго Сло́вом вся, / по́йте и превозноси́те во вся ве́ки. Видео-иллюстрация (нажмите) 

     Гла́сы А́нгельскими / на Небесе́х сла́вимаго Бо́га / восхва́лим, глаго́люще, земноро́днии, / во вся ве́ки. Видео-иллюстрация (нажмите) 

     Истука́ну златосоде́ланному, / на по́ли Деи́ре орга́ны мусики́йскими служи́му, / Бо́гу же, всех Созда́телю, презре́ну, / сио́нстии о́троцы не послу́шаша веле́ния беззако́ннаго, / но показа́ша тва́ри пещь росо да́тельну мучи́теля, / благословя́ща лю́ди, / пре воз нося́щия Еди́наго Бо́га всех во вся ве́ки. Видео-иллюстрация (нажмите) 

     Веле́ние беззако́нное до́блии о́троцы небрего́ша / и мусики́йских орга́нов гла́са не послу́шаша, / но, в пещи́ ороша́еми, благода́рно поя́ху: / благослови́те, дела́ Госпо́дня, Го́спода. Видео-иллюстрация (нажмите) 

     Красноду́шнии от́роцы, в пещь вве́ржени, / Держа́ву взя́ша Ве́чную, Бо́га испове́дающе Небе́снаго, / и мучи́теля посрами́ша, до́гму предпросте́рше сладко пе́ние: / благослови́те, вся́кое дыха́ние и тварь, / Су́щаго над все́ми Царя́ во вся ве́ки. Видео-иллюстрация (нажмите) 

    Неразде́льнии Тро́ицы о́троцы бы́ша, / добро́ты о́браза не жела́вше, / душепа́губную пре́лесть отри́нувше, / с Небесе́ ороше́ни, вопия́ху Христу́ песнь: / благослови́те, вся дела́ Госпо́дня, Го́спода. Видео-иллюстрация (нажмите) 

     Ороси́ А́нгел пещь отроко́в, отвали́ ка́мень от две́ри Гро́ба / и жена́м мироно́сицам благовеща́ше, глаго́ля: / воскре́се Госпо́дь, я́коже прорече́ вам. / Потщи́теся, возопи́йте Боже́ственным ученико́м Его́, / я́ко предваря́ет вы в Галиле́и / Ца́рствуяй во вся ве́ки. Видео-иллюстрация (нажмите) 

     В нача́ле, Го́споди, зе́млю основа́л еси́, / и дела́ рук Твои́х суть Небеса́; / воспева́ет вся тварь / и славосло́вит де́йства сло́вом во ве́ки. Видео-иллюстрация (нажмите) 

    Хва́лим, благослови́м, превозно́сим, / пое́м И́мя Твое́, Христе́: / Ты бо Царь во вся ве́ки. Видео-иллюстрация (нажмите) 

     А́нгели непреста́нно воспева́ют, / челове́цы при́сно славосло́вят, / и вся тварь / да благослови́т Го́спода. Видео-иллюстрация (нажмите)

 

Песнь 9

     Безнача́льна Роди́теля Сын, Бог и Госпо́дь, / вопло́щся от Де́вы, нам яви́ся, / омраче́нная просвети́ти, собра́ти расточе́нная. / Тем Всепе́тую Бо горо́дицу велича́ем. Видео-иллюстрация (нажмите)

Богоявлений:

     Недоуме́ет всяк язы́к благохвали́ти по достоя́нию, / изумева́ет же ум и преми́рный пе́ти Тя, Богоро́дице: / оба́че Блага́я су́щи, ве́ру приими́, / и́бо любо́вь ве́си Боже́ственную на́шу, / Ты бо христиа́н еси́ Предста́тельница, Тя велича́ем. Видео-иллюстрация (нажмите) 

     О, па́че ума́ Рождества́ Твоего́ чуде́с, / Неве́сто Все чи́стая, Ма́ти Благослове́нная, / Е́юже получи́вше все соверше́нное спасе́ние, / досто́йно хва́лим, я́ко Благоде́теля, / дар нося́ще – песнь благодаре́ния. Видео-иллюстрация (нажмите)

  Осмогласника:

     Весь еси́ жела́ние, весь сла́дость, / Сло́ве Бо́жий, Де́вы Сы́не, / Бо́же бого́в, Го́споди, святы́х Пресвяты́й, / тем Тя вси с Ро́ждшею велича́ем. Видео-иллюстрация (нажмите) 

     От земноро́дных кто слы́ша таково́е / или́ кто ви́де когда́, я́ко Де́ва обре́теся, во чре́ве иму́щая / и безболе́зненно Младе́нца поро́ждшая? / Таково́е Твое́ чу́до, и Тя, Чи́стая Богоро́дице, велича́ем. Видео-иллюстрация (нажмите) 

Мироносиц:

     Преесте́ственно пло́тию Заче́ншую во чре́ве / от Отца́ безле́тно предвозсия́вшее Сло́во / в пе́снех немо́лчных / велича́ем, ве́рнии. Видео-иллюстрация (нажмите)

На Рождество Богородицы:

      Я́же пре́жде со́лнца свети́льника Бо́га возсия́вшаго, / пло́тски к нам прише́дшаго из боку́ Деви́чу, / неизрече́нно воплоти́вшая, Благослове́нная Всечи́стая, / Тя, Богоро́дице, велича́ем. Видео-иллюстрация (нажмите)

     От Бо́га Бо́га Сло́ва, / неизрече́нною му́дростию прише́дшаго обнови́ти Ада́ма, / я́дию в тле́ние па́дшаго лю́те, / от Святы́я Де́вы неизрече́нно воплоти́вшагося нас ра́ди, / ве́рнии, единому́дренно пе́сньми велича́ем. Видео-иллюстрация (нажмите) 

     Возвели́чися ве́рных люде́й Це́рковь, / я́ко Созда́тель всех, / в ней обита́яй, / новотвори́т к жи́зни. Видео-иллюстрация (нажмите)

     Что о Тебе́ ве́лия и пресла́вная та́йна, / Ада́мова Дщи и Вы́шняго Ма́ти? / Еди́ный к Бо́гу небла́зненный ве́рных мост, / Тя немо́лчными пе́сньми, ве́рнии, Богоро́дицу велича́ем. Видео-иллюстрация (нажмите) 

     Возвели́чил еси́, Христе́, ро́ждшую Тя Богоро́дицу, / от Нея́же, Созда́телю наш, в подобостра́стное нам обле́клся еси́ те́ло, / на́ших прегреше́ний реши́тельное: / Сию́ ублажа́юще, вси ро́ди, / Тебе́ велича́ем. Видео-иллюстрация (нажмите) 

     Душа́ми чи́стыми и нескве́рными устна́ми, / прииди́те, возвели́чим Нескве́рную и Пречи́стую Ма́терь Емману́илеву, / Е́юже, из Нея́ к Рожде́нному принося́ще моли́тву: / пощади́ ду́ши на́ша, Христе́ Бо́же, и спаси́ нас. Видео-иллюстрация (нажмите) 

    Невмести́маго Бо́га / во чре́ве вмести́вшая / и Ра́дость ми́ру роди́вшая, / Тя пое́м, Богоро́дице Де́во. Видео-иллюстрация (нажмите) 

     Сотвори́ с Тобо́ю вели́чия, Чи́стая, / всех Творе́ц, роди́выйся от Тебе́, / па́ки це́ло показа́ Твое́ чре́во, Всепе́тая, / тем непреста́нно Тя, Богоро́дице, / челове́ческий род, велича́ем. Видео-иллюстрация (нажмите) 

     Чи́стую и Пречи́стую / Ма́терь и Де́ву / пе́сньми пе́сней, вси ве́рнии, / благоче́стно я́ко Богоро́дицу велича́ем. Видео-иллюстрация (нажмите) 

     На Небесе́х Благослове́нная / и на земли́ славосло́вимая, / ра́дуйся, Неве́сто / Неневе́стная. Видео-иллюстрация (нажмите) 

     Де́вство Твое́, Богоро́дице нескве́рная, / е́же не опали́ Огнь Боже́ственный, / велича́ем. Видео-иллюстрация (нажмите) 

     Велича́ем вси страстоте́рпцев па́мять, / водо́ю и огне́м проше́дших и Христа́ моля́щих / спасти́ ду́ши на́ша. Видео-иллюстрация (нажмите) 

      Пресла́вное слы́шание и та́инство стра́нное / в Тебе́ соверши́ся, Пречи́стая Де́во: / зача́тие без се́мене и де́вство по рождестве́; / но я́ко Влады́чица Всеца́рица спаси́ ны, я́ко Блага́, / ве́рою несумне́нною покланя́ющимся Рождеству́ Твоему́ и велича́ющия. Видео-иллюстрация (нажмите) 

     Тебе́, мы́сленную и одушевле́нную ле́ствицу, / на не́йже Бог наш утверди́ся, / е́юже к Небеси́ обрето́хом восхожде́ние, / пе́сньми, Богоро́дице, велича́ем. Видео-иллюстрация (нажмите) 

     Ра́дуйся, Всецари́це, земноро́дных похвало́, / в после́дняя дни Спасе́ние на́ше ро́ждшая, / да от дре́вния кля́твы челове́ческий род свободи́ши, / те́мже вси немо́лчно Тя велича́ем. Видео-иллюстрация (нажмите) 

     Утро́ба Твоя́ чи́стая, Богоро́дице Де́во, / Небе́сную ту́чу ми́рови ука́ну, Живо́т возсия́ющую Ве́чный, / и Ада́ма со Е́вою в па́жить ра́йскую всели́. / Те́мже Тя, еди́ну в жена́х, Ма́терь бы́вшую Емману́илеву, / вси ро́ди, велича́ем. Видео-иллюстрация (нажмите) 

     Велича́ем Твое́ Рождество́, Отрокови́це нескве́рная, / Тобо́ю Бо́гу соедини́вшеся, / и вопие́м Ти, Мари́е Богоневе́сто: / ра́дуйся, всех воззва́ние, от дре́вния кля́твы умерщвле́нных, / Твои́м невозде́ланным чрево ноше́нием. Видео-иллюстрация (нажмите) 

     Чу́до пресла́вное и та́инство стра́нное, / зача́тие преесте́ственное, рождество́ несказа́нное, / А́нгелов во́инства и челове́ков мно́жества, / пе́сньми непреста́нными велича́ем. Видео-иллюстрация (нажмите)