РЕГЕНТСКИЕ И ПЕВЧЕСКИЕ КУРСЫ

КОЛОБАНОВА АЛЕКСЕЯ ВЛАДИМИРОВИЧА

НАМ 10 ЛЕТ!

Сайт REGENTZAGOD.RU - наш основной и единственный сайт; исторический - regentzagod.com - закрыт.

-----

ОТКРЫТА РЕГИСТРАЦИЯ на курсы (очные/дистанционные): регентские, подготовительно-певческие, сольфеджио - с началом обучения в январе 2023 года.

Подробнее о курсах здесь (нажмите); форма заявки здесь; оплата (до 30 декабря) здесь.

-----

Видео запись концерта памяти прот. Александра Куликова - "Всенощное бдение - "Лето Господне""

-----

Полезное обучающее видео - здесь.

***Размещение ссылок на наше видео на других ресурсах запрещено.

 

СЕРВИС ИЗУЧЕНИЯ ИРМОСНЫХ ГЛАСОВ:

(Приобрести полный нотный ирмологий можно ЗДЕСЬ). 

Ирмологий, с Богом Святым, обдержа́й вся ирмосы́ осмогласника,

Владычних же и Богоматере праздников и всего лета

Оглавление:

Глас 1: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 2: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 3: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 4: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 5: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 6: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 7: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 8: песнь 1песнь 2песнь 3песнь 4песнь 5песнь 6песнь 7песнь 8песнь 9.

 

ГЛАС 3

Песнь 1

     Во́ды дре́вле ма́нием Боже́ственным / во еди́но со́нмище совокупи́вый / и раздели́вый мо́ре изра́ильтеским лю́дем, / Сей Бог наш препросла́влен есть, / Тому́ еди́ному пои́м, я́ко просла́вися. Видео-иллюстрация (нажмите)

Сретения:

     Су́шу глубороди́тельную зе́млю / со́лнце наше́ствова иногда́: / я́ко стена́ бо, огусте́ обапо́лы вода́ / лю́дем пешемореходя́щим и Богоуго́дно пою́щим: / пои́м Го́сподеви, сла́вно бо просла́вися. Видео-иллюстрация (нажмите) 

     Оземлени́вый мо́ре жезло́м Моисе́ем Чермно́е, / рука́ма старца днесь объе́млется Бог, / И́же без ма́тере от Отца́, / в после́дняя же во́лею Ма́терию но́сится. Видео-иллюстрация (нажмите) 

Осмогласника:

     Фарао́ни колесни́цы глубино́ю покры́в, Го́споди, / мо́ре разве́ргл еси́ / и спасл еси́ пе́сньми пою́щия Тя / лю́ди изра́ильтеския. Видео-иллюстрация (нажмите) 

В неделю о разслабленном:

     Ди́вно, сла́вно творя́й чудеса́ / Ты еси́, Бо́же, / бе́здну оземлени́вый, и колесни́цы потопи́вый, / и лю́ди спасы́й, пою́щия Тебе́, / я́ко Царю́ на́шему и Бо́гу. Видео-иллюстрация (нажмите) 

     Изба́вльшему Изра́иля от рабо́ты / и фарао́на погрузи́вшему в мо́ри, / пои́м Спа́су Христу́, / я́ко просла́вися во ве́ки. Видео-иллюстрация (нажмите) 

      Пои́м Го́сподеви, / сотво́ршему ди́вная чудеса́ в Чермне́м мо́ри, / по́нтом бо покры́ проти́вныя и спасе́ Изра́иля, / Тому́ Еди́ному пои́м, я́ко просла́вися. Видео-иллюстрация (нажмите) 

    Пресека́емое мо́ре жезло́м дре́вле / Изра́иль про́йде, я́ко по пусты́ни, / и крестообра́зно я́ве предуготовля́ет стези́. / Сего́ ра́ди пои́м во хвале́нии Чу́дному Бо́гу на́шему, / я́ко просла́вися. Видео-иллюстрация (нажмите) 

     Песнь но́вую пои́м, лю́дие, / от Де́вы Ро́ждшемуся во спасе́ние на́ше / и еди́но Сотво́ршему с Небе́сными земна́я, / я́ко просла́вися. Видео-иллюстрация (нажмите) 

    Спа́сшему Бо́гу в мо́ри лю́ди / и погрузи́вшему проти́вныя, / Тому́ Еди́ному пои́м, я́ко просла́вися. Видео-иллюстрация (нажмите) 

 

Песнь 2

     Ви́дите, ви́дите, я́ко Аз есмь Спас ми́ра, / Свет и́стинный, Исто́чник жи́зни, / Сын Бо́жий. Видео-иллюстрация (нажмите)

     Вонми́, земле́ и не́бо, / и внуши́ глаго́лы моя́, / возглаго́лю бо на земли́ Бо́жия чудеса́. Видео-иллюстрация (нажмите)

     Я́ко ту́ча на тро́скот / и я́коже и́ней на се́но, / да сни́дут на зе́млю глаго́ли Мои́. Видео-иллюстрация (нажмите)

 

Песнь 3

       И́же от не су́щих вся Приведы́й, / сло́вом созида́емая, / соверша́емая Ду́хом, / Вседержи́телю Вы́шний, / в любви́ Твое́й утверди́ мене́. Видео-иллюстрация (нажмите)

Сретения:

     Утвержде́ние на Тя наде́ющихся, / утверди́, Го́споди, Це́рковь, / ю́же стяжа́л еси́ / Честно́ю Твое́ю Кро́вию. Видео-иллюстрация (нажмите) 

Осмогласника:

     Утвержда́йся, душе́, в Го́споде Бо́зе / и возопи́й, хваля́щися: / несть свят, па́че Тебе́, Го́споди. Видео-иллюстрация (нажмите) 

Разслабленнаго:

     Непло́дная душе́ и безча́дная, / стяжи́ плод благосла́вный, / веселя́щися, возопи́й: / утверди́хся Тобо́ю, Бо́же, / несть свят, несть пра́веден, / па́че Тебе́, Го́споди. Видео-иллюстрация (нажмите) 

     Утверди́, Го́споди, сердца́ на́ша / и просвети́ к Твоему́ песнопе́нию, / е́же сла́вити Тя, Спа́се, во век ве́ка. Видео-иллюстрация (нажмите) 

     Утверди́ся се́рдце мое́ в Го́споде, / вознесе́ся рог мой в Бо́зе мое́м, / я́ко несть свят, па́че Тебе́, Го́споди. Видео-иллюстрация (нажмите) 

     Лук сокруши́л еси́ вра́жий / и щиты́ стерл еси́ кре́постию, Влады́ко Христе́, / утвержде́ние на́ше, / Свят еси, Го́споди. Видео-иллюстрация (нажмите) 

    Утвержде́ние и очище́ние / пода́ждь нам, Сы́не Бо́жий, / и спаси́ ны, я́ко Человеколю́бец. Видео-иллюстрация (нажмите) 

    Утверди́ мене́, Го́споди, / Еди́не Многоми́лостиве, / и простри́ ми ру́ку, я́ко Петро́ви, и спаси́ мя. Видео-иллюстрация (нажмите) 

     Основа́вый зе́млю на тве́рди ея́ / и Небеса́ утвержде́й кре́постию, / утверди́ вся ны, хва́лящия Тя ве́рно. Видео-иллюстрация (нажмите)

 

Песнь 4

     Положи́л еси́ к нам тве́рдую любо́вь, Го́споди: / Единоро́днаго бо Твоего́ Сы́на / за ны на смерть дал еси́. / Те́мже Ти зове́м, благодаря́ще: / сла́ва си́ле Твое́й, Го́споди. Видео-иллюстрация (нажмите)

Сретения:

     Покры́ла есть Небеса́ доброде́тель Твоя́, Христе́, / из Киво́та бо проше́д святы́ни, Твоея́ Нетле́нныя Ма́тере, / в хра́ме Сла́вы Твоея́ яви́лся еси́, / я́ко Младе́нец руконоси́мь, / и испо́лнишася вся Твоего́ хвале́ния. Видео-иллюстрация (нажмите)

    

     Гора́ приосене́нная яви́ся утро́ба Де́вы, / Ру́чка и Трапе́за есть Ма́ти Госпо́дня: / из Нея́ бо про́йде я́ве, / и Симео́н объя́тьми подъя́т. / Сла́ва си́ле Твое́й, Го́споди. Видео-иллюстрация (нажмите)

Осмогласника:

     Еда́ в река́х прогне́ваешися, Го́споди, / еда́ в река́х я́рость Твоя́ / или́ в мо́ри устремле́ние Твое́? Видео-иллюстрация (нажмите) 

     Стра́нна и неизрече́нна Рождества́ Твоего́ та́йна! / услы́шах слух Твой, и убоя́хся, / и, веселя́ся, вопию́ Ти: / си́ле Твое́й сла́ва, Человеколю́бче. Видео-иллюстрация (нажмите) 

Разслабленнаго:

     Приосене́нную го́ру Авваку́м прозря́ше, / пречи́стую Твою́ утро́бу, Чи́стая. / Тем взыва́ше: от ю́га прии́дет Бог / и Святы́й от горы́ приосене́нныя ча́щи. Видео-иллюстрация (нажмите) 

     Что ужа́слся еси́, Авваку́ме? / Кому́ зове́ши и вопие́ши: от ю́га прии́дет Бог? / Сло́во Плоть бысть и всели́ся в ны, и ви́дехом, / во хвале́нии пою́ще ди́вному Бо́гу на́шему, / я́ко просла́вися. Видео-иллюстрация (нажмите)

 

Песнь 5

     К Тебе́ у́тренюю, всех Творцу́, / преиму́щему всяк ум ми́рови, / зане́ свет повеле́ния Твоя́, / в ни́хже наста́ви мя. Видео-иллюстрация (нажмите)

Сретения:

     Я́ко ви́де Иса́ия обра́зно / на Престо́ле превознесе́на Бо́га, / от А́нгел Сла́вы дориноси́ма, / о, окая́нный, – вопия́ше, – аз! / прови́дех бо воплоща́ема Бо́га, / Све́та Невече́рня, / и ми́ром вла́дычествующа. Видео-иллюстрация (нажмите) 

     Во тьме пою́ща возста́ви, Благода́телю, / и души́ моея́ мглу́ просвети́ Све́том Лица́ Твоего́, / Человеколю́бче, / и Твой мир пода́ждь ми, / я́ко иногда́ ста́рцу, Неизме́нне. Видео-иллюстрация (нажмите)

Осмогласника и Разслабленнаго:

     Све́том Твои́м Невече́рним, Христе́, / озари́, Бо́же, смире́нную мою ду́шу / и наста́ви на страх Твой, / зане́ свет повеле́ния Твоя́. Видео-иллюстрация (нажмите) 

     На земли́ Неви́димый яви́лся еси́ / и челове́ком во́лею сожи́л еси́, Непостижи́мый, / и, к Тебе́ у́тренююще, / воспева́ем Тя, Человеколю́бче. Видео-иллюстрация (нажмите)

     У́тренююще, воспева́ем Тя, Сло́ве, / Сы́не Бо́жий Единоро́дне: / Твой мир даждь нам и поми́луй ны, / пою́щия Тя и ве́рно покланя́ющияся. Видео-иллюстрация (нажмите) 

     Твой мир даждь нам, Сы́не Бо́жий, / ино́го бо, ра́зве Тебе́, Бо́га не ве́мы, / в Вы́шних со Отце́м и Ду́хом сла́вимаго. Видео-иллюстрация (нажмите) 

     К Тебе́ у́тренюю, / от Отца́ пре́жде денни́цы возсия́вшему, У́тро ми́рови, / помраче́нна согреше́нь ми, Спа́се, / предвари́в, озари́, Бо́же. Видео-иллюстрация (нажмите) 

     Души́ моея́ мглу разори́в Све́том Твои́м, Христе́, / приими́ мя, Еди́не Благоутро́бне, / от но́щи Тебе́ зову́: / озари́ мою́ мысль. Видео-иллюстрация (нажмите) 

     Вопие́т Ти, Христе́, песнь немо́лчную, / от но́щи у́тренюя, дух мой, / Ты бо Свет и́стинный и незаходя́й, / просвеща́яй вся́каго челове́ка, / в мир гряду́ща. Видео-иллюстрация (нажмите) 

     К Тебе́ у́тренюем, Христе́ Бо́же, / у́треннюю и́стину, / возсия́вшу нам от Де́вы / и Богоразу́мием озари́вшу, / су́щим во мра́це неве́дения. Видео-иллюстрация (нажмите) 

     Началобы́тную тьму Све́том разруши́в, / мрак се́рдца моего́ заре́ю повеле́ний Твои́х отжени́ Христе́, / да у́тренюю Ти све́тло, / Неприкоснове́нному Све́ту. Видео-иллюстрация (нажмите)

 

Песнь 6

     Бе́здна после́дняя грехо́в обы́де мя, / и исчеза́ет дух мой; / но простры́й, Влады́ко, высо́кую Твою́ мы́шцу, / я́ко Петра́, мя, Упра́вителю, спаси́. Видео-иллюстрация (нажмите)

Сретения:

     Возопи́ к Тебе́, ви́дев ста́рец очи́ма спасе́ние, / е́же лю́дем прии́де от Бо́га: / Христе́, Ты – Бог мой. Видео-иллюстрация (нажмите)

     Глубина́ грехо́в воста́ на мя, Спа́се, / и бу́ря отча́яния. / Те́мже ве́рно вопию́ Ти, / я́ко от ки́та Ио́на: / возведи́ живо́т мой от тли, / мене́ ра́ди младе́нствовавый / и во объя́тиих Симео́на днесь / в храм приведы́йся. Видео-иллюстрация (нажмите) 

Осмогласника:

      И́же в концы́ веко́в доше́дшия, Человеколю́бче, / и треволне́ньми напа́стей поги́бнути бе́дствующия, / вопию́щия не пре́зри: / спаси́, Спа́се, / я́коже спасл еси́ от зве́ря проро́ка. Видео-иллюстрация (нажмите) 

Разслабленнаго:

     Глубина́ страсте́й воста́ на мя / и бу́ря проти́вных ве́тров, / но, предвари́в, мя Ты спаси́, Спа́се, / и изба́ви от тли, / я́ко спасл еси́ от зве́ря проро́ка. Видео-иллюстрация (нажмите) 

     Возведи́ от тли мя, Го́споди Бо́же мой, / Ио́на вопия́ше, / и аз вопию́ Ти: / из глубины́ изба́ви мя, Спа́се, мно́гих мои́х зол / и к Све́ту Твоему́, молю́ся, наста́ви. Видео-иллюстрация (нажмите) 

      Селе́ния Ио́на е́же в преиспо́днем а́де / есте́ственный о́браз быв, вопия́ше: / возведи́ от тли живо́т мой, / Чело веколю́бче. Видео-иллюстрация (нажмите) 

     Воззва́х воздыха́нии немо́лчными к Ще́дрому Бо́гу, / и услы́ша мя от а́да преиспо́дняго, / и возведе́ от тли живо́т мой. Видео-иллюстрация (нажмите) 

     Во глубину́ се́рдца морска́го беззако́ний отве́ржен бых, / я́ко Ио́на, вопию́ Ти: / возведи́ мя от тли, / да воз да́м Ти моли́твы моя́, Го́споди. Видео-иллюстрация (нажмите)

 

Песнь 7

     Я́коже дре́вле благочести́выя три о́троки / ороси́л еси́ в пла́мени халде́йстем, / све́тлым Божества́ огне́м и нас озари́, / благослове́н еси́, взыва́ющия, / Бо́же оте́ц на́ших. Видео-иллюстрация (нажмите)

Сретения:

      Тебе́, во огни́ ороси́вшаго о́троки Богосло́вившия / и в Де́ву нетле́нну все́льшагося, /Бо́га Сло́ва пои́м, / благоче́стно пою́ще: / благослове́н Бог оте́ц на́ших. Видео-иллюстрация (нажмите) 

      Пещь горя́щая не обре́теся ороша́ющая, / то́кмо вавило́нская; / безму́жная ина́я ма́ти и де́ва не яви́ся. / О́ва у́бо о́троки сохрани́ неопали́мы, / Сия́ же носи́ во объя́тиих, / Его́же воспева́юще, глаго́лем: / благослове́н еси́, Бо́же оте́ц на́ших. Видео-иллюстрация (нажмите)

Осмогласника:

     Трие́ о́троцы в пещи́, Тро́ицу прообрази́вше, / преще́ние о́гненное попра́ша / и, пою́ще, вопия́ху: / благослове́н еси́, Бо́же оте́ц на́ших. Видео-иллюстрация (нажмите) 

     Го́рдый мучи́тель, но дете́й бысть игра́лище, / я́ко же бо пе́рсть, попра́вше седмери́чный пла́мень, поя́ху: / благослове́н еси́, Го́споди, / Бо́же оте́ц на́ших. Видео-иллюстрация (нажмите) 

Разслабленнаго:

     Пла́мень ороси́вый пе́щный / и о́троки неопали́мы спасы́й, / благослове́н еси́ во ве́ки, / Го́споди, Бо́же оте́ц на́ших. Видео-иллюстрация (нажмите) 

     Пре́жде о́бразу злато́му, перси́дскому чти́лищу, / о́троцы не поклони́шася, / трие́ пою́ще посреде́ пе́щи: / отце́в Бо́же, благослове́н еси́. Видео-иллюстрация (нажмите) 

 

     Я́ко зла́то в горни́ле, / о́троки искуша́хуся в пещи́ / и показа́шася све́тли, / не внегда́ слия́тися, / но внегда́ храни́тися, / не внегда́ горе́ти, / но внегда́ пе́ти непреста́нно: / благослове́н еси́, Бо́же оте́ц на́ших. Видео-иллюстрация (нажмите) 

     В пещи́ пла́мень угаси́ша о́троцы / и Небе́сную ро́су прия́ша ве́рою: / благослове́н еси́, Бо́же оте́ц на́ших. Видео-иллюстрация (нажмите) 

     Прохлажде́й пла́мень пе́щный / и Де́ву сохрани́ ро́ждшую Тя, Богоро́дицу: / благослове́н еси́, Го́споди, / Бо́же оте́ц на́ших. Видео-иллюстрация (нажмите)

 

Песнь 8

Сей и Сретения:

     Нестерпи́мому огню́ соедини́вшеся, / Богоче́стия пред стоя́ще, ю́ноши, / пла́менем же неврежде́ни, Боже́ственную песнь поя́ху: / благослови́те, вся дела́ Госпо́дня, Го́спода / и превозноси́те во вся ве́ки. Видео-иллюстрация (нажмите) 

    Я́ко пещь дре́вле, прие́мшая, о́троки не опали́, / та́ко и Де́ва, заче́нши Зижди́теля, не опали́ся Утро́бою. / О́ле чудесе́! Неизме́нный ви́дится пло́тию и во храм приво́дится. / Сего́ ра́ди, ве́рою пою́ще, глаго́лем: / благослови́те, дела́, Го́спода. Видео-иллюстрация (нажмите)

Осмогласника:

     В пла́мень ко отроко́м евре́йским / снизше́дшаго Бо́жиею си́лою и я́вльшагося Го́спода, / свяще́нницы, благослови́те / и превозноси́те во вся ве́ки. Видео-иллюстрация (нажмите) 

     Веще́ственнаго огня́ пла́мень / Невеще́ственным увяди́ша Богозри́мии о́троцы и поя́ху: / благослови́те, вся дела́ Госпо́дня, Го́спода. Видео-иллюстрация (нажмите) 

Разслабленнаго:

     А́нгельми немо́лчно в Вы́шних сла́вимаго Бо́га, / Небеса́ небе́с, земля́, и го́ры, и хо́лми, и глубина́, / и весь род челове́ческий, / пе́сньми Того́, я́ко Созда́теля и Изба́вителя, благослови́те / и превозноси́те во вся ве́ки. Видео-иллюстрация (нажмите) 

     Вавило́нская пещь о́троки не опали́, / ниже́ Божества́ огнь Де́ву растли́. / Тем со о́троки, ве́рнии, возопие́м: / благослови́те, дела́ Госпо́дня, Го́спода. Видео-иллюстрация (нажмите) 

     Служи́ти Живо́му Бо́гу / в Вавило́не о́троцы претерпе́вше, / о мусики́йских орга́нех неради́ша / и, посреде́ пла́мене стоя́ще, Боголе́пную песнь воспева́ху, глаго́люще: / благослови́те, вся дела́ Госпо́дня, Го́спода. Видео-иллюстрация (нажмите) 

    Покланя́емаго от святы́х А́нгел / и Сла́вимаго непреста́нно, / свяще́нницы, по́йте, / лю́дие, превозноси́те во вся ве́ки. Видео-иллюстрация (нажмите) 

      На Престо́ле Херуви́мсте Носи́маго, / свяще́нницы, по́йте, / лю́дие, превозноси́те во вся ве́ки. Видео-иллюстрация (нажмите) 

     Из Безнача́льнаго Отца́ рожде́ннаго пре́жде век Бо́га / и в после́дняя от Богоро́дицы в плоть обле́кшася, / я́ко соверше́нна Челове́ка и Бо́га и́стинна, / по́йте, благослови́те / и превозноси́те во вся ве́ки. Видео-иллюстрация (нажмите) 

     Благоде́теля, и Бо́га, и Изба́вителя всех, / и Творца́ всего́ ми́ра, / свяще́нницы, по́йте, / лю́дие, превозноси́те во вся ве́ки. Видео-иллюстрация (нажмите) 

     Обра́зно во А́нгельстем я́вльшася зра́це / и де́ти прохла́ждша посреде́ горя́щия пе́щи, / благослови́те, дела́ Госпо́дня, Го́спода. Видео-иллюстрация (нажмите)

 

Песнь 9

     Но́вое чу́до и Боголе́пное: / деви́ческую бо дверь затворе́нную / я́ве прохо́дит Госпо́дь, / наг во вхо́де, / и плотоно́сец яви́ся во исхо́де Бог, / и пребыва́ет Дверь затворе́на; / Сию́ неизрече́нно / я́ко Богома́терь велича́ем. Видео-иллюстрация (нажмите)

Сретения:

      В зако́не се́ни и писа́ний / о́браз ви́дим, ве́рнии: / всяк му́жеский пол, ложесна́ разверза́я, / свят Бо́гу. / Тем Перворожде́нное Сло́во / Отца́ Безнача́льна, / Сы́на, первородя́щася Ма́терию неискусому́жно, / велича́ем. Видео-иллюстрация (нажмите) 

     Пречи́стая Богоро́дице, Ма́ти Безневе́стная, / пра́ведно Тя пою́т Чи́нове А́нгелов, / и ста́рец Симео́н, Рождество́ Твое́ зря, взыва́ше: / Ны́не отпуща́еши раба́ Твоего́, Влады́ко, / по глаго́лу Твоему́, / я́ко да спасе́ши, Христе́, / Тя с Ро́ждшею велича́ющия. Видео-иллюстрация (нажмите)

     Тя живопису́ющий ассири́йский пла́мень, / Де́во Ма́ти Мари́е: / Огнь бо Божества́, во утро́бу Твою́ всели́вся, Чи́стая, / неопа́льно соблюде́ пречи́стая ложесна́ Твоя́. / Те́мже и Христо́с, Тобо́ю в храм святы́й / объя́тьми приведы́йся, / нас обнови́, велича́ющия Твое́ Рождество́. Видео-иллюстрация (нажмите) 

Осмогласника и Разслабленнаго:

     На Сина́йстей горе́ ви́де Тя в купине́ Моисе́й, / неопа́льно Огнь Божества́ заче́ншую во чре́ве; / Дании́л же Тя ви́де Го́ру несеко́мую; / Жезл прозя́бший, Иса́ия взыва́ше, / от ко́рене Дави́дова. Видео-иллюстрация (нажмите) 

     Сла́дкою Пречи́стаго Твоего́ Рождества́ / стрело́ю уязвле́ни, Чи́стая, / Твое́й достожела́нней добро́те дивя́щеся, / пе́сньми А́нгельскими / досто́йно Тя я́ко Ма́терь Бо́жию велича́ем. Видео-иллюстрация (нажмите) 

     Купино́ю и огне́м пропи́санную в Сина́и / законополо́жнику Моисе́ю / и Бо́жий во чре́ве неопа́льно заче́ншую Огнь, / Всесве́тлую и Негаси́мую Свещу́, / су́щую Богоро́дицу пе́сньми, чту́ще, велича́ем. Видео-иллюстрация (нажмите) 

    Тебе́, Неопали́мую Купину́ и Святу́ю Де́ву, / Ма́терь Све́та и Богоро́дицу, / Наде́жду всех нас, велича́ем. Видео-иллюстрация (нажмите) 

     Благослове́н Госпо́дь, Бог Изра́илев, / воздви́гнувый рог спасе́ния нам / в дому́ Дави́да, о́трока Своего́, / милосе́рдия ра́ди ми́лости, / в ни́хже посети́ нас Восто́к с высоты́ / и напра́вил ны есть на путь ми́ра. Видео-иллюстрация (нажмите) 

     Несеко́мую Го́ру, Краесеко́мый Ка́мень, / его́же ви́де Дании́л проро́к, / Богоро́дицу Мари́ю пе́сньми велича́ем. Видео-иллюстрация (нажмите) 

    Тя, Неискусобра́чную Богоро́дицу, / в па́мяти святы́х велича́ем, / я́ко ро́ждшую Спасе́ние душ на́ших. Видео-иллюстрация (нажмите) 

     Тебе́, Безсме́ртный Исто́чник, / и святы́х исцеле́ния челове́чу ро́ду подаю́щу, / при́сно велича́ем, / я́ко спаса́еши ду́ши на́ша. Видео-иллюстрация (нажмите) 

     Благода́тная, ра́дуйся, Госпо́дь с Тобо́ю, / благослове́на Ты в жена́х, / и Тя велича́ем. Видео-иллюстрация (нажмите) 

     Ма́терь Све́та, и по Рождестве́ Де́ву, / и душ на́ших спасе́ния Приста́нище, / ве́рнии, единому́дренно пе́снь ми велича́ем. Видео-иллюстрация (нажмите)