РЕГЕНТСКИЕ И ПЕВЧЕСКИЕ КУРСЫ

КОЛОБАНОВА АЛЕКСЕЯ ВЛАДИМИРОВИЧА

НАМ 10 ЛЕТ!

Сайт REGENTZAGOD.RU - наш основной и единственный сайт; исторический - regentzagod.com - закрыт.

-----

ОТКРЫТА РЕГИСТРАЦИЯ на курсы (очные/дистанционные): регентские, подготовительно-певческие, сольфеджио - с началом обучения в январе 2023 года.

Подробнее о курсах здесь (нажмите); форма заявки здесь; оплата (до 30 декабря) здесь.

-----

Видео запись концерта памяти прот. Александра Куликова - "Всенощное бдение - "Лето Господне""

-----

Полезное обучающее видео - здесь.

***Размещение ссылок на наше видео на других ресурсах запрещено.

 

СЕРВИС ИЗУЧЕНИЯ ИРМОСНЫХ ГЛАСОВ:

(Приобрести полный нотный ирмологий можно ЗДЕСЬ). 

Ирмологий, с Богом Святым, обдержа́й вся ирмосы́ осмогласника,

Владычних же и Богоматере праздников и всего лета

Оглавление:

Глас 1: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 2: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 3: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 4: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 5: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 6: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 7: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 8: песнь 1песнь 2песнь 3песнь 4песнь 5песнь 6песнь 7песнь 8песнь 9.

 

ГЛАС 4

Песнь 1

     Мо́ря чермну́ю пучи́ну / невла́жными стопа́ми / дре́вний пешеше́ствовав, Изра́иль / крестообра́зныма Моисе́овыма рука́ма / Амали́кову си́лу в пусты́ни победи́л есть. Видео-иллюстрация (нажмите)

Благовещения и Вознесения:

     Отве́рзу уста́ моя́, / и напо́лнятся Ду́ха, / и сло́во отры́гну Цари́це Ма́тери, / и явлю́ся, све́тло торжеству́я, / и воспою́, ра́дуяся, Тоя́ *чудеса́*. Видео-иллюстрация (нажмите)

                                                                                                                                          На Успение:  *успе́ние*.

                                                                                                                                                  На Введение:  *вхожде́ние*.

В неделю Ваий:

     Яви́шася исто́чницы бе́здны / вла́ги неприча́стны, / и откры́шася мо́ря / волну́ющася основа́ния бу́рею: / ма́нием бо запрети́л еси́ ему́, / изря́дныя же лю́ди спасл еси́, / пою́щия побе́дную песнь Тебе́, Го́споди. Видео-иллюстрация (нажмите)

В неделю 8-ю:

      Боже́ственным покрове́н / медленноязы́чный мра́ком, / извити́йствова Богопи́санный зако́н: / ти́ну бо оттря́с очесе́ у́мнаго, / ви́дит Су́щаго / и науча́ется Ду́ха ра́зуму, / хваля́ Боже́ственными пе́сньми. Видео-иллюстрация (нажмите) 

На Преображение:

     Ли́цы изра́ильтестии, / невла́жными стопа́ми / понт Чермны́й и вла́жную глубину́ прогна́вше, / вса́дники триста́ты, враги́, ви́дяще в ней погруже́ны, / с весе́лием поя́ху: / пои́м Бо́гу на́шему, / я́ко просла́вися. Видео-иллюстрация (нажмите) 

Осмогласника:

    Триста́ты кре́пкия, / Рожде́йся от Де́вы, / без стра́стия во глубине́ / души́ трича́стное потопи́, молю́ ся, / да Тебе́, я́ко в тимпа́не, / во умерщвле́нии телесе́ / побе́дное воспою́ пе́ние. Видео-иллюстрация (нажмите) 

    

     Порази́вый Еги́пта / и фарао́на мучи́теля погрузи́вый в мо́ри, / лю́ди спасл еси́ из рабо́ты, / Моисе́йски пою́щия песнь побе́дную, / я́ко просла́вися. Видео-иллюстрация (нажмите)

     Пои́м Го́сподеви, / пресла́вно погрузи́вшему фарао́на в мо́ри, / песнь побе́дную, я́ко просла́вися. Видео-иллюстрация (нажмите)

     Воспою́ Тебе́, Го́споди Бо́же мой, / я́ко изве́л еси́ лю́ди из рабо́ты еги́петския, / покры́л же еси́ колесни́цы фарао́новы и си́лу. Видео-иллюстрация (нажмите)

     Несть Тебе́ подо́бен, / Препросла́вленный Го́споди: / руко́ю бо кре́пкою изба́вил еси́ лю́ди, / я́же стяжа́л еси́, / Человеколю́бче. Видео-иллюстрация (нажмите)

     Пои́м песнь но́вую / Царю́ веко́в, / я́ко просла́вися. Видео-иллюстрация (нажмите)

 

     Пои́м, лю́дие, ди́вно чудоде́йствовавшему / в Чермне́м мо́ри Христу́ Бо́гу: / я́ко дре́вле Изра́иля всевооруже́на / стопа́ми пешеше́ствовати непрохо́дную сотвори́ / и зло́бы делода́теля фарао́на во глубине́ потопи́. Видео-иллюстрация (нажмите)

     Под о́блаком све́тлым / и столпо́м о́гненным наставля́емый, / проше́д мо́ре су́шею / и сие́ пешеше́ствуяй, я́ко в пусты́ни, / избра́нный Твой Изра́иль, Христе́, / побе́дную песнь пое́т Тебе́, Го́споди. Видео-иллюстрация (нажмите)

     Колесни́цы фарао́новы и си́лу его́ / вве́рже в мо́ре Кре́пкий в бра́нех, / воспое́м песнь но́вую, я́ко просла́вися. Видео-иллюстрация (нажмите)

     Пое́м песнь побе́дную / Еди́ному Бо́гу, / сотво́ршему пресла́вная: / дре́вле бо фарао́на / со всево́инством в мо́ри погрузи́. Видео-иллюстрация (нажмите)

 

     Предели́в пучи́ну чермну́ю Бог, / фарао́на погрузи́вый в ней, / прове́д Моисе́я немо́кренно в пусты́ню / и одожди́в ма́нну в снедь лю́дем Изра́илевым, / я́ко си́лен. Видео-иллюстрация (нажмите)

    

     Наста́вльшему дре́вле Изра́иля, / бежа́щаго от рабо́ты фарао́новы, / и в пусты́ни пита́вшему, / пои́м Изба́вителю, Бо́гу на́шему, / я́ко просла́вися. Видео-иллюстрация (нажмите)

     Пресла́вная сотвори́вый чудеса́ Госпо́дь руко́ю Моисе́овою, / рука́ма ста́рца днесь объе́млется / я́ко Младе́нец во хра́ме. / Тому́ ве́рно возопии́м, лю́дие, песнь побе́дную: / сла́вно бо просла́вися. Видео-иллюстрация (нажмите)

     Чудоде́йствовавшему высо́кою мы́шцею Бо́гу / в мо́ри Чермне́м А́нгельским предпутетворе́нием, / и спа́сшему Изра́иля в конце́ бе́здны, / и конегони́телей связа́вшему о́си, / побе́дную песнь пои́м Тому́, я́ко просла́вися. Видео-иллюстрация (нажмите)

 

Песнь 2

     Дади́те, лю́дие, вели́чие Христу́ Бо́гу на́шему, / от Де́вы ро́ждшемуся / во спасе́ние челове́ком. Видео-иллюстрация (нажмите)

      Ви́дите, ви́дите, я́ко Аз есмь Сло́во, / во утро́бу Ма́тере неопи́санно вшед, / не разлучи́вся от Отца́ я́ко Бог же, / соисполня́я с Го́рними ни́жняя / и подава́я ве́лию ми́лость. Видео-иллюстрация (нажмите)

     Дади́м вели́чие Христу́ Бо́гу на́шему, / воздви́женому на Крест / на спасе́ние всего́ ми́ра. Видео-иллюстрация (нажмите)

      Ви́дите, ви́дите, я́ко Аз есмь Бог, / умерщвля́я и животворя́й, / дарова́вый во́ду из ка́мене несеко́ма / и одожди́вый ма́нну на пи́щу лю́дем Изра́илевым, / я́ко си́лен. Видео-иллюстрация (нажмите)

 

Песнь 3

     Весели́тся о Тебе́ Це́рковь Твоя́, Христе́, зову́щи: / Ты моя́ кре́пость, Го́споди, / и прибе́жище, и утвержде́ние. Видео-иллюстрация (нажмите)

Благовещения и Вознесения:

      Твоя́ песносло́вцы, Богоро́дице, / Живы́й и Незави́стный Исто́чниче, / лик себе́ совоку́пльшыя, духо́вно утверди́, / в Боже́ственней Твое́й сла́ве / венце́в сла́вы сподо́би. Видео-иллюстрация (нажмите) 

Успению (*Введению*):

      Твоя́ песносло́вцы, Богоро́дице, / Живы́й и Незави́стный Исто́чниче, / лик себе́ совоку́пльшыя, духо́вно утверди́, / *в Боже́ственней па́мяти Твое́й * / венце́в сла́вы сподо́би. Видео-иллюстрация (нажмите)

На Введение:  *в честне́м вхожде́нии Твое́м*.

В неделю Ваий:

     Точа́щий, краесеко́мый повеле́нием Твои́м, / тве́рдый сса́ша Ка́мень изра́ильтестии лю́дие, / Ка́мень же Ты еси́, Христе́, и Жизнь, / на не́мже утверди́ся Це́рковь, зову́щая: / Оса́нна, благослове́н еси́, гряды́й. Видео-иллюстрация (нажмите)

В неделю 8-ю:

      Разве́рзе утро́бы неча́дствовавшия у́зы, / доса́ду же неудоботерпи́му благоча́дствующия, / еди́на моли́тва проро́чицы дре́вле А́нны, / нося́щия дух сокруше́н, / к Си́льному и Бо́гу ра́зумов. Видео-иллюстрация (нажмите) 

Осмогласника:

     С высоты́ снизше́л еси́ во́лею на зе́млю / превы́шше вся́каго нача́ла / и смире́нное возне́сл еси́ / из а́да преиспо́дняго / естество́ челове́ческое, / несть бо свят, па́че Тебе́, / Человеколю́бче. Видео-иллюстрация (нажмите) 

     Утвержда́яй гром и созида́яй дух, / утверди́ мене́, Го́споди, / да Тя пою́ и́стинно / и творю́ во́лю Твою́, / я́ко несть свят, я́ко Ты, Бо́же наш. Видео-иллюстрация (нажмите)

На Преображение:

     Лук си́льных изнемо́же, / и немощству́ющии препоя́сашася си́лою, / сего́ ра́ди утверди́ся в Го́споде се́рдце мое́. Видео-иллюстрация (нажмите)

     Не му́дростию, и си́лою, / и бога́тством хва́лим ся, / но Тобо́ю, О́тчею Ипоста́сною Му́дростию, Христе́, / несть бо свят, па́че Тебе́, / Человеколю́бче. Видео-иллюстрация (нажмите) 

     Свят еси́, Го́споди Бо́же наш, / утверди́ и на́ша сердца́ непреста́нно вопи́ти Тебе́: / пра́веден несть, па́че Тебе́, Го́споди. Видео-иллюстрация (нажмите) 

     Утвержде́ние на Тя наде́ющихся, / утверди́, Го́споди, в ве́ре Правосла́вней Твое́й, / утверди́ нас, я́ко Человеколю́бец. Видео-иллюстрация (нажмите) 

     Я́ко непло́ды роди́ от язы́к Це́рковь, / и мно́гое в ча́дех / изнемо́же со́нмище, / чу́дному Бо́гу на́шему возопии́м: / Свят еси́, Го́споди. Видео-иллюстрация (нажмите) 

     Утвержде́ние ве́рных, и похвало́, / и нетле́ния исто́чниче, / и благи́х прошениода́вче Христе́, / в любви́ Твое́й утверди́ мя. Видео-иллюстрация (нажмите) 

     Утверди́ся се́рдце мое́ в Го́споде, / даю́щем моли́тву моля́щемуся, / я́ко лук си́льных изнемо́же / и немощству́ющии препоя́сашася си́лою. Видео-иллюстрация (нажмите) 

     Да не хва́лится мудр, хваля́йся, / но о сем, е́же разумева́ти, / я́ко несть свят, я́ко Бог наш, / вознося́й рог наш, / дая́й кре́пость царе́м на́шим. Видео-иллюстрация (нажмите) 

    Утверди́ся се́рдце мое в Го́споде, / вознесе́ся рог мой в Бо́зе мое́м, / я́ко несть свят, па́че Тебе́, Го́споди. Видео-иллюстрация (нажмите) 

     Вы́шний Спа́се сил, / коле́блемую ду́шу мою́ / утверди́ в во́ли Твое́й, / да и аз сла́влю Твое́ / со Безпло́тными Боже́ственное благоле́пие. Видео-иллюстрация (нажмите) 

     В Го́споде Бо́зе мое́м / се́рдце мое́ утверди́ся, / тем немощству́ющии препоя́сашася си́лою. Видео-иллюстрация (нажмите)

        А́нна, пре́жде безча́дная и непло́дная, / обеща́ния имя́ше плод – Саму́ила; / ны́не же А́нна проро́чица, в храм прише́дши, / благодаря́ше нас ра́ди младе́нствовавшаго Бо́га / и ста́рческими объя́тии прие́млемаго. Видео-иллюстрация (нажмите)

 

Песнь 4

     Вознесе́на Тя ви́девши Це́рковь на Кресте́, / Со́лнце Пра́ведное, / ста в чи́не свое́м, / досто́йно взыва́ющи: / сла́ва си́ле Твое́й, Го́споди. Видео-иллюстрация (нажмите)

Благовещения и Вознесения:

      Седя́й в Сла́ве на Престо́ле Божества́ / во о́блаце ле́гце, / прии́де Иису́с Пребоже́ственный / Нетле́нною Дла́нию и спасе́ зову́щия: / сла́ва, Христе́, си́ле Твое́й. Видео-иллюстрация (нажмите) 

Успения и Введения:

      Неизсле́дный Бо́жий Сове́т, / е́же от Де́вы, воплоще́ния / Тебе́, Вы́шняго, / проро́к Авваку́м усмотря́я, зовя́ше: / сла́ва си́ле Твое́й, Го́споди. Видео-иллюстрация (нажмите)

В неделю Ваий:

     Христо́с гряды́й – я́вственно Бог наш, /прии́дет и не закосни́т / от горы́ приосене́нныя ча́щи, / Отрокови́цы ражда́ющия, Неискусому́жныя, / проро́к дре́вле глаго́лет. / Тем вси вопие́м: / сла́ва си́ле Твое́й, Го́споди. Видео-иллюстрация (нажмите)

В неделю 8-ю:

      Царю́ царе́й, / Яковы́й от Якова́го, / Еди́н, Сло́ве, произше́дый, / от Отца́ Безви́новнаго Равномо́щнаго Твоего́ Ду́ха / апо́столом и́стинно посла́л еси́ / я́ко Благо де́теля, пою́щим: / сла́ва держа́ве Твое́й, Го́споди. Видео-иллюстрация (нажмите) 

Осмогласника:

      Услы́шах слух Твой и убоя́хся, / разуме́х дела́ Твоя́ / и ужасо́хся, Го́споди. Видео-иллюстрация (нажмите) 

     Любве́ ра́ди, Ще́дре, Твоего́ о́браза / на Кресте́ Твое́м стал еси́, / и раста́яшася язы́цы: / Ты бо еси́, Человеколю́бче, / кре́пость моя́ и хвале́ние. Видео-иллюстрация (нажмите)

      Сей Бог наш, / от Де́вы вопло́щся / и естество́ обожи́в, / Его́же воспева́юще, вопие́м: / сла́ва си́ле Твое́й, Го́споди. Видео-иллюстрация (нажмите) 

     Услы́шах слух Твой, Го́споди, / я́ко яви́лся еси́ на земли́, / и просла́вих Твою́ си́лу. Видео-иллюстрация (нажмите) 

     Ве́лие и Боголе́пное, Спа́се, слы́шах, / я́ко Безсме́ртен сый и Бог, / уподо́бился еси́ челове́ком / и пребы́́́́л еси́, е́же был еси́, / и сего́ ра́ди Твою́ сла́влю си́лу. Видео-иллюстрация (нажмите) 

Преображения:

     Услы́шах сла́вное смотре́ние Твое́, / Христе́ Бо́же, / я́ко роди́лся еси́ от Де́вы, / да от ле́сти изба́виши зову́щия: / сла́ва си́ле Твое́й, Го́споди. Видео-иллюстрация (нажмите)

     Слух услы́шах, глаго́лет Авваку́м, / я́ко Бог из горы́, / из чре́ва де́вственнаго про́йде неизрече́нно, / и, ужа́сся, взыва́ше: / сла́ва си́ле Твое́й, Го́споди. Видео-иллюстрация (нажмите) 

     Среде́ двою́ разбо́йнику / позна́лся еси́ на Кресте́, Христе́ Бо́же, / взя́тся со́лнце стра́хом, / и луна́ ста в чи́не свое́м: / сла́ва си́ле Твое́й, Го́споди. Видео-иллюстрация (нажмите) 

     Приклони́л еси́, Христе́, снизхожде́нием Твои́м / Небеса́ в ра́зуме / и яви́лся еси́, воплоще́н на земли́. / Тем вси вопие́м: / си́ле Твое́й сла́ва, Человеколю́бче. Видео-иллюстрация (нажмите) 

     Услы́шах слух Твоего́ смотре́ния, / я́ко от Де́вы роди́лся еси́, ро́ждшую не опали́в, / и прославих, Спа́се, снизхожде́ние Твое́. Видео-иллюстрация (нажмите) 

     Внегда́ прибли́житися ле́том – позна́ешися; / внегда́ приити́ вре́мени – яви́шися, / внегда́ смути́тися души́ мое́й – / во гне́ве ми́лости помяне́ши: / Го́споди, сла́ва Тебе́. Видео-иллюстрация (нажмите) 

     Услы́шах, Бо́же, слух Твой и убоя́хся, / разуме́х дела́ Твоя́ и ужасо́хся, Го́споди, / я́ко Твоего́ хвале́ния испо́лнь земля́. Видео-иллюстрация (нажмите) 

     Гла́сом Богоглаго́ливым предразуме́в, Авваку́м / зря́ще Сло́ва воплоще́ние и взыва́ше я́ве: / слух услы́шах Бо́жия Сове́та, / Бог бо непрело́жно челове́ком возбесе́дует, / из горы́ гряды́й, де́вственнаго чре́ва, / и мир избавля́я / началоро́дныя кля́твы. Видео-иллюстрация (нажмите) 

     Его́же проро́к Авваку́м предзри́тельныма очи́ма усмотря́, / пропове́даше Бо́га, / ста́рец днесь во хра́ме прие́млет, вопия́: / ны́не отпуща́еши раба́ Твоего́, Влады́ко, в ми́ре, / по глаго́лу Твоему́. Видео-иллюстрация (нажмите) 

    Тя, возсия́вша от Неискусому́жныя Ма́тере, / проро́к Авваку́м, прови́дя, вопия́ше: / в после́дняя времена́ / спасти́ пома́занныя Твоя́ прише́л еси́, / сла́ва си́ле Твое́й, Го́споди. Видео-иллюстрация (нажмите) 

     Твоего́ на земли́ явле́ния, / Христе́ Бо́же, / пропове́дая проро́к прише́ствие, / с весе́лием вопия́ше: / сла́ва си́ле Твое́й, Го́споди. Видео-иллюстрация (нажмите) 

     Небеса́ доброде́тель Твоя́ покры́ла есть, / и земля́ испо́лнися / сла́вы Твоея́, Христе́. / Те́мже ве́рно вопие́м: / сла́ва си́ле Твое́й, Го́споди. Видео-иллюстрация (нажмите) 

    Услы́шах Твое́, Христе́, вои́стинну пресла́вное, / я́ко безсме́ртен сый Бог / уподо́бися сме́ртным челове́ком / и пребы́сть, е́же бе, / и того́ ра́ди Твою́ сла́влю си́лу. Видео-иллюстрация (нажмите)

 

Песнь 5

     Ты, Го́споди, мой Свет, / в мир прише́л еси́, / Свет Святы́й, обраща́яй / из мра́чна неве́дения / ве́рою воспева́ющия Тя. Видео-иллюстрация (нажмите)

Благовещения и Вознесения:

      Ужасо́шася вся́ческая / о Боже́ственней сла́ве Твое́й: / Ты бо, Неискусобра́чная Де́во, / име́ла еси́ во утро́бе над все́ми Бо́га / и родила́ еси́ Безле́тнаго Сы́на, / всем воспева́ющим Тя / мир подава́ющая. Видео-иллюстрация (нажмите) 

В неделю Ваий:

     На го́ру Сио́н взы́ди, благовеству́яй / и Иерусали́му пропове́дуяй, / в кре́пости вознести́ глас: / пресла́вная глаго́лашася о Тебе́, Гра́де Бо́жий, / мир на Изра́иля и спасе́ние язы́ков. Видео-иллюстрация (нажмите)

В неделю 8-ю:

      Реши́тельное очище́ние грехо́в, / огнедохнове́нную приими́те Ду́ха ро́су, / о ча́да светообра́зная церко́вная! / Ны́не от Сио́на бо изы́де Зако́н, / языкоогнеобра́зная Ду́ха благода́ть. Видео-иллюстрация (нажмите) 

Осмогласника:

     Ны́не воста́ну, проро́чески рече́ Бог, / ны́не просла́влюся, ны́не вознесу́ся, / па́дшаго прие́м от Де́вы / и к све́ту у́мному / вознося́й Моего́ Божества́. Видео-иллюстрация (нажмите)

     Возсия́й ми, Го́споди, / свет повеле́ний Твои́х, / я́ко к Тебе́ дух мой у́тренюет и пое́т Тя: / Ты бо еси́ Бог наш, / и к Тебе́ прибега́ю, Царю́ ми́ра. Видео-иллюстрация (нажмите)

     Просвеще́ние Твое́, Го́споди, низпосли́ нам / и от мглы прегреше́ний разреши́ ны, Бла́же, / Твой мир да́руяй. Видео-иллюстрация (нажмите)

     Нечести́вии не у́зрят сла́вы Твоея́, Христе́, / но мы Тя, Единоро́дне, / Оте́ческия Сла́вы Сия́ние Божества́, / от но́щи у́тренююще, / воспева́ем Тя, Человеколю́бче. Видео-иллюстрация (нажмите)

     Зако́ном за́поведей Твои́х, Еди́не Человеколю́бче, / просвети́ се́рдце мое́, / молю́ся, Го́споди, и поми́луй мя. Видео-иллюстрация (нажмите)

     Стяжа́вый ны, избра́нныя лю́ди, Кро́вию Твое́ю, Го́споди, / Твой мир даждь нам, / во единомы́слии сохраня́я ста́до Твое́. Видео-иллюстрация (нажмите)

Преображения:

     От све́та пресеки́й перворо́дный свет, / я́ко во све́те дела́ пою́т Тя, Христе́, Соде́теля, / во Све́те Твое́м пути́ на́ша напра́ви. Видео-иллюстрация (нажмите)

     Ре́вность прии́мет лю́ди ненака́занныя, / законопресту́пныя евре́и, / и огнь поя́ст супоста́ты Твоя́, / я́ко Тя, Распя́таго, / лестца́ именова́ша. Видео-иллюстрация (нажмите)

     От но́щи у́тренююще, / вси немо́лчно Тя, Непристу́пный – мо́лим – Свет: / Бо́же ще́дрый, мир Твой, Христе́, да́руй нам. Видео-иллюстрация (нажмите)

     У́тро све́тлое / нам поcли́, я́ко Благ, / и наста́ви ны в страх Твой, Влады́ко. Видео-иллюстрация (нажмите)

    Нощебори́мых страсте́й тиме́нием / к Тебе́ у́тренюю, / Еди́ному Благоутро́бному: / души́ моея́ мглу просвети́ / и ю́зы пресеки́ долго́в мои́х, / я́ко да Твои́м Со присносу́щным Ду́хом просвеща́емь, / пра́вды путь нетле́нный обря́щу повеле́ний Твои́х. Видео-иллюстрация (нажмите)

     Угль о́гненный клеща́ми прие́млет Иса́ия иногда́, / устна́ма очища́яйся; / ны́не же Де́ва во хра́ме, / нося́щи Бо́га, воплоще́нна нас ра́ди, / рука́ма, а́ки клеща́ми, ста́рцу дае́т, / ми́ра Вино́внаго / и всех Пода́теля. Видео-иллюстрация (нажмите)

    Мрак разреши́ греха́ моего́, / внегда́ возсия́ти Ти, / у́тро све́тлое / за́поведей Твои́х, Го́споди, / Непристу́пный Све́те. Видео-иллюстрация (нажмите)

     Возсия́вый Свет, / и просвети́вый у́тро, / и показа́вый день, / сла́ва Тебе́, сла́ва Тебе́, / Иису́се, Сы́не Бо́жий. Видео-иллюстрация (нажмите)

     Све́те и́стинный, / просвеща́яй вся́каго челове́ка, / возсия́й в нас заре́ю за́поведей Твои́х / и отжени́ от нас нощь страсте́й, / я́ко, ра́зве Тебе́, ино́го бо́га не ве́мы. Видео-иллюстрация (нажмите)

Успения:

     Ужасо́шася вся́ческая / о честне́м Успе́нии Твое́м: / Ты бо, Неискусобра́чная Де́во, / от земли́ преста́вилася еси́ к Ве́чным Оби́телем / и к Безконе́чней Жи́зни, / всем воспева́ющим Тя / спасе́ние подава́ющая. Видео-иллюстрация (нажмите)

Введения:

     Ужасо́шася вся́ческая / в честне́м вхожде́нии Твое́м: / Ты бо, Неискусобра́чная Де́во, / внутрь вошла́ еси́ в храм Бо́жий, / я́коже чисте́йший храм, / всем воспева́ющим Тя / мир подава́ющая. Видео-иллюстрация (нажмите)

     Из но́щи у́тренююще, / просвети́ нас, Животво́рче Кре́сте Христо́в, / со стра́хом покланя́ющияся тебе́, / и день спаси́тельный / при́сно возсия́й нам. Видео-иллюстрация (нажмите)

     Часть моя́ еси́, Го́споди, / и сла́ва лица́ моего́: / Ты бо мя из тьмы неве́дения / еди́н изба́вил еси́ Богоразу́мием, / и Тебе́ молю́ся, Христе́: / да́руй рабу́ Твоему́ мир, / я́ко Человеколю́бец. Видео-иллюстрация (нажмите)

 

Песнь 6

     Пожру́ Ти со гла́сом хвале́ния, Го́споди, / Це́рковь вопие́т Ти, / от бесо́вския кро́ве очи́щшися / ра́ди ми́лости от ребр Твои́х / исте́кшею Кро́вию. Видео-иллюстрация (нажмите)

Благовещения:

     Возопи́, прообразу́я погребе́ние тридне́вное, / проро́к Ио́на, в ки́те моля́ся: / от тли изба́ви мя, Иису́се, Царю́ сил. Видео-иллюстрация (нажмите)

Успения, Введения и Вознесения:

     Боже́ственное сие́ и всечестно́е / соверша́юще пра́зднество, / Богому́дрии, Богома́тере, / прииди́те, рука́ми воспле́щим, / от Нея́ ро́ждшагося Бо́га сла́вим. Видео-иллюстрация (нажмите)

В неделю Ваий:

     Возопи́ша с весе́лием пра́ведных ду́си: / ны́не ми́ру Заве́т Но́вый завеща́ется, / и кропле́нием да обновя́тся лю́дие Бо́жия Кро́ве. Видео-иллюстрация (нажмите)

В неделю 8-ю:

     Очище́ние нам, Христе́, / и спасе́ние, Влады́ко, / воз сия́л еси́ от Де́вы, / да, я́ко проро́ка от зве́ря морска́го пе́рсей Ио́ну, / от тли исхити́ши всего́ Ада́ма всеро́дна па́дшаго. Видео-иллюстрация (нажмите)

Осмогласника:

     Приидо́х во глубины́ морски́я, / и потопи́ла мя есть бу́ря мно́гих грехо́в, / но, я́ко Бог, из глубины́ / возведи́ живо́т мой, / Многоми́лостиве. Видео-иллюстрация (нажмите)

      Пучи́ною жите́йскою / дея́ньми мои́ми снидо́х во ад, / но, я́ко от ки́та Ио́на, та́ко вопию́: / из глубины́ зол возведи́, молю́ся, / Сы́не Бо́жий и Сло́ве. Видео-иллюстрация (нажмите)

     Ве́чер, и у́тро, и полу́дне / хва́лим Тя, Го́споди Бо́же наш, / услы́ши глас наш. Видео-иллюстрация (нажмите)

     Бу́рею содержи́мь прегреше́ний, / человеколю́бия сподобля́яйся, не разуме́ю, / я́ко Ио́ну проро́ка, и мене́ спаси́, Спа́се. Видео-иллюстрация (нажмите)

      В ки́те, Христе́, тридне́вновав, Ио́на / прописа́ Тя, Безсме́ртнаго, я́ко ме́ртва во́лею / в се́рдце земне́м тридне́вновавша. Видео-иллюстрация (нажмите)

     Я́ко проро́ка из глубины́ и тли возве́л еси́, / живо́т мой, Бла́же, от прегреше́ний изба́ви / благоутро́бием Твои́м. Видео-иллюстрация (нажмите)

На Преображение:

     Внегда́ скорбе́ти ми, / возопи́х ко Го́споду, / и услы́ша мя Бог спасе́ния моего́. Видео-иллюстрация (нажмите)

     Твоего́ Ио́на погребе́ния о́браз / предписа́в я́ве, / и сего́ вои́стинну извле́кл от зве́ря, / и мене́, Спа́се, из глубины́ греха́ возведи́ / и к животу́ я́ве, молю́ся, наста́ви. Видео-иллюстрация (нажмите)

     Да не погрузи́т мене́ бу́ря водна́я, / ниже́ пожре́т мене́ глубина́, / отве́ржен бо есмь / во глубины́ се́рдца морска́го зол мои́х. / Тем зову́, я́ко Ио́на: / да взы́дет от тли зол живо́т мой / к Тебе́, Бо́же. Видео-иллюстрация (нажмите)

     Я́коже проро́ка Ио́ну / от ки́та изба́вил еси́, Христе́ Бо́же, / и мене́ из глубины́ прегреше́ний / возведи́ и спаси́ мя, / Еди́не Человеколю́бче. Видео-иллюстрация (нажмите)

     Из чре́ва а́дова во́пля моего́ / услы́шал еси́ глас мой / и возве́л еси́ от тли бу́ри прегреше́ний, / обдержи́т бо, Спа́се, / и погружа́ти искуша́ет, Бла́же, / но, я́коже пре́жде Ио́ну возве́л еси́ от тли, / и мене́, молю́ся, Го́споди, предвари́в, спаси́. Видео-иллюстрация (нажмите)

     Бу́ря мя помышле́ний, пости́гши, / во глубину́ низвлачи́т мя безме́рных грехо́в, / но Ты, Упра́вителю Благи́й, / предвари́в, упра́ви, / я́ко проро́ка, и спаси́ мя. Видео-иллюстрация (нажмите)

     Бу́ря мя мно́гих согреше́ний мои́х потопля́ет, / и изнемога́ет дух мой; / но Ты, Го́споди, / я́ко ми́лостив, сшед, / возведи́ живо́т мой. Видео-иллюстрация (нажмите)

     Обурева́ему мне, Ще́дре, / бу́рею волн мои́х, молю́ся: / воззови́ мя и спаси́, Го́споди, / я́ко Ио́ну / от зве́ря у́мнаго. Видео-иллюстрация (нажмите)

     Бу́рею грехо́вною погружа́емь, / я́ко во чре́ве ки́тове содержи́мь, / с проро́ком зову́ Ти: / возведи́ от тли живо́т мой, / Го́споди, и спаси́ мя. Видео-иллюстрация (нажмите)

     Ио́на проро́к во чре́ве ки́тове / от ско́рби возопи́: / глава́ моя́ понре́ в разсе́лины гор, Го́споди. / Симео́н же, подъе́м Тя, ра́достно взыва́ше: / ны́не отпуща́еши раба́ Твоего́ по глаго́лу Твоему́. Видео-иллюстрация (нажмите)

     Морско́е рыда́ние, Христе́, Ио́нино / подража́яй, зову́ Ти: / живо́т мой от а́да прегреше́ний возведи́, / да во хра́ме сла́вы Твоея́ / со гла́сом хвале́ния пожру́ Ти. Видео-иллюстрация (нажмите)

     Проро́ка во чре́ве ки́тове сохрани́вый, / Святы́й Го́споди, / помози́ ми. Видео-иллюстрация (нажмите)

 

Песнь 7

     В пещи́ авраа́мстии / о́троцы перси́дстей, / любо́вию благоче́стия па́че, / не́жели пла́менем, опаля́еми, взыва́ху: / благослове́н еси́ в хра́ме сла́вы Твоея́, Го́споди. Видео-иллюстрация (нажмите)

Благовещения, Успения, Введения и Вознесения:

     Не послужи́ша тва́ри Богому́дрии / па́че Созда́вшаго, / но, о́гненное преще́ние му́жески попра́вше, / ра́довахуся, пою́ще: / препе́тый отце́в Госпо́дь и Бог, благослове́н еси́. Видео-иллюстрация (нажмите)

В неделю Ваий:

     Спасы́й во огни́ авраа́мския Твоя́ о́троки / и халде́и уби́в, / я́же Пра́вда пра́ведно уловля́ше, / препе́тый Го́споди, Бо́же оте́ц на́ших, / благослове́н еси́. Видео-иллюстрация (нажмите)

В неделю 8-ю:

     Согла́сная возшуме́ орга́нская песнь / почита́ти златосотворе́нный безду́шный истука́н; / Уте́шителева же Светоно́сная Благода́ть почеству́ет, / е́же вопи́ти: / Тро́ице Еди́ная, Равноси́льная, Безнача́льная, благослове́на еси́. Видео-иллюстрация (нажмите)

Осмогласника:

     Ю́ноши три в Вавило́не, / веле́ние мучи́телево на бу́йство прело́жше, / посреде́ пла́мене вопия́ху: / благослове́н еси́, Го́споди, / Бо́же оте́ц на́ших. Видео-иллюстрация (нажмите)

     О́бразу злато́му не поклони́вшеся, о́троцы авраа́мстии / искуша́хуся, я́ко зла́то в горни́ле, / в пещи́ о́гненней, я́ко в черто́зе све́тлем, / ликова́ху, пою́ще: / благослове́н еси́, Бо́же оте́ц на́ших. Видео-иллюстрация (нажмите)

Преображения:

     Авраа́мстии иногда́ в Вавило́не о́троцы / пе́щный пла́мень попра́ша, / пе́сньми взыва́юще: / оте́ц на́ших Бо́же, / благослове́н еси́. Видео-иллюстрация (нажмите)

     В пещи́ о́троки неопа́льны соблю́дшаго / и огнь угаси́вшаго, воспое́м, глаго́люще: / благослове́н еси́, Бо́же оте́ц на́ших. Видео-иллюстрация (нажмите)

     Халде́йскую пещь дре́вле А́нгел, снизше́д, ороси́, / в Вавило́не о́троцы сего́ ра́ди поя́ху: / оте́ц на́ших Бо́же, благослове́н еси́. Видео-иллюстрация (нажмите)

     В нача́ле Безнача́льное Сло́во, / со Отце́м и Ду́хом / Сын Единоро́дный, / благослове́н еси́, / и превозноси́мый Бо́же оте́ц на́ших. Видео-иллюстрация (нажмите)

     Заве́т Твой помяну́вый, / Христе́ Бо́же, / о́троки из пла́мене изба́вил еси́ / А́нгеловым снизхожде́нием, /Еди́не и́стинно Препросла́вленный. Видео-иллюстрация (нажмите)

     Халде́йския пе́щи о́троцы небрего́ша, / И́мене ра́ди Твоего́, Спа́се, / и, игра́юще, взыва́ху: / благо слове́н еси́, / Бо́же оте́ц на́ших. Видео-иллюстрация (нажмите)

     Огнь, паля́ в пещи́, истряса́шеся, / о́троцы ороша́хуся / и, пою́ще, глаго́лаху: / благослове́н еси́, Еди́н Сый / Бо́же оте́ц на́ших. Видео-иллюстрация (нажмите)

     Оте́ц на́ших Бо́же, не посрами́ нас, / но да́руй нам со дерзнове́нием вопи́ти Тебе́: / благослове́н еси́, Бо́же оте́ц на́ших. Видео-иллюстрация (нажмите)

     Благослове́н еси́, Бо́же, / в пещи́ о́троцы испове́даху, / А́нгела же слы́шаху, / вопию́ща к ним: / се услы́шася моле́ние ва́ше. Видео-иллюстрация (нажмите)

     Не преда́ждь нас до конца́ И́мене Твоего́ ра́ди, / и не разори́ Заве́та Твоего́, / и не отста́ви ми́лости Твоея́ от нас, / Го́споди Бо́же оте́ц на́ших, / препе́тый во ве́ки. Видео-иллюстрация (нажмите)

     Авраа́мстии о́троцы вавило́нский пла́мень попра́ша, / прообразу́юще в нем Де́вы чу́до, / Его́же Симео́н прие́м, возра́довася, вопия́: / ны́не отпуща́еши раба́ Твоего́, / отце́в Бо́же. Видео-иллюстрация (нажмите)

     Тя, живопису́ющий ассири́йский пла́мень / ю́ноши три спасе́, Го́споди, / я́коже и Де́ву не опали́, Отрокови́цу, / в Боже́ственном Рождестве́ Твое́м Боже́ственная Искра́, / препе́тый отце́в Бо́же, благослове́н еси́. Видео-иллюстрация (нажмите)

     Глаго́лавый на горе́ с Моисе́ом / и о́браз де́вства явле́й в купине́, / благослове́н еси́, Бо́же оте́ц на́ших. Видео-иллюстрация (нажмите)

 

Песнь 8

     Ру́це распросте́р, Дании́л / львов зия́ния в ро́ве затче́; / о́гненную же си́лу угаси́ша, / доброде́телию препоя́савшеся, / благоче́стия рачи́тели, / о́троцы, взыва́юще: / благослови́те, вся дела́ Госпо́дня, Го́спода. Видео-иллюстрация (нажмите)

Благовещения, Успения, и Вознесения:

     О́троки благочести́выя в пещи́ / Рождество́ Богоро́дичо спасло́ есть; / тогда́ у́бо образу́емое, / ны́не же де́йствуемое, / вселе́нную всю воздвиза́ет пе́ти Тебе́: / Го́спода по́йте, дела́, / и превозноси́те Его́ во вся ве́ки. Видео-иллюстрация (нажмите)

Введения:

     Слы́ши, Отрокови́це, Де́во Чи́стая, / да рече́т у́бо Гаврии́л / сове́т Вы́шняго дре́вний, и́стинный: / бу́ди к прия́тию гото́ва Бо́жию, / Тобо́ю бо Невмести́мый с челове́ки поживе́. / Тем и, ра́дуяся, вопию́: / благослови́те, вся дела́ Госпо́дня, Го́спода. Видео-иллюстрация (нажмите)

В неделю Ваий:

     Весели́ся, Иерусали́ме, / торжеству́йте, лю́бящии Сио́на: / ца́рствуяй бо во ве́ки Госпо́дь Сил прии́де. / Да благогове́ет вся земля́ от лица́ Его́ и да вопие́т: / благослови́те, вся дела́ Госпо́дня, Го́спода. Видео-иллюстрация (нажмите)

В неделю 8-ю:

     Разреша́ет у́зы и ороша́ет пла́мень / Трисве́тлый Богонача́лия о́браз, пою́т о́троцы, / благослови́т же еди́наго Спа́са и Вседе́теля / я́ко Благоде́теля / сотворе́нная вся́ческая тварь. Видео-иллюстрация (нажмите)

Осмогласника:

     Изба́вителю всех, Всеси́льне, / посреде́ пла́мене благоче́ствовавшия, / снизше́д, ороси́л еси́ / и на учи́л еси́ пе́ти: / вся дела́, благослови́те, по́йте Го́спода. Видео-иллюстрация (нажмите)

     Во огни́ пла́меннем предстоя́т Тебе́ / Херуви́ми, Серафи́ми, Го́споди, / и вся тварь песнь Тебе́ пое́т кра́сную: / по́йте, благослови́те, лю́дие, превозноси́те Христа́, / Еди́наго Соде́теля, во вся ве́ки. Видео-иллюстрация (нажмите)

     На Кресте́ пло́тию пригвожде́ннаго / и показа́вшаго нам ору́жие во спасе́ние, / о́троцы, превозноси́те Христа́, Бо́га на́шего, во ве́ки. Видео-иллюстрация (нажмите)

     Вся́ческая нося́й непристу́пною Твое́ю си́лою, Христе́, / преподо́бныя Твоя́ о́троки в пла́мени ороси́л еси́, зову́щия: / благослови́те, вся дела́ Госпо́дня, Го́спода. Видео-иллюстрация (нажмите)

     Во о́бразе А́нгела, / я́вльшагося в пещи́ о́гненней песносло́вцем, / Христа́ Бо́га по́йте, о́троцы, / свяще́н ницы, благослови́те, / лю́дие, превозноси́те во вся ве́ки. Видео-иллюстрация (нажмите)

     Песнь но́вую пои́м, лю́дие, / соше́дшему на зе́млю спасти́ ны, / во́лею бо на Кресте́ пригвозди́ся Госпо́дь, / показа́вый язы́ком, / я́ко Ада́ма ра́ди / в ра́бий о́браз облече́ся / в Вы́шних Живы́й во ве́ки. Видео-иллюстрация (нажмите)

     Ра́дующеся по осужде́нии мучи́тельском о́троцы, / я́ко да не бого́м скве́рным послу́жат всем, / но живо́му Бо́гу, / на огнь дерзну́ша, / от А́нгела же ороша́еми, песнь поя́ху: / дела́ Госпо́дня, Го́спода по́йте / и превозноси́те во вся ве́ки. Видео-иллюстрация (нажмите)

Преображения:

     В Вавило́не о́троцы, / Боже́ственною распала́еми ре́вностию, / мучи́теля и пла́мене преще́ние му́жески попра́ша / и, посреде́ огня́ вве́ржени, ороша́еми, поя́ху: / благослови́те, вся дела́ Госпо́дня, Го́спода. Видео-иллюстрация (нажмите)

     Вся́ческая, Влады́ко, прему́дростию соста́вил еси́, / земли́ же па́ки утверди́л еси́, я́коже ве́си, дно, / основа́нием водрузи́вый на вода́х безме́рных. / Тем вси вопие́м, воспева́юще: / благослови́те, дела́ Госпо́дня, непреста́нно Го́спода. Видео-иллюстрация (нажмите)

     Царя́ Христа́, Его́же испове́даша плене́ннии о́троцы, / в пещи́ глаго́люще ве́лиим гла́сом: / вся дела́, по́йте Го́спода. Видео-иллюстрация (нажмите)

     Просте́ршаго Бо́га Не́бо, я́ко ко́жу, / и основа́вшаго зе́млю на утвержде́нии ея́, / свяще́нницы Госпо́дни и раби́ Госпо́дни, / Го́спода по́йте / и превозноси́те во вся ве́ки. Видео-иллюстрация (нажмите)

     Земля́, и вся, я́же на ней, / мо́ре и вси исто́чницы, / Небеса́ небе́с, / свет и тьма, мраз и зной, / сы́нове челове́честии, / свяще́нницы, благослови́те Го́спода / и превозноси́те Его́ во ве́ки. Видео-иллюстрация (нажмите)

     Вся дела́ Бо́жия и вся тварь, благослови́те Го́спода, / преподо́бнии и смире́ннии се́рдцем, по́й те Его́ / и превозноси́те во вся ве́ки. Видео-иллюстрация (нажмите)

    Вся дела́ Бо́жия и вся тварь, / благослови́те Го́спода, / я́ко челове́ком от земли́ возсия́ Свет, / и вселе́нную всю просвети́, / и жизнь ве́чную ми́ру дарова́, / по́йте, лю́дие, / и превозноси́те Его́ во ве́ки. Видео-иллюстрация (нажмите)

     Великоимени́тый пла́мень, / плене́нных чи́стым соедини́вшийся телесе́м, / росода́тельный показа́ся, / мучи́тельнаго злохуле́ния сопротивобо́жный истука́н указа́вше, / Боже́ственным снизхожде́нием / ю́ношам пою́щим: / созда́нная, созда́вшаго Бо́га благослови́те, / я́ко Зижди́теля всех, / непреста́нно во ве́ки. Видео-иллюстрация (нажмите)

     На Престо́ле Херуви́мстем носи́маго Бо́га / и призира́ющаго на смире́нныя / Симео́н я́ко Младе́нца / во объя́тиих но́сит во хра́ме; / Его́же благословя́т творе́ния вся во ве́ки. Видео-иллюстрация (нажмите)

     Находя́щия в пла́мени / беззако́ннаго мучи́теля веле́нием о́троки подража́юще, / немо́лчными устна́ми / в Вы́шних похва́льно возопии́м: / Бла́же, преесте́ственно сый Пресвяты́й, / пою́щия Тя / све́том у́мным Твои́м озари́. Видео-иллюстрация (нажмите)

     В пещи́ о́гненней в Вавило́не / о́троки евре́йския спа́сшаго Бо́га, свяще́нницы, благослови́те, / лю́дие, превозноси́те Его́ во ве́ки. Видео-иллюстрация (нажмите)

     В пла́мень снизше́дшаго / песносло́вцем Сио́нским зра́ком а́нгельским, / о́троцы, превозноси́те Христа́ Бо́га на́шего во ве́ки. Видео-иллюстрация (нажмите)

 

Песнь 9

    Ка́мень нерукосе́чный / от несеко́мыя горы́, Тебе́, Де́во, / краеуго́льный отсече́ся, / Христо́с, совокупи́вый разстоя́щаяся естества́. / Тем, веселя́щеся, Тя, Богоро́дице, велича́ем. Видео-иллюстрация (нажмите)

На праздники Богородичны и Вознесения (*Успения*):

     Всяк земноро́дный / да взыгра́ется, Ду́хом просвеща́емь, / да торжеству́ет же Безпло́тных умо́в естество́, / почита́ющее свяще́нное *торжество́* Богома́тере, / и да вопие́т: / ра́дуйся, Всеблаже́нная, Богоро́дице, / Чи́стая Присноде́во. Видео-иллюстрация (нажмите)

На Успение: *преставле́ние*.

Благовещения (*Введения*):

     Я́ко одушевле́нному Бо́жию Киво́ту, / да ника́коже ко́снется рука́ скве́рных, / устне́ же ве́рных Богоро́дице немо́лчно, / глас А́нгела воспева́юще, с ра́достию да вопию́т: / *ра́дуйся, Благода́тная, Госпо́дь с Тобо́ю *. Видео-иллюстрация (нажмите)

На Введение: *и́стинно вы́шши всех еси́, Де́во Чи́стая *.

В неделю Ваий:

     Бог Госпо́дь и яви́ся нам, / соста́вите пра́здник / и, веселя́щеся, приди́те, возвели́чим Христа́, / с ва́иами и ве́твьми пе́сньми зову́ще: / благослове́н гряды́й во И́мя Го́спода, Спа́са на́шего. Видео-иллюстрация (нажмите)

В неделю 8-ю:

     Ра́дуйся, Цари́це, / матероде́вственная Сла́во, / вся́ка бо удобообраща́тельная благоглаго́ливая уста́ / вити́йствовати не мо́гут, / Тебе́ пе́ти досто́йно, / изумева́ет же ум всяк Твое́ Рождество́ разуме́ти. / Те́мже Тя согла́сно сла́вим. Видео-иллюстрация (нажмите)

Осмогласника:

     Е́вa у́бо неду́гом преслуша́ния / кля́тву всели́ла есть; / Ты же, Де́во Богоро́дице, / прозябе́нием чревоноше́ния ми́рови Благослове́ние процвела́ еси́. / Тем Тя вси велича́ем. Видео-иллюстрация (нажмите)

     Сокрове́нное Бо́жие неизрече́нное / в Тебе́ соверша́ется я́вственное та́инство, / Де́во Пречи́стая, / и́бо Бог из Тебе́ воплоти́ся за милосе́рдие. / Те́мже Тя я́ко Богоро́дицу велича́ем. Видео-иллюстрация (нажмите)

     Сотвори́ держа́ву мы́шцею Свое́ю, / низложи́ бо си́льныя со престо́л / и вознесе́ смире́нныя Бог Изра́илев. / В ни́хже посети́ нас Восто́к с высоты́ / и напра́вил ны есть на путь ми́ра. Видео-иллюстрация (нажмите)

      Тя, Невмести́мое Сло́во во утро́бу вмести́вшую, / Небе́с простра́ннейшую / и Херуви́мов сла́внейшую, / Богоро́дице Чи́стая, / пе́сньми велича́ем. Видео-иллюстрация (нажмите)

     Тя, Пресла́вную Неве́сту / и Всесвяту́ю Богоро́дицу, / Зижди́теля ро́ждшую / неви́димых же и всех ви́димых, / пе́сньми велича́ем. Видео-иллюстрация (нажмите)

     Тя, Неискусобра́чную Богоро́дицу, Небе́сный черто́г, / ро́ждшую Нача́льника спасе́ния на́шего, / пе́снь ми велича́ем. Видео-иллюстрация (нажмите)

     Го́рнейшая преми́рных умо́в / и многообра́зных Херуви́мов вы́шшая, / Пречи́стая Ма́ти Бо́жия, / Созда́теля зачала́ еси́, / Ты бо во тва́ри влады́чествуеши все́ми. / Те́мже пе́сньми Богоро́дицу, / ве́рнии, Тя велича́ем. Видео-иллюстрация (нажмите)

Преображения:

     Рождество́ Твое́ нетле́нно яви́ся: / Бог из боку́ Твое́ю про́йде, / я́ко Плотоно́сец яви́ся на земли́ / и с челове́ки поживе́. / Тя, Богоро́дице, тем вси велича́ем. Видео-иллюстрация (нажмите)

    От земноро́дных ро́ждшися и Творца́ ро́ждшая, / на́ша похвало́, Богоро́дице Чи́стая: / Тя я́ко влады́чествующую тва́рьми, велича́ем. Видео-иллюстрация (нажмите)

     Велича́ем вси человеколю́бие Твое́, / Христе́, Спа́се наш, / Сла́во раб Твои́х / и Ве́нче ве́рных, / возвели́чивый па́мять Ро́ждшия Тя. Видео-иллюстрация (нажмите)

    Безсе́менное Рождество́ Твое́, Богоро́дице Чи́стая, / Христа́ Бо́га на́шего / пе́сньми немо́лчными велича́ем. Видео-иллюстрация (нажмите)

     Тя, я́ко село́ Пречи́стаго Сло́ва, / и прия́телище Ду́ха, / и Благоволе́ния де́лателище пое́м, / в Тебе́ бо соизмене́ние / спасе́ния на́шего соде́лася. Видео-иллюстрация (нажмите)

    Огнеро́сную дре́вле пещь халде́йскую / и огне́м неопа́льным купину́ в Сина́и, / Богоро́дицу вси пе́сньми велича́ем. Видео-иллюстрация (нажмите)

     Я́ко сотвори́ мне вели́чия Си́льный, / и свя́то И́мя Его́, / и ми́лость Его́ в род и род боя́щимся Его́. Видео-иллюстрация (нажмите)

     Де́ва, му́ченица многострада́льческая, / де́вы Ма́терь многопе́тую, / днесь в Ея́ черто́г приходя́щую, учрежда́ет: / невестокраси́тели вси, лику́им оте́ческая, / благоче́стно Цари́цу велича́юще. Видео-иллюстрация (нажмите)

     Тя, па́че вся́кия мы́сли / Ма́терь, Де́ву, Отрокови́цу, Безневе́стная, / Спа́са и Бо́га неизрече́нным сло́вом ро́ждшую, / по до́лгу, ве́рнии вси, / благоче́стно велича́ем. Видео-иллюстрация (нажмите)

     Непостижи́мое Рождество́ рожде́ния Твоего́, / несказа́нное бога́тство чистоты́ Твоея́, / по Рождестве́ бо де́вствуеши еди́на от жен, / я́ко ро́ждшая Творца́ Своего́ / и рог спаси́тельный ве́рным возвы́сившаго – честны́й Крест, / в Не́мже спа́сшеся Тобо́ю, / Богоро́дицу вои́стинну велича́ем. Видео-иллюстрация (нажмите)

     Твою́ пречи́стую и нетле́нную утро́бу, / Де́во Богоро́дице, / Бо́жие Бог Сло́во / освяти́вый це́лу со блюде́, / из нея́же, проше́д, четыредесятодне́вный Младе́нец яви́ся, / И́же прино́сится я́ко Зако́на Творе́ц и Законода́тель, / Его́же велича́ем. Видео-иллюстрация (нажмите)

     В Тебе́, Богоро́дице, на́ше умале́ние преста́, / неви́димое бо Сло́во / во утро́бе Твое́й прие́мшая, / сугу́ба Того́ родила́ еси́, / Бо́га вку́пе и Челове́ка, / на Него́же Херуви́ми воззре́ти не дерза́ют; / те́мже Тя велича́ем, Пречи́стая. Видео-иллюстрация (нажмите)

    По Рождестве́ Тя, Чи́стая, / и пре́жде Рождества́, /и в Рождестве́ пречи́стая, / вся тварь, пропове́дающи, / я́ко Богоро́дицу и́стинную велича́ем. Видео-иллюстрация (нажмите)

    Пое́м Тя, Пресвята́я Де́во / Ма́ти сла́вная, / я́ко прозябла́ еси́ Небе́сный Клас – Христа́ Бо́га / па́че вся́кия мы́сли, / от Тебе́ Хлеб бысть Живоно́сный ве́рным. / Тем Ти зове́м: ра́дуйся, Непоро́чная, / пребы́вшая Де́ва по Рождестве́ Чи́стая. Видео-иллюстрация (нажмите)

    Моисе́й на горе́ неопали́мую купину́ ви́де, / Ио́сиф в верте́пе неизрече́нное Рождество́ слы́ша, / Нескве́рная Де́во, / Безму́жная Ма́ти, / пе́снь ми Тя, Богоро́дице, велича́ем. Видео-иллюстрация (нажмите)