ОТКРЫТА РЕГИСТРАЦИЯ на курсы (очные/дистанционные): "регентский", "подготовительно-певческий", "сольфеджио", "искусство интонируемого смысла на клиросе" (новинка!)
- с началом обучения в январе 2024 года.
Подробнее о курсах здесь (нажмите); форма заявки здесь; оплата здесь.
-----
Приглашаем православных певчих на проект "ВСЕНАРОДНОЕ ПЕНИЕ НА ЛИТУРГИИ", подробнее здесь (нажмите).
Regentzagod.ru - наш единственный сайт, исторический - regentzagod.com - закрыт.
Полезное видео: концерты "Всенощное бдение-Лето Господне", "Обиходная Литургия"; лекции.
***Размещение ссылок на наше видео на других ресурсах запрещено.
СЕРВИС ИЗУЧЕНИЯ ИРМОСНЫХ ГЛАСОВ:
(Приобрести полный нотный ирмологий можно ЗДЕСЬ).
Ирмологий, с Богом Святым, обдержа́й вся ирмосы́ осмогласника,
Владычних же и Богоматере праздников и всего лета
Оглавление:
Глас 1: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
Глас 2: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
Глас 3: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
Глас 4: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
Глас 5: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
Глас 6: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
Глас 7: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
Глас 8: песнь 1; песнь 2; песнь 3; песнь 4; песнь 5; песнь 6; песнь 7; песнь 8; песнь 9.
ГЛАС 5
Песнь 1
Коня́ и вса́дника в мо́ре Чермно́е / сокруша́яй бра́ни мы́шцею высо́кою / Христо́с истрясе́, Изра́иля же спасе́, / побе́дную песнь пою́ща. Видео-иллюстрация (нажмите)
Вознесения:
Спаси́телю Бо́гу, / в мо́ри лю́ди немо́крыми нога́ ми наста́вльшему / и фарао́на со всево́инством пото́пльшему, / Тому́ Еди́ному пои́м, я́ко просла́вися. Видео-иллюстрация (нажмите)
Осмогласника:
Пои́м Го́сподеви, / сотво́ршему ди́вная чудеса́ в Чермне́м мо́ри, / песнь побе́дную, / я́ко просла́вися. Видео-иллюстрация (нажмите)
Зе́млю, на ню́же не возсия́, ни ви́де со́лнце когда́, / бе́здну, ю́же не ви́де на́гу широта́ Небе́сная, / Изра́иль про́йде невла́жно, Го́споди, / и ввел еси́ его́ в го́ру святы́ни Твоея́, / хва́ляща и пою́ща побе́дную песнь. Видео-иллюстрация (нажмите)
Песнь побе́дную принесе́м, лю́дие, / изба́вльшему Бо́гу / из рабо́ты фарао́новы Моисе́йския лю́ди, / сла́вно бо просла́вися. Видео-иллюстрация (нажмите)
Пои́м Спаси́телю всех, / во́льным хоте́нием / на Дре́ве пригвозди́вшемуся / и мир просвети́вшему. Видео-иллюстрация (нажмите)
Христо́с яви́ся на земли́, / изба́вивый род наш от идолонеи́стовства: / Тому́ Еди́ному пои́м, / я́ко просла́вися. Видео-иллюстрация (нажмите)
Пои́м Го́сподеви ди́вному, / я́ко от го́рькия / свободи́вый рабо́ты Изра́иля, / фарао́на со всево́инством погрузи́. Видео-иллюстрация (нажмите)
Пешеше́ствуяй Изра́иль непроходи́мую стезю́ / повеле́нием Влады́чним, / ра́дуяся, поя́ше: / Го́сподеви пои́м, сла́вно бо просла́вися. Видео-иллюстрация (нажмите)
Велича́ваго фарао́на в мо́ри потопи́вша / со ору́жием и вса́дники, / Изра́иля же пресла́вно спа́сша и по су́ху прове́дша, / пое́м Христа́, я́ко просла́вися. Видео-иллюстрация (нажмите)
Песнь 2
Вонми́, не́бо, и возглаго́лю, / и воспою́ Христа́, / нас ра́ди от Де́вы воплоти́вшагося / и тлю и смерть стра́стию разори́вшаго. Видео-иллюстрация (нажмите)
Ви́дите, ви́дите, я́ко Аз есмь Бог, / в плоть облеки́йся во́лею Свое́ю, / да спасу́ Ада́ма, / от ле́сти па́дшаго в преступле́ние зми́ем. Видео-иллюстрация (нажмите)
Ви́дите, ви́дите, я́ко Аз есмь Бог ваш, / в мо́ри спасы́й лю́ди и в пусты́ни препита́вый я́, / и Челове́к быв, / да спасу́ род челове́ческий. Видео-иллюстрация (нажмите)
Ви́дите, ви́дите, я́ко Аз есмь Бог, / об он пол Иорда́на обходя́й, / услы́шав, я́ко Ла́зарь боли́т, и рек: / я́ко не умира́ет, но есть сие́ о сла́ве Мое́й. Видео-иллюстрация (нажмите)
Песнь 3
Водрузи́вый на ничесо́мже зе́млю повеле́нием Твои́м / и пове́сивый неодержи́мо тяготе́ющую / на недви́жимем, Христе́, ка́мени за́поведей Твои́х, / Це́рковь Твою́ утверди́, Еди́не Бла́же и Человеколю́бче. Видео-иллюстрация (нажмите)
Вознесения:
Си́лою Креста́ Твоего́, Христе́, / утверди́ мое́ помышле́ние, / во е́же пе́ти и сла́вити / спаси́тельное Твое́ Вознесе́ние. Видео-иллюстрация (нажмите)
Осмогласника:
Утверди́ ны, Бо́же, / Твое́ю си́лою, / и низложи́ ерети́ческая шата́ния, / и вознеси́ рог наш. Видео-иллюстрация (нажмите)
Над язы́ки Бог воцари́ся, / Бог седи́т на Престо́ле Святе́м Свое́м, / и пое́м Ему́ разу́мно / я́ко Царю́ и Бо́гу. Видео-иллюстрация (нажмите)
Утверди́ мя, Го́споди, / в житии́ обурева́ема, / и ру́ку мне простри́, / я́ко Всеси́лен. Видео-иллюстрация (нажмите)
Дви́жимое се́рдце мое́, Го́споди, / волна́ми жите́йскими, / утверди́ в приста́нище ти́хое, / наставля́я я́ко Бог. Видео-иллюстрация (нажмите)
На ка́мени за́поведей Твои́х коле́блющагося мя утверди́, / вознеси́ рог мой в ра́зуме повеле́ний Твои́х, / да, хваля́ся, вопию́ Тебе́: / несть свят, па́че Тебе́, Го́споди Сил. Видео-иллюстрация (нажмите)
Несть свят, я́ко Госпо́дь, / и несть пра́веден, я́ко Бог мой, / вознесы́й рог наш / и дая́й кре́пость царе́м на́шим. Видео-иллюстрация (нажмите)
Утверди́ мя, Еди́не Ще́дре, / си́лою Креста́ Твоего́, им бо хвалю́ся, / я́ко несть свят, па́че Тебе́, Го́споди. Видео-иллюстрация (нажмите)
Утвержде́ние мое́ бу́ди и прибе́жище, Спа́се, / и Ца́рствия Твоего́ сподо́би, Сло́ве, / и́стинным се́рдцем испове́дающия, Влады́ко, / Боже́ственное Твое́ воплоще́ние. Видео-иллюстрация (нажмите)
Утвержде́ние притека́ющих к Тебе́, Христе́ Бо́же, / мою́ мысль утверди́ / Твои́м человеколю́бием / и к позна́нию возведи́ за́поведей Твои́х, Всеси́льне. Видео-иллюстрация (нажмите)
Утверди́ ны, Бо́же Спа́се, / Твое́ю си́лою / и воздви́гни рог Твоея́ Це́ркве, / правове́рно хва́лящих Тя. Видео-иллюстрация (нажмите)
Держа́вною руко́ю и си́льным сло́вом / Не́бо и зе́млю сотвори́л еси́, / ю́же Твое́ю Кро́вию искупи́л еси́, Це́рковь Твою́, / я́же о Тебе́ утвержда́ется, зову́щи: / я́ко несть свят, ра́зве Тебе́, Го́споди. Видео-иллюстрация (нажмите)
Песнь 4
Боже́ственное Твое́ разуме́в истоща́ние прозорли́во, / Авваку́м, Христе́, со тре́петом вопия́ше Тебе́: / во спасе́ние люде́й Твои́х / спасти́ пома́занныя Твоя́ прише́л еси́. Видео-иллюстрация (нажмите)
Вознесения:
Услы́шах слух си́лы Креста́, / я́ко рай отве́рзеся им, / и возопи́х: / сла́ва си́ле Твое́й, Го́споди. Видео-иллюстрация (нажмите)
Осмогласника:
Дела́ смотре́ния Твоего́, Го́споди, / ужаси́ша проро́ка Авваку́ма, / изше́л бо еси́ на спасе́ние люде́й Твои́х, / спасти́ пома́занныя Твоя́ прише́л еси́. Видео-иллюстрация (нажмите)
Услы́шах, Го́споди, / слух Твой и убоя́хся; / разуме́х смотре́ние Твое́ / и просла́вих Тя, / Еди́не Человеколю́бче. Видео-иллюстрация (нажмите)
Услы́шах слух / си́лы Госпо́дни / и просла́вих, Человеколю́бче, / непостижи́мую Твою́ си́лу. Видео-иллюстрация (нажмите)
Услы́шах, Го́споди, / из Гро́ба Твое́ воста́ние / и просла́вих Твою́ непобеди́мую си́лу. Видео-иллюстрация (нажмите)
Боже́ственную явле́ния Твоего́ добро́ту проро́к прови́дя / и снизхожде́нию ужаса́яся воплоще́ния, Христе́, предвозгласи́: / от ю́га прии́дет Госпо́дь, / очище́ние ми́рови да́руяй. Видео-иллюстрация (нажмите)
От горы́ ча́щныя прише́ствие Твое́ услы́шав, / проро́к вопия́ше: / сла́ва неизрече́нному воплоще́нию Твоему́. Видео-иллюстрация (нажмите)
Проро́к Авваку́м, прови́дя Тя, Христе́, / благода́рным гла́сом воспропове́даше, вопия́: / слух Твой услы́шах и убоя́хся, / дела́ Твоя́ вся разуме́х и ужасо́хся, Го́споди. Видео-иллюстрация (нажмите)
Смотре́ния Твоего́ та́инство разуме́в Авваку́м, / та́йно схожде́ние прише́ствия Твоего́ напису́яй, взыва́ше: / внегда́ прии́дет вре́мя, Го́споди, яви́шися. Видео-иллюстрация (нажмите)
Услы́шах слух Твой и убоя́хся; / разуме́х дела́ Твоя́ / и диви́хся, Го́споди. Видео-иллюстрация (нажмите)
Ду́хом Бо́жиим очи́щся проро́к, / дыха́ющим в нем, Авваку́м Боже́ственный, боя́ся, глаго́лаше: / внегда́ прибли́жатся ле́та, позна́н бу́деши, Бо́же, / на спасе́ние челове́ков. Видео-иллюстрация (нажмите)
Песнь 5
Одея́йся Све́том, я́ко ри́зою, / к Тебе́ у́тренюю и Тебе́ зову́: / ду́шу мою́ просвети́ омраче́нную, Христе́, / я́ко Еди́н Благоутро́бен. Видео-иллюстрация (нажмите)
Вознесения:
У́тренююще, вопие́м Ти: / Го́споди, спаси́ ны, / Ты бо еси́ Бог наш, / ра́зве бо Тебе́, ино́го не зна́ем. Видео-иллюстрация (нажмите)
Осмогласника:
От но́щи покланя́ющияся Тебе́, Христе́, / поми́луй и мир да́руй, / зане́, свет, повеле́ния Твоя́ / бы́ша исцеле́ния рабо́м Твои́м, Человеколю́бче. Видео-иллюстрация (нажмите)
Све́те И́стинный, Христе́ Бо́же, / к Тебе́ у́тренюет дух мой от но́щи, / яви́ на мя лице́ Твое́. Видео-иллюстрация (нажмите)
Окая́нную ду́шу мою́, нощеборю́щуюся со тьмо́ю страсте́й, / предвари́в, уще́дри / и возсия́й мы́сленное со́лнце днесве́тлыя звезды́ во мне, / во е́же раздели́ти нощь от све́та. Видео-иллюстрация (нажмите)
Пра́вды Со́лнце У́мное, просвети́ мя, / но́щию страсте́й содержи́маго, / и наста́ви к Боже́ственней стези́, / я́ко Еди́н еси́ ми́ра Царь. Видео-иллюстрация (нажмите)
Не паде́м, но паду́т в паде́нии о́браза Твоего́, Богоро́дице, укори́телие, / да во́змутся от среды́ нас, / да не ви́дят сла́ву Твою́ неразуме́ющии, / зане́ свет и мир Твоего́ Сы́на повеле́ния. Видео-иллюстрация (нажмите)
Го́споди Бо́же наш, стяжи́ ны, / Го́споди, ра́зве Тебе́, ино́го не ве́мы, / И́мя Твое́ имену́ем, / возсия́й на вся Свет. Видео-иллюстрация (нажмите)
Пра́вде научи́теся, живу́щии на земли́, / и ум очи́стим, воздви́женным се́рдцем / к ще́дрому Бо́гу / от но́щи у́тренююще. Видео-иллюстрация (нажмите)
Све́та Непристу́пнаго, Христе́, Живота́ Ве́чнаго, / от но́щи у́тренююще, / пое́м Тя, еди́наго Светода́вца Бо́га. Видео-иллюстрация (нажмите)
Возсия́й, Христе́ Бо́же, / свет ра́зума Твоего́, / и просвети́ сердца́ на́ша, / и спаси́ ду́ши на́ша. Видео-иллюстрация (нажмите)
Сло́во Бо́жие Всеси́льное, / мир всему́ ми́ру посли́ / и све́том и́стинным освеща́я и просвеща́я вся, / из но́щи Тя сла́вящия. Видео-иллюстрация (нажмите)
Песнь 6
Неи́стовствующееся бу́рею душетле́нною, / Влады́ко Христе́, страсте́й мо́ре укроти́ / и от тли возведи́ мя, / я́ко Благоутро́бен. Видео-иллюстрация (нажмите)
Вознесения:
Обы́де мя бе́здна, / гроб мне кит бысть, / аз же возопи́х к Тебе́, Человеколю́бцу, / и спасе́ мя десни́ца Твоя́, Го́споди. Видео-иллюстрация (нажмите)
Осмогласника:
От ки́та проро́ка изба́вил еси́, / мене́ же из глубины́ грехо́в / возведи́, Го́споди, и спаси́ мя. Видео-иллюстрация (нажмите)
Я́коже проро́ка от зве́ря изба́вил еси́, Го́споди, / и мене́ из глубины́ несодержи́мых страсте́й / возведи́, молю́ся, / да приложу́ призре́ти ми ко хра́му свято́му Твоему́. Видео-иллюстрация (нажмите)
Бу́ря содержа́ мя, Спа́се, грехо́вная, / и ду́шу мою́ низво́дит в душетли́тельную глубину́, / но, я́ко дре́вле Ио́ну, Христе́, возведи́, / я́ко да пожру́ Ти и аз со гла́сом хвале́ния. Видео-иллюстрация (нажмите)
От чре́ва а́дова / во́пля моего́ услы́шал еси́ глас мой / и изба́вил еси́ от тли живо́т мой, / Многоми́лостиве. Видео-иллюстрация (нажмите)
Возопи́ от после́дних Ада́м: / Бо́же мой, изба́ви мя, па́дшаго, / и, уподо́бився, прииди́, / во е́же спасти́ ны. Видео-иллюстрация (нажмите)
Во глубины́ отве́ргся морски́я, / от нужд мои́х изба́ви мя, / я́коже от ки́та возве́л еси́ проро́ка Ио́ну, / та́ко и мене́, молю́ся, / предвар́ив, спаси́ от жите́йских зол. Видео-иллюстрация (нажмите)
В ки́тово чре́во подше́дый, Ио́на / не растле́ся, Влады́ко, Твои́м повеле́нием, / но проображе́ние бысть тридне́внаго Твоего́ погребе́ния, / тем Ти взыва́ше: / да взы́дет от тли живо́т мой к Тебе́, Го́споди. Видео-иллюстрация (нажмите)
Возопи́х всем се́рдцем мои́м / к ще́дрому Бо́гу, / и услы́ша мя от а́да преиспо́дняго, / и возведе́ от тли живо́т мой. Видео-иллюстрация (нажмите)
Возопи́х в печа́ли мое́й, Спа́се мой, молю́ся: / изба́ви мя от обдержа́щия мя боле́зни и озлобле́ния, / я́ко Ми́лостив, / помяну́в Твою́ ми́лость. Видео-иллюстрация (нажмите)
В Це́рковь Небе́сную Святу́ю Твою́ да прии́дет моли́тва моя́, / вопию́ Ти, я́ко Ио́на, из глубины́ се́рдца морска́го: / от грех мои́х возведи́ мя, / молю́ся Тебе́, Го́споди. Видео-иллюстрация (нажмите)
Песнь 7
Превозноси́мый отце́в Госпо́дь / пла́мень угаси́, о́троки ороси́, / согла́сно пою́щия: / Бо́же, благослове́н еси́. Видео-иллюстрация (нажмите)
Вознесения:
В пещи́ о́гненней / песносло́вцы спасы́й о́троки, / благослове́н Бог оте́ц на́ших. Видео-иллюстрация (нажмите)
Осмогласника:
Огня́ гаси́лище – отроко́в моли́тва, / ороша́ющая пещь, пропове́дница чудесе́, / не опаля́ющи, ниже́ сожига́ющи / песносло́вцы Бо́га оте́ц на́ших. Видео-иллюстрация (нажмите)
Благослове́н еси́, Бо́же, / ви́дяй бе́здны / и на Престо́ле Сла́вы седя́й, / препе́тый и пресла́вный. Видео-иллюстрация (нажмите)
Пещь угаси́вый в Вавило́не о́гненную /и о́троки в ней, я́ко в черто́зе, сохрани́вый, / благослове́н еси́, Бо́же оте́ц на́ших. Видео-иллюстрация (нажмите)
Прехва́льно есть и препросла́влено И́мя Твое́, / Го́споди, Бо́же оте́ц на́ших, во вся ве́ки, / и препросла́влен, я́ко пра́веден еси́ о всех, / я́же сотвори́л еси́ нам. Видео-иллюстрация (нажмите)
О́троки в пещи́ А́нгелом сохрани́вый, / провозвеща́я и́ми ро́ждшую Тя / нетле́нную Де́ву, / благослове́н еси́, Бо́же оте́ц на́ших. Видео-иллюстрация (нажмите)
Ороша́емая пещь и я́рость мучи́тельная / благочести́выя не устраши́ о́троки, / де́рзостно вопию́щия: / благослове́н еси́, Бо́же оте́ц на́ших. Видео-иллюстрация (нажмите)
А́нгелом о́троки спасы́й / и гремя́щую пещь преложи́вый в ро́су, / благослове́н еси́, Го́споди. Видео-иллюстрация (нажмите)
Тро́ицы сла́ву Богочести́вии изобрази́вше, / о́троцы пещь, дре́вле огне́м пали́мую, в ро́су преложи́ша / и, пою́ще, поя́ху: / благослове́н еси́, Бо́же оте́ц на́ших. Видео-иллюстрация (нажмите)
Пла́мень пе́щный порабо́тиша благочести́вии о́троцы, / тем свы́ше ороси́ я́, гото́вы пали́мы по естеству́, / но па́че естества́ му́жески поя́ху: / благослове́н еси́, Го́споди, / на Престо́ле Сла́вы Ца́рствия Твоего́. Видео-иллюстрация (нажмите)
Песнь 8
Тебе́, Вседе́телю, / в пещи́ о́троцы, всеми́рный лик спле́тше, поя́ху: / дела́ вся́кая, Го́спода по́йте / и превозноси́те во вся ве́ки. Видео-иллюстрация (нажмите)
Вознесения:
Из Отца́ пре́жде век рожде́ннаго Сы́на и Бо́га / и в после́дняя ле́та воплоще́ннаго от Де́вы Ма́тере, / свяще́нницы, по́йте, / лю́дие, превозноси́те во вся ве́ки. Видео-иллюстрация (нажмите)
Осмогласника:
Творца́ тва́ри, / Его́же ужаса́ются А́нгели, / по́йте, лю́дие, / и превозноси́те во вся ве́ки. Видео-иллюстрация (нажмите)
А́нгелов сонм, челове́ков собо́р, / Царя́ и Зижди́теля всех, / свяще́нницы, по́йте, благослови́те, леви́ти, / лю́дие, превозноси́те во вся ве́ки. Видео-иллюстрация (нажмите)
Всех Соде́теля / и Спа́са душ на́ших, / свяще́нницы, благослови́те, / лю́дие, превозноси́те Его́ во ве́ки. Видео-иллюстрация (нажмите)
Преподо́бнии Твои о́троцы в пещи́, Христе́, / воспева́юще, глаго́лаху: / благослови́те, вся дела́ Госпо́дня, Го́спода. Видео-иллюстрация (нажмите)
Оте́ческое веле́ние му́дрствующе ю́ноши три в Вавило́не, / безбо́жному веле́нию благоче́стно не покаря́ющеся, / посреде́ осужде́ния о́гненнаго стоя́ще, вопия́ху: / благослови́те, вся дела́ Госпо́дня, Го́спода. Видео-иллюстрация (нажмите)
Зижди́телю всех Богоно́снии о́троцы / в пещи́ песнь приноша́ху / и, пою́ще, вопия́ху: / благослови́те, вся дела́ Госпо́дня, Го́спода. Видео-иллюстрация (нажмите)
Ороси́вшаго пещь и о́троки Сохра́ншаго посреде́ горя́щаго пла́мене, / о́троцы, славосло́вите, / свяще́нницы, благослови́те, / лю́дие, превозноси́те во вся ве́ки. Видео-иллюстрация (нажмите)
От Отца́ рожде́ннаго пре́жде век / Бо́га Сло́ва / по́йте, свяще́нницы, / лю́дие, превозноси́те во вся ве́ки. Видео-иллюстрация (нажмите)
Царя́ Христа́, Его́же пою́т Херуви́ми / и сла́вят Серафи́ми, / по́йте, лю́дие, / и превозноси́те во вся ве́ки. Видео-иллюстрация (нажмите)
Кре́пции о́троцы трие́ су́ще, / си́лою обо́лкшеся Святы́я Тро́ицы, / улови́ша и победи́ша халде́и, / и ди́вно измени́ся естество́: / ка́ко огнь в ро́су прелага́шеся? / Без туги́ я сохрани́, я́ко пелена́ми, / о пролия́вый му́дрость на всех де́лех Твои́х, Бо́же, / Тя превозно́сим во ве́ки. Видео-иллюстрация (нажмите)
Песнь 9
Иса́ие, лику́й, Де́ва име́ во чре́ве / и роди́ Сы́на Емману́ила, / Бо́га же и Челове́ка, Восто́к и́мя Ему́, / Его́же велича́юще, Де́ву ублажа́ем. Видео-иллюстрация (нажмите)
Вознесения:
Тя, па́че ума́ и словесе́ Ма́терь Бо́жию, / в ле́то Безле́тнаго / неизрече́нно ро́ждшую, / ве́рнии, единому́дренно велича́ем. Видео-иллюстрация (нажмите)
Осмогласника:
Тя, блаже́нную в жена́х / и благослове́нную Бо́гом, / челове́ческий род, / пе́сньми велича́ем. Видео-иллюстрация (нажмите)
Я́ко сотвори́ Тебе́ вели́чия Си́льный, / Де́ву явль Тя чи́сту по рождестве́, / я́ко ро́ждшую без се́мене Своего́ Творца́, / тем Тя, Богоро́дице, велича́ем. Видео-иллюстрация (нажмите)
Велича́ем, Христе́, / Твою́ Всенепоро́чную Ма́терь Чи́стую, / я́ко роди́ Тя преесте́ственно пло́тию, / от вся́кия льсти и тли нас избавля́яй. Видео-иллюстрация (нажмите)
Чре́во Твое́ яви́ся ши́ршее Небе́с, / и сла́вншая еди́на яви́лася еси́, / чуде́с превы́шшая еди́на показа́лася еси́, Богоро́дице, / ро́ждшая Невмести́маго и Присносу́щнаго Бо́га, / по до́лгу Тя, челове́ческий род, / непреста́нно велича́ем. Видео-иллюстрация (нажмите)
О, чу́до! / и́бо чу́до, соверша́емое в Тебе́, Богоро́дице: / обновля́ется естество́, и Бог Челове́к быва́ет, / и во дву естеству́, Богосло́вяще, велича́ем. Видео-иллюстрация (нажмите)
Тя, Бо́жию Ма́терь, и Де́ву Чи́стую, / и Херуви́мов сла́вншую, / во гла́сех пе́сней велича́ем. Видео-иллюстрация (нажмите)
Жезл, прозя́бший от ко́рене Дави́дова, Богоро́дице Всепе́тая, / Цвет красне́йший нам возсия́ла еси́, / дре́вняго вино́вный блаже́нства. / Тем Тя вси пе́сньми велича́ем. Видео-иллюстрация (нажмите)
Тя, рабу́ и Ма́терь / Христа́ Бо́га на́шего, / Богоро́дице, / досто́йно велича́ем. Видео-иллюстрация (нажмите)
Тя, неизрече́нным сло́вом / Созда́теля заче́ншую во чре́ве, велича́ем, / Ра́дость бо ро́ждшая, / Живо́т всем дарова́ла еси́, Всеблаже́нная. Видео-иллюстрация (нажмите)
Тя, Неискусому́жную Неве́сту, / Ма́терь Сло́ва, / Святу́ю Де́ву, велича́ем. Видео-иллюстрация (нажмите)
Из Еде́ма изы́де род наш пра́бабы ради Е́вы, / при́зван же Тобо́ю, ро́ждшею нам но́ваго Ада́ма – Христа́, / во двою́ естеству́, Де́во Чи́стая. / Взыгра́ся Ада́м пра́дед, / я́ко избы́в пе́рвыя кля́твы, / мы же, Тобо́ю хва́лящеся, / я́ко Тебе́ ра́ди Бо́га позна́хом, / и Тебе́ велича́ем. Видео-иллюстрация (нажмите)
Регентские курсы Колобанова А.В.
+7 (926) 100-29-25
Основаны в 2012 году.
ИП Колобанов Алексей Владимирович.
ИНН: 771674008851
ОГРНИП: 317774600388127
ОКВЭД: 85.41
Вышла в свет книга протоиерея Владимира Колобанова «Дело личное - личное дело». «Феномен личности - вот, что стоит в центре автора этой книги. Говорит ли он о церковных праздниках, отвечает ли на вопросы читателей православной газеты, вспоминает ли о встретившихся ему на жизненном пути замечательных людях, делится ли лирическими опытами церковной поэзии, высказывает ли критическое мнение по некоторым вопросам - всегда, непременно, так или иначе, он касается темы личностного бытия, его истоков и проявлений в нашем мире». Книга продается за свечным ящиком Храма Святителя Николая в Кленниках, по адресу: г. Москва, ул. Маросейка, дом 5.
