Учим ирмосные гласы

Я́ко по су́ху, пешеше́ствовав Изра́иль / по бе́здне стопа́ми, / гони́теля фарао́на ви́дя потопля́ема, / Бо́гу побе́дную песнь пои́м, вопия́ше. Видео-иллюстрация (нажмите)

В Великий Четверток:

Се́ченное, сече́тся / мо́ре Чермно́е, / волнопита́емая же изсуша́ется глубина́, / та́яжде ку́пно безору́жным бы́вши проходи́ма и всеору́жным гроб. / Песнь же Богокра́сная воспева́шеся: / сла́вно просла́вися Христо́с, Бог наш. Видео-иллюстрация (нажмите)

В Великую Субботу:

Волно́ю морско́ю / Скры́вшаго дре́вле / гони́теля мучи́теля – / под земле́ю скры́ша спасе́нных о́троцы; / но мы, я́ко отрокови́цы, / Го́сподеви пои́м, сла́вно бо просла́вися. Видео-иллюстрация (нажмите)

Осмогласника:

Чу́вственный фарао́н потопле́н бысть со всево́инством, / Изра́иль же, проше́д посреде́ мо́ря, вопия́ше: / Го́сподеви Бо́гу на́шему / пои́м, я́ко просла́вися. Видео-иллюстрация (нажмите)

Помо́щник и Покрови́тель / бысть мне во спасе́ние, / Сей мой Бог, / и просла́влю Его́, Бог отца́ моего́, / и вознесу́ Его́, / сла́вно бо просла́вися. Видео-иллюстрация (нажмите)

Пои́м Го́сподеви, / от рабо́ты Изра́иля свободи́вшему еги́петския Моисее́м, / песнь непреста́нно, / Христу́, Царю́ и Бо́гу на́шему. Видео-иллюстрация (нажмите)

Проше́дше мо́ре сы́нове Изра́илевы / и ви́дяще фарао́на, погруже́на в нем, / благода́рно поя́ху: / Го́сподеви пои́м, сла́вно бо просла́вися. Видео-иллюстрация (нажмите)

Воздвиза́емое мо́ре / немо́крыми нога́ми проходя́ дре́вле Изра́иль, / егда́ ви́дяше погружа́ема го́рдаго фарао́на, / ра́достно взыва́ше: / пои́м Го́сподеви, / сотво́ршему сла́вная чудеса́. Видео-иллюстрация (нажмите)

Колесни́цы фарао́новы и си́лу его́ / высо́кою мы́шцею Христо́с потопи́, / Изра́иля же спасе́, воспева́юща: / ди́вному Бо́гу на́шему пои́м. Видео-иллюстрация (нажмите)

Песнь 2

Вонми́, не́бо, / и возглаго́лю, / и воспою́ Христа́, / от Де́вы пло́тию прише́дшаго. Видео-иллюстрация (нажмите)

Ви́дите, ви́дите, я́ко Аз есмь Бог, / ма́нну одожди́вый / и во́ду из ка́мене источи́вый / дре́вле в пусты́ни лю́дем Мои́м / десни́цею еди́ною / и кре́постию Мое́ю. Видео-иллюстрация (нажмите)

Вонми́, не́бо, / и возглаго́лю, / и восхвалю́ Христа́, / Еди́наго Человеколю́бца. Видео-иллюстрация (нажмите)

Ви́дите, ви́дите, / я́ко Аз есмь Бог ваш, / Кресто́м ад разори́вый, я́ко си́лен, / и безстра́стия стра́стию пло́ти Свое́й источи́вый земны́м. Видео-иллюстрация (нажмите)

Песнь 3

Несть свят, / я́коже Ты, Го́споди Бо́же мой, / вознесы́й рог ве́рных Твои́х, Бла́же, / и утверди́вый нас на ка́мени / испове́дания Твоего́. Видео-иллюстрация (нажмите)

В Великий Четверток:

Госпо́дь, Сый, всех и Зижди́тель Бог, / созда́н ное, Безстра́стный, обнища́в, Себе́ соедини́, / и Па́сха, за я́же хотя́ше умре́ти, / Сам, Сый, Себе́ предпожре́: / яди́те,– вопия́,– Те́ло Мое́ / и ве́рою утверди́теся. Видео-иллюстрация (нажмите)

В Великую Субботу:

Тебе́, на вода́х / пове́сившаго всю зе́млю неодержи́мо, / тварь, ви́девши на ло́бнем ви́сима, / у́жасом мно́гим содрога́шеся, / несть свят, / ра́зве Тебе́, Го́с поди, взыва́ющи. Видео-иллюстрация (нажмите)

Осмогласника:

На тве́рдем ве́ры Твоея́ ка́мени / помышле́ние утверди́в души́ моея́, / утверди́, Го́споди, Тя бо и́мам, Бла́же, / прибе́жище и утвержде́ние. Видео-иллюстрация (нажмите)

Утверди́, Го́споди, / на ка́мени за́поведей Твои́х / подви́гшееся се́рдце мое́, / я́ко Еди́н Свят еси́ и Госпо́дь. Видео-иллюстрация (нажмите)

На недвижи́мом, Христе́, ка́мени за́поведей Твои́х / утверди́ мое́ помышле́ние. Видео-иллюстрация (нажмите)

Утверди́, Го́споди, Це́рковь Твою́, / ра́зумом возвы́сивый Небеса́, / во е́же пе́ти пречи́стое Твое́ смотре́ние, / Еди́не Человеколю́бче. Видео-иллюстрация (нажмите)

Го́споди, Спа́се мой и Зижди́телю, Бо́же всех, / зе́млю на ничесо́м повеле́нием в нача́ле тя́жестну утверди́вый, / утверди́ и мене́ в ве́ре, / е́же вопи́ти Тебе́ в весе́лии: / Ты моя́ кре́пость и си́ла, / ору́жие и прибе́жище. Видео-иллюстрация (нажмите)

Утверди́ мене́, Христе́, / и извести́ мя к Тебе́, / и просвеще́нием ра́зума Твоего́ / научи́ мя. Видео-иллюстрация (нажмите)

Разшири́шася на враги́ моя́ уста́ моя́, / я́ко утверди́ся о Го́споде се́рдце мое́. Видео-иллюстрация (нажмите)

Тобо́ю, Христе́, Небеса́ утвержда́ема вся, / Сло́во Бо́жие и Си́ла, / испове́дуют сла́ву неизрече́нну / и вседе́тельныя руки́ Твоея́ сотворе́ния, / несть бо пресвя́т, ра́зве Тебе́, Го́споди. Видео-иллюстрация (нажмите)

В пе́рсех се́рдца и души́ моея́ зову́ Тебе́, / я́ко проро́чица А́нна, / я́коже о́ной дал еси́ моли́твою Саму́ила, / и мне да́руй, Го́споди, плод покая́ния. Видео-иллюстрация (нажмите)

Возвесели́ся непло́ды неражда́ющая, / я́ко прии́де / Изба́витель мой и Бог, / от де́монския пре́лести избавля́яй. Видео-иллюстрация (нажмите)

Неизрече́нныя Твоея́ си́лы / и содержи́тельныя всех прему́дрости Твоея́ / устраша́юся, помышля́яй, и вопию́ Ти, Бла́же: / на враги́ да вознесе́тся, Христе́, рог мой. Видео-иллюстрация (нажмите)

Песнь 4

Христо́с моя́ си́ла, / Бог и Госпо́дь, / честна́я Це́рковь / Боголе́пно пое́т, взыва́ющи, / от смы́сла чи́ста о Го́споде пра́зднующи. Видео-иллюстрация (нажмите)

В Великий Четверток:

Прови́дев проро́к / та́йну Твою́ неизрече́нную, Христе́, провозгласи́: / положи́л еси́ тве́рдую любо́вь кре́пости, / О́тче Ще́дрый, / Единоро́днаго бо Сы́на, Благи́й, / очище́ние в мир посла́л еси́. Видео-иллюстрация (нажмите)

В Великую Субботу:

На Кресте́ Твое́ Боже́ственное истоща́ние / прови́дя, Авваку́м, ужа́сся, вопия́ше: / Ты си́льных пресе́кл еси́ держа́ву, Бла́же, / приобща́яся су́щим во а́де, я́ко Всеси́лен. Видео-иллюстрация (нажмите)

Осмогласника:

Покры́ла есть Небеса́ / доброде́тель Твоя́, Христе́, / и Твоего́ хвале́ния, Го́споди, / вся испо́лнишася. Видео-иллюстрация (нажмите)

Удиви́ся Твой ра́зум от Мене́, / услы́шавшу пресла́вная веле́ния смотре́ния Твоего́, / укрепи́ся же воз любле́нием Твоего́ схожде́ния, / Ты бо моея́ нищеты́ не отве́рглся еси́. Видео-иллюстрация (нажмите)

Услы́шах повеле́ния, / презре́х, Го́споди, и, пути́ Твоего́ не сохрани́в, умертви́хся: / Ты мя возста́ви, / Спа́се, наде́ждо моя́, / мене́ ра́ди обнища́вый, / плоть челове́ческую прии́м. Видео-иллюстрация (нажмите)

Услы́шах слух Твой / и убоя́хся, / разуме́х дела́ Твоя́ / и ужасо́хся, Го́споди. Видео-иллюстрация (нажмите)

Услы́шах слух Твой / и убоя́хся, / разуме́х дела́ Твоя́ и ужасо́хся: / сла́ва си́ле Твое́й, Го́споди. Видео-иллюстрация (нажмите)

Услы́ша проро́к прише́ствие Твое́, Го́споди, / и убоя́ся, / я́ко хо́щеши от Де́вы роди́тися / и челове́ком яви́тися, и глаго́лаше: / услы́шах слух Твой и убоя́хся; / сла́ва си́ле Твое́й, Го́споди. Видео-иллюстрация (нажмите)

Обнови́л еси́ добро́ту Твоего́ о́браза, / к сему́ бо от Оте́ческих соше́л еси́ не́др, / и вопие́м Ти: / сла́ва си́ле Твое́й, Человеколю́бче. Видео-иллюстрация (нажмите)

Твоего́ неизрече́ннаго воплоще́ния, Изба́вителю всех, / проро́к Авваку́м очи́стився Ду́хом, / та́инству ужа́с ся, вопия́ше: / внегда́ прибли́жатся ле́та, позна́н бу́деши, / безма́терен от Отца́ / в после́дняя времена́ воплоща́яйся. Видео-иллюстрация (нажмите)

Взы́ду на высоту́ хвале́ния Твоего́ / и лю́дем избра́нным благовещу́ упокое́ние от осужде́ния сне́ди, – / проро́к глаго́лаше, / Сло́во бо одебеле́вшее от Де́вы нам яви́ся. Видео-иллюстрация (нажмите)

Песнь 5

Бо́жиим све́том Твои́м, Бла́же, / у́тренюющих Ти ду́ши любо́вию озари́, молю́ся, / Тя ве́дети, Сло́ве Бо́жий, и́стиннаго Бо́га, / от мра́ка грехо́внаго взыва́юща. Видео-иллюстрация (нажмите)

В Великий Четверток:

Сою́зом любве́ связу́еми, апо́столи, / влады́чествующему все́ми себе́ Христу́ возло́жше, / кра́сны но́ги очища́ху, / благовеству́юще всем мир. Видео-иллюстрация (нажмите)

В Великий Пяток:

К Тебе́ у́тренюю, / милосе́рдия ра́ди Себе́ истощи́вшему непрело́жно / и до страсте́й безстра́стно прекло́ншемуся, / Сло́ве Бо́жий: / мир пода́ждь ми, па́дшему, / Человеколю́бче. Видео-иллюстрация (нажмите)

В Великую Субботу:

Богоявле́ния Твоего́, Христе́, / к нам ми́лостивно бы́вшаго, / Иса́ия, Свет ви́дев Невече́рний, / из но́щи у́треневав, взыва́ше: / воскре́снут ме́ртвии, и воста́нут су́щии во гробе́х, / и вси земноро́днии возра́дуются. Видео-иллюстрация (нажмите)

Осмогласника:

Свет возсия́й ми́ру, Христе́, / просвети́ се́рдце мое́, / от но́щи Тебе́ зову́ща, / и спаси́ мя. Видео-иллюстрация (нажмите)

На Тя упова́х, Го́споди, / и к Тебе́ у́тренюю, Пребоже́ственней Добро́те, / ду́шу мою́ возвесели́ / во све́те Богове́дения Твоего́ и спаси́ мя. Видео-иллюстрация (нажмите)

Прозорли́вый Иса́ия, / разуме́яй безсе́менное рожде́ние Твое́, Де́во, вопия́ше: / се во чре́ве прии́мет Де́ва, / ро́ждшая Сло́ва Единоро́днаго, / Сы́на же О́тча, / со Ду́хом Боже́ственным славосло́вима. Видео-иллюстрация (нажмите)

От но́щи песнь возсыла́ем Тебе́: / возниспосли́ нам ми́лость Твою́, Го́споди, / Ты бо еси́ Бог наш, / ра́зве Тебе́, ино́го не ве́мы. Видео-иллюстрация (нажмите)

От но́щи у́тренююща, Человеколю́бче, / про свети́, молю́ся, / и наста́ви и мене́ на повеле́ния Твоя́, / и научи́ мя, Спа́се, твори́ти во́лю Твою́. Видео-иллюстрация (нажмите)

Свет и мир Твой, Христе́, / рабо́м Твои́м пода́ждь, Бла́же: / Ты бо еси́ всех мир / и сою́з любве́, Человеколю́бче, / Тя позна́вшим, у́тро све́тлое, / и Влады́ку вои́стинну, и Го́спода. Видео-иллюстрация (нажмите)

Мрак тя, душе́ моя́, / поя́т беззако́нных дея́ний, / я́же соде́лала еси́ в житии́ сем, / но не преста́ни, зову́щи: / Наста́вниче Све́та и Изба́вителю всех, / омраче́нную ду́шу мою́ светово́дствуй к Све́ту Невече́рнему. Видео-иллюстрация (нажмите)

Положи́ на стопы́ моя́ мглу / всезле́йший враг, Го́споди, / но Ты озари́, Светода́вче Сло́ве, / и сего́ мя изба́ви осужде́ния. Видео-иллюстрация (нажмите)

Мир мног лю́бящим Тя, Христе́, / и нощь просвеще́ния в пи́щи слове́с Твои́х, / сего́ ра́ди, от но́щи у́тренююще, / про́сим ми́лости от Тебе́, Человеколю́бче. Видео-иллюстрация (нажмите)

Песнь 6

Жите́йское мо́ре, / воздвиза́емое зря напа́стей бу́рею, / к ти́хому приста́нищу Твоему́ прите́к, вопию́ Ти: / возведи́ от тли живо́т мой, Многоми́лостиве. Видео-иллюстрация (нажмите)

В Великий Четверток:

Бе́здна после́дняя грехо́в обы́де мя, / и, волне́ния не ктому́ терпя́, / я́ко Ио́на Влады́це, вопию́ Ти: / от тли мя возведи́. Видео-иллюстрация (нажмите)

В Великую Субботу:

Ят бысть, / но не удержа́н в пе́рсех ки́товых Ио́на: / Твой бо о́браз нося́, / Страда́вшаго и погребе́нию да́вшагося, / я́ко от черто́га, от зве́ря изы́де. / Приглаша́ше же кустоди́и: / храня́щии су́етная и ло́жная, / ми́лость сию́ оста́вили есте́. Видео-иллюстрация (нажмите)

Осмогласника:

Ки́том пожре́н грехо́вным, / вопию́ Тебе́, Христе́: / я́ко проро́ка, / из нетле́ния мя свободи́. Видео-иллюстрация (нажмите)

Обы́де мя бе́здна после́дняя грехо́вная, / пожре́ мя мно́жество зол мои́х, / и, стеня́, вопию́ Ти, Бо́же мой: / я́ко проро́ка Ио́ну, изба́ви, Многоми́лостиве. Видео-иллюстрация (нажмите)

Ки́том содержи́мь прегреше́ний, / вопию́ Ти, Христе́ мой, со проро́ком: / возведи́ от тли живо́т мой / и спаси́ мя. Видео-иллюстрация (нажмите)

Возопи́х всем се́рдцем мои́м / к ще́дрому Бо́гу, / и услы́ша мя от а́да преиспо́дняго, / и возведе́ от тли живо́т мой. Видео-иллюстрация (нажмите)

Зве́рю бе́здны предае́тся проро́к Ио́на, / глубине́ морско́й, / прообразу́я Твое́, Сло́ве, тридне́вное воста́ние. / Тем и взыва́ше: / из глубины́ преиспо́дния возведи́ живо́т мой, / Благоутро́бне. Видео-иллюстрация (нажмите)

Возопи́х всем се́рдцем, Го́споди, / злы́ми де́лы одержи́мь, / возведи́, молю́ся, / изринове́на от тли, / Тя бо помяну́х, Спа́се, / и возвесели́ся се́рдце мое́. Видео-иллюстрация (нажмите)

Песнь 7

Росода́тельну у́бо пещь / соде́ла А́нгел / преподо́бным отроко́м, / халде́и же опаля́ющее веле́ние Бо́жие / мучи́теля увеща́ вопи́ти: / благослове́н еси́, Бо́же оте́ц на́ших. Видео-иллюстрация (нажмите)

В Великий Четверток:

О́троцы в Вавило́не / пе́щнаго пла́мене не убоя́шася, / но, посреде́ пла́мене вве́ржени, ороша́еми, поя́ху: / благослове́н еси́, Го́споди, Бо́же оте́ц на́ших. Видео-иллюстрация (нажмите)

В Великую Субботу:

Неизрече́нное чу́до: / в пещи́ Изба́вивый преподо́бныя о́троки из пла́мене / во Гро́бе мертв, бездыха́нен полага́ется / во спасе́ние нас, пою́щих: / Изба́вителю Бо́же, / благослове́н еси́. Видео-иллюстрация (нажмите)

Осмогласника:

Преподо́бных Твои́х отроко́в песнь услы́шавый / и пещь горя́щую ороси́вый, / благослове́н еси́, Го́споди, / Бо́же оте́ц на́ших. Видео-иллюстрация (нажмите)

Преподо́бных Твои́х отроко́в моли́тву услы́шавый / и пещь горя́щую ороси́вый, / благослове́н еси́, Го́споди, / Бо́же оте́ц на́ших. Видео-иллюстрация (нажмите)

Ты о́троки в пещи́, Жизнода́вче, / А́нгелом ороси́л еси́, глаго́лющия: / благослове́н еси́, Го́споди, / Бо́же оте́ц на́ших. Видео-иллюстрация (нажмите)

Яви́ся на ны благода́ть Твоя́, Спа́се, / и свет Креста́ Твоего́ возсия́ ми́рови: / благослове́н еси́, Го́споди, / Бо́же оте́ц на́ших. Видео-иллюстрация (нажмите)

Согреши́хом, беззако́нновахом, / непра́вдовахом пред Тобо́ю, / ниже́ соблюдо́хом, ниже́ сотвори́хом, / я́коже запове́дал еси́ нам, / но не преда́ждь нас до конца́, / отце́в Бо́же. Видео-иллюстрация (нажмите)

Три ю́ноши / не опали́ дре́вле возвыша́емый пла́мень, / неща́дно мя зной к тле́нию положи́. / Но, я́ко о́ныя изба́вил еси́ сия́нием Твои́м, / пою́щаго с ни́ми спаси́ мя: / благослове́н еси́, Бо́же оте́ц на́ших. Видео-иллюстрация (нажмите)

В Вавило́не плене́ннии тричи́сленнии / числе́нием царю́ беззако́нному проти́вишася, / поклоне́нию о́браза душетли́тельнаго позлаще́ннаго. / Те́мже, не покори́вшеся, / в пещь о́гненную вве́ржени бы́ша и, пою́ще, поя́ху: / оте́ц Бо́же, благослове́н еси́. Видео-иллюстрация (нажмите)

В пусты́ни купину́, неопа́льно горя́щую, / обра́зно евре́йскую пещь пропису́ющу показа́, / и Де́вы о́браз явля́яй, / чуде́с Бо́же и Препросла́вленный. Видео-иллюстрация (нажмите)

Песнь 8

Из пла́мене преподо́бным ро́су источи́л еси́ / и пра́веднаго же́ртву водо́ю попали́л еси́: / вся бо твори́ши, Христе́, то́кмо е́же хоте́ти. / Тя превозно́сим во вся ве́ки. Видео-иллюстрация (нажмите)

В Великий Четверток:

За зако́ны оте́ческия / блаже́ннии в Вавило́не ю́ноши, предбе́дствующе, / царю́ющаго оплева́ша повеле́ние безу́мное / и, совоку́плени, и́мже не свари́шася огне́м, / Держа́вствующему досто́йную воспева́ху песнь: / Го́спода по́йте, дела́, и превозноси́те во вся ве́ки. Видео-иллюстрация (нажмите)

В Великий Пяток:

Столп зло́бы богопроти́вныя / Боже́ственнии о́троцы обличи́ша, / на Христа́ же шата́ющееся беззако́нных собо́рище / сове́тует тще́тная, / уби́ти поуча́ется / Живо́т держа́щаго дла́нию. / Его́же вся тварь благослови́т, / сла́вящи во ве́ки. Видео-иллюстрация (нажмите)

В Великую Субботу:

Ужасни́ся, боя́йся, Не́бо, / и да подви́жатся основа́ния земли́: / се бо в мертвеце́х вменя́ется в Вы́шних Живы́й / и во Гроб мал странноприе́млется. / Его́же, о́троцы благослови́те, свяще́нницы, воспо́йте, / лю́дие, превозноси́те во вся ве́ки. Видео-иллюстрация (нажмите)

Осмогласника:

Преподо́бнии Твои́ о́троцы / в пещи́ Херуви́мы подража́ху, / Трисвяту́ю песнь воспева́юще: / благослови́те, по́йте и превозноси́те во вся ве́ки. Видео-иллюстрация (нажмите)

Отроко́в песнь воспои́м Христу́, / пою́ще с ни́ми: / да благослови́т вся тварь Го́спода / и превозно́сит во вся ве́ки. Видео-иллюстрация (нажмите)

Его́же во́инства Небе́сная сла́вят, / и трепе́щут Херуви́ми и Серафи́ми, / вся́ко дыха́ние и тварь, / по́йте, благослови́те и превозноси́те во вся ве́ки. Видео-иллюстрация (нажмите)

Мусики́йскаго согла́сия небре́гше, о́троцы / песнь Боже́ственную из пла́мене воспева́ху, глаго́люще: / свяще́нницы, благослови́те, лю́дие, коле́на и язы́цы, / превозноси́те Го́спода. Видео-иллюстрация (нажмите)

Бо́га Отца́ Соде́теля, / Единосу́щна Сы́на и Бо́жия Ду́ха / в пла́мени ю́ноши / пе́ти повелева́ются: / да благослови́т Го́спода вся тварь / и превозно́сит во вся ве́ки. Видео-иллюстрация (нажмите)

Мучи́телеву златослия́нному столпу́, я́ко сопротивобо́жному истука́ну, / не поклони́шася о́троцы Сио́нстии, / но, Богохрани́ми, перси́йскую пещь я́ко травни́к, непщева́ху / и пла́мень, я́ко ороша́ющий о́блак, / и, лику́юще, поя́ху: / благослови́те, творе́ния вся, Го́спода. Видео-иллюстрация (нажмите)

Угрожа́яй царь иногда́ ю́ношам / пещь угото́ва / и непови́нным повеле́ вве́рженным бы́ти, / испове́дающим Бо́га препросла́вленнаго, / Его́же благословя́т творе́ния / всея́ тва́ри во ве́ки. Видео-иллюстрация (нажмите)

Си́ла та́инственная / в Вавило́не явля́ется, / о́троки в пла́мени Боже́ственным Ду́хом ороша́ющи / и мучи́телеву горды́ню попаля́ющи. / Те́мже вопия́ху благоче́стно: / благослови́те, дела́ Госпо́дня, Го́спода. Видео-иллюстрация (нажмите)

Царю́ веко́в, Христу́, / песнь рцем отроко́в, ве́рнии: / благослови́те, / вся дела́ Госпо́дня, Го́спода. Видео-иллюстрация (нажмите)

Прохлажде́й горя́щую пещь, Бо́же, / и о́троки же невреди́мы сохрани́в, / Тебе́ воспева́ющия: / свяще́нницы, по́йте и превозноси́те Его́ во ве́ки. Видео-иллюстрация (нажмите)

Песнь 9

Бо́га челове́ком невозмо́жно ви́дети, / на Него ́же не сме́ют чи́ни А́нгельстии взира́ти; / Тобо́ю бо, Всечи́стая, яви́ся челове́ком / Сло́во воплоще́нно, / Его́же велича́юще, / с Небе́сными во́и Тя ублажа́ем. Видео-иллюстрация (нажмите)

В Великий Четверток:

Стра́нствия Влады́чня / и Безсме́ртныя Трапе́зы / на Го́рнем ме́сте высо́кими умы́, / ве́рнии, прииди́те, наслади́мся, / возше́дша Сло́ва, от Сло́ва научи́вшеся, / Его́же велича́ем. Видео-иллюстрация (нажмите)

В Великий Пяток:

Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем. Видео-иллюстрация (нажмите)

В Великую Субботу:

Не рыда́й Мене́, Ма́ти, / зря́щи во Гро́бе, / Его́же во чре́ве без се́мене зачала́ еси́, Сы́на: / воста́ну бо, и просла́влюся, / и вознесу́ со сла́вою непреста́нно я́ко Бог, / ве́рою и любо́вию Тя велича́ющия. Видео-иллюстрация (нажмите)

Осмогласника:

Е́же ра́дуйся / от А́нгела прии́мшая / и ро́ждшая Созда́теля Своего́, / Де́во, спаси́ Тя велича́ющия. Видео-иллюстрация (нажмите)

Ве́чное обре́тше избавле́ние, / от пра́отца Ада́ма свы́ше рожде́нное, / ро́ду стра́шнаго изрече́ния, / рождество́ со Безпло́тными / непостижи́мое славосло́вим, / Богоро́дицу Тя пе́сньми велича́юще. Видео-иллюстрация (нажмите)

Ра́дуйся, Честна́я Всесвята́я Ма́ти Де́во, / Еди́ на Всепе́тая, / Тя сла́вит вся тварь, / Ма́терь Све́та. Видео-иллюстрация (нажмите)

Безсе́меннаго зача́тия рождество́ несказа́нное, / Ма́тере безму́жныя Нетле́нен Плод, / Бо́жие бо рожде́ние обновля́ет естества́. / Те́мже Тя, вси ро́ди, / я́ко Богоневе́стную Ма́терь, / правосла́вно велича́ем. Видео-иллюстрация (нажмите)

Сло́вом Сло́во Еди́на ро́ждшая / ерети́ческая уста́ загради́ злоре́чивая: / и́но но́во Не́бо, неокра́домый рай, Пречи́стая, / Тя велича́ем. Видео-иллюстрация (нажмите)

Велича́ем Тя, вси ро́ди, / Богоро́дице Де́во, / исто́чник живота́ на́шего. Видео-иллюстрация (нажмите)

Се врата́, / се гора́ свята́я, / се де́вствующая Ма́ти, / Ю́же велича́ем. Видео-иллюстрация (нажмите)

Слы́ши, Дщи, и виждь, и приклони́ у́хо Твое́, / и возжела́ет Царь добро́ты Твое́й: / и́бо вся сла́ва Твоя́, Де́во, отвну́трь, / я́ко заче́нши Созда́теля Твоего́. / Те́мже, бога́тии лю́дстии, лицу́ Твоему́ моля́щеся, / Тя велича́ем. Видео-иллюстрация (нажмите)

Ма́терними объя́тии, Честна́я, / носи́ла еси́ Седя́щаго на Херуви́мех / и Сего́ сосцепита́еши, / за кра́йнюю вся́кую бла́гость во Ада́мов о́браз вообразу́ющася. / Те́мже, соше́дшеся, челове́ческое собра́ние, / и Тя, ро́ждшую Свет ми́ра, велича́ем. Видео-иллюстрация (нажмите)

Безсе́менно ро́ждшую Еди́наго от Тро́ицы, / на́ше все без нетле́ния взе́мша, / Ему́же оте́чества язы́ков покланя́ются, / Де́во, Тя велича́ем. Видео-иллюстрация (нажмите)

Купину́ у́мную, / дре́вле на горе́ я́вльшуюся Моисе́ю, неопа́льно горя́щу, / Пречи́стую и Святу́ю Де́ву / согла́сно пе́сньми велича́ем. Видео-иллюстрация (нажмите)