Учим ирмосные гласы

Ма́нием Твои́м на земны́й о́браз преложи́ся / пре́жде удоборазлива́емое водно́е естество́, Го́споди. / Те́мже, немо́кренно пешеше́ствовав, Изра́иль / пое́т Тебе́ песнь побе́дную. Видео-иллюстрация (нажмите)

В неделю 8-ю:

По́нтом покры́ фарао́на с колесни́цами / Сокруша́яй бра́ни мы́шцею высо́кою, / пои́м Ему́, я́ко просла́вися. Видео-иллюстрация (нажмите)

Осмогласника:

Поспе́шествовавшему Бо́гу во Еги́пте Моисе́ови, / извести́ Изра́иля, / Тому́ Еди́ному пои́м, / я́ко просла́вися. Видео-иллюстрация (нажмите)

Сокруши́вшему бра́ни мы́шцею Свое́ю / и вса́дники триста́ты погрузи́вшему, / пои́м Ему́, я́ко Изба́вителю на́шему Бо́гу, / я́ко просла́вися. Видео-иллюстрация (нажмите)

Истря́сшему Бо́гу / фарао́на в мо́ри Чермне́м / песнь побе́дную пои́м, / я́ко просла́вися. Видео-иллюстрация (нажмите)

От струй Чермна́го / сте́ну сотво́ршему лю́дем / и покры́вшему глубино́ю фарао́на со всево́инством, / пои́м Го́сподеви, сла́вно бо просла́вися. Видео-иллюстрация (нажмите)

Погрузи́вшему фарао́на / в Чермне́м мо́ри / побе́дную песнь пои́м, / я́ко просла́вися. Видео-иллюстрация (нажмите)

Моисе́йский жезл Боже́ственною си́лою / Чермно́е про́йде мо́ре / и проведе́ лю́ди, пою́щия и глаго́лющия: / пои́м Ди́вному Бо́гу на́шему побе́дную песнь, / я́ко просла́вися. Видео-иллюстрация (нажмите)

Пои́м Го́сподеви, / погрузи́вшему всю си́лу фарао́нову в мо́ри, / побе́дную песнь, / я́ко просла́вися. Видео-иллюстрация (нажмите)

Изме́ншему Бо́гу Изра́иля / от мо́ря Чермна́го / побе́дную песнь пои́м, / я́ко просла́вися. Видео-иллюстрация (нажмите)

Песнь 2

Лю́дие, внемли́те Бо́жию снизхожде́нию, / я́ко от Де́вы Святы́я роди́ся, я́ко благоволи́, / Тому́ дади́м сла́ву и хвале́ние. Видео-иллюстрация (нажмите)

Ви́дите, ви́дите, я́ко Аз есмь Бог ваш, / две́ри Небе́сныя отверзы́й / и одожди́вый ма́нну лю́дем избра́нным, / я́ко возмо́жна Мне вся: / творю́ бо, ели́ка хощу́. Видео-иллюстрация (нажмите)

Вонми́, Не́бо, и возглаго́лю, / и воспою́ Христа́, / Спа́са ми́ра, Еди́наго Человеколю́бца. Видео-иллюстрация (нажмите)

Песнь 3

В нача́ле Небеса́ всеси́льным сло́вом Твои́м / утвержде́й, Го́споди Спа́се, / и Вседе́тельным и Бо́жиим Ду́хом всю си́лу их, / на недви́жимем мя ка́мени испове́дания Твоего́ утверди́. Видео-иллюстрация (нажмите)

В неделю 8-ю:

С высоты́ Си́лою, ученико́м, Христе́, / до́ндеже облеце́теся, рекл еси́, / седи́те во Иерусали́ме: / Аз же я́ко Мене́, Уте́шителя ино́го, / Ду́ха Моего́ же и О́тча послю́, / в Не́мже утвердите́ся. Видео-иллюстрация (нажмите)

Осмогласника:

Утверди́ся се́рдце мое́ в Го́споде, / вознесе́ся рог мой в Бо́зе мое́м, / разшири́шася на враги́ моя́ уста́ моя́, / возвесели́хся о спасе́нии Твое́м. Видео-иллюстрация (нажмите)

Утверди́ся ве́рою Христо́ва Це́рковь, / и́бо непреста́нно пе́сньми вопие́т, пою́щи: / Свят еси́, Го́споди, / и Тя пое́т дух мой. Видео-иллюстрация (нажмите)

Небеса́ утверди́вый сло́вом / и земно́е основа́ние укрепи́вый на вода́х мно́гих, / утверди́ мой ум в во́лю Твою́, / Человеколю́бче. Видео-иллюстрация (нажмите)

На вода́х зе́млю основа́вый, / Сло́ве, Христе́ Бо́же, / и на́ша сердца́ сла́вити Тя утверди́. Видео-иллюстрация (нажмите)

Утверди́ мя, Христе́, к Твоему́ славосло́вию / и укрепи́ пе́ти А́ннину песнь Тебе́, поя́ во всех: / Свят еси́, Го́споди, содержа́й вся. Видео-иллюстрация (нажмите)

В Правосла́вной ве́ре испове́дания / утверди́ мя, Го́споди, / да не подви́гнет мя враг до конца́. Видео-иллюстрация (нажмите)

И́же от Безнача́льнаго Отца́, Сло́ве, / Сы́не Единоро́дный, / просвети́ сердца́ на́ша. Видео-иллюстрация (нажмите)

Утвержде́ние мне бу́ди, / сло́вом утверди́вый Небеса́ / и укрепи́вый зе́млю на вода́х, / и изба́ви, я́ко Бог, от вся́каго обстоя́ния. Видео-иллюстрация (нажмите)

В мокрота́х тя́жестну зе́млю укрепи́вый, Всеси́льне, водны́х / и Небеса́ на ничесо́м сло́вом воздрузи́вый, / вну́тренняго сляче́наго моего́ страстьми́ челове́ка возвлеки́й, Христе́, / на недви́жимом Твоея́ ве́ры ка́мени утверди́. Видео-иллюстрация (нажмите)

Песнь 4

О́тча не́дра не оста́вль / и соше́д на зе́млю, Христе́ Бо́же, / та́йну услы́шах смотре́ния Твоего́ / и просла́вих Тя, Еди́не Человеколю́бче. Видео-иллюстрация (нажмите)

В неделю 8-ю:

Смотря́яй проро́к в после́дняя / Твое́, Христе́, прише́ствие, вопия́ше: / Твою́ услы́шах, Го́споди, си́лу, / я́ко вся спасти́ пома́занныя Твоя́ прише́л еси́. Видео-иллюстрация (нажмите)

Осмогласника:

Покры́ла есть Небеса́, Христе́ Бо́же, / смотре́нием Твои́м доброде́тель неизрече́нныя му́дрости Твоея́, / Человеколю́бче. Видео-иллюстрация (нажмите)

Услы́шах слух Твой / и убоя́хся, / разуме́х дела́ Твоя́ / и ужасо́хся, Го́споди. Видео-иллюстрация (нажмите)

Плотско́е прише́ствие Твое́, Христе́, уверя́я, / проро́к Авваку́м взыва́ше: / сла́ва си́ле Твое́й, Го́споди. Видео-иллюстрация (нажмите)

Услы́шах слух Твой, Го́споди, / я́ко яви́лся еси́ на земли́, / за е́же спасти́ ны, / тем вопие́м: сла́ва си́ле Твое́й, Го́споди. Видео-иллюстрация (нажмите)

Услы́шах слух Твой и убоя́хся, Го́споди, / разуме́х дела́ Твоя́ и ужасо́хся, / я́ко Кресто́м Твои́м разруши́л еси́ смерть, / Живо́т нам дарова́вый. Видео-иллюстрация (нажмите)

Небеса́ покры́ла есть / доброде́тель Твоя́, Го́споди, / и Твоего́ хвале́ния вся испо́лнил еси́: / сла́ва си́ле Твое́й, Человеколю́бче. Видео-иллюстрация (нажмите)

Боже́ственным предъявле́нне Авваку́м очи́стився Ду́хом, / между́ двою́ живо́тну прише́ствие Твое́ пропове́да; / тре́петом же содержи́мь, Христе́ мой, / слух ди́вных Твои́х услы́шав, / взыва́ше, убоя́хся. Видео-иллюстрация (нажмите)

Песнь 5

Нощь не светла́ неве́рным, Христе́, / ве́рным же просвеще́ние в сла́дости слове́с Твои́х. / Сего́ ра́ди к Тебе́ у́тренюю / и воспева́ю Твое́ Божество́. Видео-иллюстрация (нажмите)

В неделю 8-ю:

Стра́ха ра́ди Твоего́ зача́тый, Го́споди, / во чре́ве проро́ков / и рожде́нный на земли́ Дух спасе́ния / апо́стольская сердца́ созида́ет чи́ста, /и в ве́рных пра́вый обновля́ется, / свет бо и мир зане́ Твоя́ повеле́ния. Видео-иллюстрация (нажмите)

Осмогласника:

У́тренююще, Сло́ве, в сла́ву Твою́ и хвалу́, / восхваля́ем непреста́нно о́браз Креста́ Твоего́, / его́же дал еси́ нам / ору́жие в по́мощь. Видео-иллюстрация (нажмите)

Разгна́вый нощь страстну́ю, / возсия́й ми Свет у́мный, / началоро́дную тьму отгна́в бе́здны / и первозда́нный Свет возсия́вый ми́ру, Соде́телю всех. Видео-иллюстрация (нажмите)

Го́споди Бо́же мой, / от но́щи у́треневав, Тебе́ молю́ся: / пода́ждь ми оставле́ние прегреше́ний мои́х / и к све́ту Твои́х повеле́ний / пути́ моя́ напра́ви, молю́ся. Видео-иллюстрация (нажмите)

У́тренюет дух мой к Тебе́, Бо́же, / зане́ Свет еси́ и Твоя́ повеле́ния бы́ша / исцеле́ния рабо́м Твои́м, / Человеколю́бче. Видео-иллюстрация (нажмите)

Све́та мне́нием / ко тьме низри́нувшая помрачи́ся пре́лесть: / Свет бо, вои́стинну Непристу́пный и И́стинный, Богоявле́ния возсия́. / Те́мже Боже́ствен не, от но́щи у́тренююще, / песнь воспева́ем. Видео-иллюстрация (нажмите)

Роса́, я́же от Тебе́, Христе́ Бо́же, / исцеле́ние ве́рным нам яви́ся: / земли́ же нече́ствующих злочести́во паде́ние обеща́ется, / те́мже, от но́щи у́тренююще, / песнь Ти прино́сим. Видео-иллюстрация (нажмите)

Но́щию мя страсте́й помраче́ннаго, / озари́, Све́те Непристу́пный, воздви́жима, / да, у́тренюя, зову́ Ти: / свет и мир повеле́ния Твоя́. Видео-иллюстрация (нажмите)

К Тебе́ у́тренюю / и Тебе́ вопию́, Благоутро́бне Го́споди: / омраче́нную грехми́ ду́шу мою́, / све́том озари́в за́поведей Твои́х, наста́ви. Видео-иллюстрация (нажмите)

Песнь 6

Ио́на из чре́ва а́дова вопия́ше: / возведи́ от тли живо́т мой. / Мы же Тебе́ вопие́м: / Всеси́льне Спа́се, поми́луй нас. Видео-иллюстрация (нажмите)

В неделю 8-ю и в воскресение:

Пла́вающаго в молве́ жите́йских попече́ний, / с корабле́м потопля́ема грехи́ / и душетле́нному зве́рю примета́ема, / я́ко Ио́на, Христе́, вопию́ Ти: / из смертоно́сныя глубины́ возведи́ мя. Видео-иллюстрация (нажмите)

Осмогласника:

Во глубину́ грехо́вную впа́дся, Бла́же, / я́ко Ио́на от ки́та, вопию́ Ти: / возведи́ от тли живо́т мой / и спаси́ мя, Человеколю́бче. Видео-иллюстрация (нажмите)

Из глубины́ возве́л еси́ Ио́ну, проро́ка Твоего́, Го́споди, / и мене́, вопию́ща / из глубины́ безме́рных мои́х прегреше́ний, / возведи́, Ми́лостиве, я́ко Человеколю́бец. Видео-иллюстрация (нажмите)

Возопи́х, Го́споди, / внегда́ скорбе́ти ми к Тебе́, / и возве́л еси́ живо́т мой, / Многоми́лостиве. Видео-иллюстрация (нажмите)

Возопи́х, Го́споди, / внегда́ скорбе́ти ми к Тебе́, / углебо́х бо в тиме́нии / глубины́ прегреше́ний мно́гих, / и, я́влься, возведи́ мя от тли. Видео-иллюстрация (нажмите)

Возопи́х, Го́споди, / внегда́ скорбе́ти ми, / и спасо́хся, и воспою́ Тя, / Спа́са моего́. Видео-иллюстрация (нажмите)

От мно́жества прегреше́ний мои́х, / я́ко Ио́ну от ки́та, изба́ви мя, / Еди́не Человеколю́бче. Видео-иллюстрация (нажмите)

Песнь 7

Пещь о́троцы огнепа́льну, / дре́вле росоточа́щу, показа́ша, / Еди́наго Бо́га воспева́юще и глаго́люще: / превозноси́мый отце́в Бог и препросла́влен. Видео-иллюстрация (нажмите)

В неделю 8-ю:

В пещь о́гненную вве́ржени, преподо́бнии о́троцы / огнь в ро́су преложи́ша, / воспева́нием си́це вопию́ще: / благослове́н еси́, Го́споди / Бо́же оте́ц на́ших. Видео-иллюстрация (нажмите)

Осмогласника:

Пещь горя́щую ороси́л еси́, Спа́се, / о́троки спасл еси́, пою́щия и глаго́лющия: / благослове́н еси́ во ве́ки, Го́споди, / Бо́же оте́ц на́ших. Видео-иллюстрация (нажмите)

Су́щим в пещи́ отроко́м Твои́м, Спа́се, / не прикосну́ся, ниже́ стужи́ огнь, / тогда́ трие́, я́ко еди́неми усты́, поя́ху / и благословля́ху, глаго́люще: / благослове́н еси́, Бо́же оте́ц на́ших. Видео-иллюстрация (нажмите)

В пещи́ обличи́л еси́, я́влься, / перси́йское безу́мное златотво́рное игра́ние. / Те́мже о́троцы, позна́вше Тя, неизме́ннаго о́браза О́тча, / благослове́н еси́, зовя́ху, / Бо́же оте́ц на́ших. Видео-иллюстрация (нажмите)

А́нгелом о́троки в пещи́ спасы́й / и пла́мень в ро́су им преложи́вый, / благослове́н еси́, Го́споди, / Бо́же оте́ц на́ших. Видео-иллюстрация (нажмите)

Херуви́мов Обузда́телю и Созда́телю всех, / о́троки в пещи́ спасы́й, / благослове́н еси́ во ве́ки, Го́споди, / Бо́же оте́ц на́ших. Видео-иллюстрация (нажмите)

Мучи́телева повеле́ния о́троцы не послу́шаша, / пе́щи не убоя́шася, Бо́гу же воспева́ху: / отце́в Бо́же, благослове́н еси́. Видео-иллюстрация (нажмите)

В пещи́ су́ще халде́йстей / авраа́мстии о́троцы / ликова́ху со А́нгелом, глаго́люще: / оте́ц на́ших Бо́же, благо слове́н еси́. Видео-иллюстрация (нажмите)

Песнь 8

В пещи́ о́троки подража́юще, / духо́вную ро́су прие́мшии, ве́рою зове́м: / благослови́те, дела́ Госпо́д ня, Го́спода. Видео-иллюстрация (нажмите)

В неделю 8-ю и в воскресение:

Неопа́льная огню́ в Сина́и / прича́щшаяся купи на́ Бо́га яви́ / медленноязы́чному и гугни́вому Моисе́ови, / и о́троки ре́вность Бо́жия три непребори́мыя во огни́ певцы́ показа́: / вся дела́ Госпо́дня, Го́спода по́йте / и превозноси́те во вся ве́ки. Видео-иллюстрация (нажмите)

Осмогласника:

Еди́наго Безнача́льнаго Царя́ Сла́вы, / Его́же благословя́т Небе́сныя Си́лы / и трепе́щут Чи́ни А́нгельстии, / по́йте, свяще́нницы, / лю́дие, превозноси́те Его́ во ве́ки. Видео-иллюстрация (нажмите)

А́нгельми немо́лчно в Вы́шних сла́вимаго Бо́га, / Небеса́ небе́с, земля́, и го́ры, и хо́лми, и глубина́, / и весь род челове́ческий, / пе́сньми Того́, я́ко Созда ́теля и Изба́вителя, благослови́те. Видео-иллюстрация (нажмите)

Всех Зижди́теля / и Спа́са душ на́ших, / по́йте, лю́дие, Христа́ Бо́га на́шего / и превозноси́те Его́ во ве́ки. Видео-иллюстрация (нажмите)

Го́спода, вся дела́, благослови́те, / я́ко Зижди́те ля и Творца́ всех. Видео-иллюстрация (нажмите)

О́троцы зовя́ху, в пещи́ ороше́ни: / тварь да благослови́т вся́ческая / сло́вом Созда́вшаго / и превозно́сит Его́ во ве́ки. Видео-иллюстрация (нажмите)

Вои́стинну Су́щаго Бо́га / и всех существа́ Вино́внаго, / Христа́ превозно́сим / и славосло́вим во вся ве́ки. Видео-иллюстрация (нажмите)

Пещь, дре́вле огне́м опаля́емую, / Богочести́вии попра́ша о́троцы, / не бо стра́ху мучи́телеву покори́шася, / но, любо́вию же, па́че Богоче́стия, пали́ми, глаго́лаху: / благослови́те, вся дела́ Госпо́дня, Го́спода. Видео-иллюстрация (нажмите)

Стра́шнаго Херуви́мом, / и чу́днаго Серафи́мом, и ми́ру Творца́, / свяще́нницы, и раби́, и ду́си пра́ведных, / по́йте, благослови́те / и превозноси́те Его́ во ве́ки. Видео-иллюстрация (нажмите)

Песнь 9

Па́че естества́ Ма́терь и по естеству́ Де́ву, / Еди́ну в жена́х Благослове́нную, / пе́сньми, ве́рнии, Богоро́дицу велича́ем. Видео-иллюстрация (нажмите)

В неделю 8-ю и в воскресение:

Нетле́ния искуше́нием ро́ждшая / и всехитрецу́ Сло́ву плоть взаимода́вшая, / Ма́ти Неискусому́жная, Де́во Богоро́дице, / Прия́телище Нестерпи́маго, / Село́ Невмести́маго Зижди́теля Твоего́, / Тя велича́ем. Видео-иллюстрация (нажмите)

Осмогласника:

Всепе́тая, Небе́с превы́шшая, / Безнача́льное Сло́во безсе́менно заче́ншая / и Воплоще́ннаго Бо́га ро́ждшая челове́ком, / тем Тя вси велича́ем. Видео-иллюстрация (нажмите)

Ма́ти Бо́жия и Де́ва, / ро́ждшая и де́вствующая па́ки, / не естества́ де́ло, но Бо́жия снизхожде́ния: / тем, я́ко Еди́ну, Бо́жиих чуде́с сподо́бльшуюся, / Тя при́сно велича́ем. Видео-иллюстрация (нажмите)

Воплоще́ннаго Сло́ва безсе́менно от Тебе́ / Боголе́пно родила́ еси́, / Де́во Богоро́дице, / и Тя велича́ем. Видео-иллюстрация (нажмите)

Безсе́менно Рождества́ зача́тие кто ска́жет от челове́к? / Нетле́ннаго Рождества́ рожде́нию кто не почуди́тся от земноро́дных? / Тем Тя, племена́ земна́я, / Богоро́дице, велича́ем. Видео-иллюстрация (нажмите)

Тя, Ски́нию Святу́ю, Одушевле́нный Ковче́г, / Ю́же Прему́дрость Бо́жия созда́, / И́стинную Богоро́дицу, / пе́сньми велича́ем. Видео-иллюстрация (нажмите)

Тя, Пречи́стую Ма́терь и Де́ву, / Невмести́мое Сло́во во утро́бу вмести́вшую / и Роди́вшую пло́тию, / пе́сньми велича́ем. Видео-иллюстрация (нажмите)

Ра́дуйся, Неве́сто све́тлая, / Ма́ти Светода́вца; / ра́дуйся, вмести́вшая Невмести́маго во утро́бе Твое́й; / ра́дуйся, саме́х Херуви́мов Честне́йшая, / ро́ждшая Спа́са душ на́ших. Видео-иллюстрация (нажмите)