РЕГЕНТСКИЕ И ПЕВЧЕСКИЕ КУРСЫ

КОЛОБАНОВА АЛЕКСЕЯ ВЛАДИМИРОВИЧА

НАМ 10 ЛЕТ!

Сайт REGENTZAGOD.RU - наш основной и единственный сайт; исторический - regentzagod.com - закрыт.

-----

ОТКРЫТА РЕГИСТРАЦИЯ на курсы (очные/дистанционные): регентские, подготовительно-певческие, сольфеджио - с началом обучения в январе 2023 года.

Подробнее о курсах здесь (нажмите); форма заявки здесь; оплата (до 30 декабря) здесь.

-----

Видео запись концерта памяти прот. Александра Куликова - "Всенощное бдение - "Лето Господне""

-----

Полезное обучающее видео - здесь.

***Размещение ссылок на наше видео на других ресурсах запрещено.

 

СЕРВИС ИЗУЧЕНИЯ ИРМОСНЫХ ГЛАСОВ:

(Приобрести полный нотный ирмологий можно ЗДЕСЬ). 

Ирмологий, с Богом Святым, обдержа́й вся ирмосы́ осмогласника,

Владычних же и Богоматере праздников и всего лета

Оглавление:

Глас 1: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 2: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 3: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 4: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 5: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 6: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 7: песнь 1песнь 2песнь 3песнь 4песнь 5песнь 6песнь 7песнь 8песнь 9.

Глас 8: песнь 1песнь 2песнь 3песнь 4песнь 5песнь 6песнь 7песнь 8песнь 9.

 

ГЛАС 8

Песнь 1

     Колесницегони́теля фарао́ня погрузи́ / чудотворя́й иногда́ / Моисе́йский жезл, крестообра́зно порази́в / и раздели́в мо́ре, / Изра́иля же беглеца́, пешехо́дца спасе́, / песнь Бо́гови воспева́юща. Видео-иллюстрация (нажмите)

В Воздвижение Честнаго Креста:

     Крест начерта́́в, Моисе́й / впря́мо жезло́м Чермно́е пресече́ / Изра́илю пешеходя́щу; / то́же обра́тно фарао́новым колесни́цам, уда́рив, совокупи́, / вопреки́ написа́в непобеди́мое ору́жие. / Тем Христу́ пои́м, Бо́гу на́шему, я́ко просла́вися. Видео-иллюстрация (нажмите)

Осмогласника и Преображения:

     Во́ду проше́д, я́ко су́шу, / и еги́петскаго зла избежа́в, / изра́ильтянин вопия́ше: / Изба́вителю и Бо́гу на́шему пои́м. Видео-иллюстрация (нажмите)

     Посече́нный несеко́маго пресече́, / и ви́де со́лнце зе́млю, ю́же не ви́де; / лю́таго врага́ вода́ потопи́, / и не проходи́мое про́йде Изра́иль. / Песнь же воспева́шеся: / Го́сподеви пои́м, сла́вно бо просла́вися. Видео-иллюстрация (нажмите)

     Проро́чески Богови́дец Богоро́дицы о́браз зряй, / немо́кренными нога́ми Чермну́ю про́йде пучи́ну / и, игра́я, вопия́ше: / пои́м побе́дную песнь Го́сподеви, я́ко просла́вися. Видео-иллюстрация (нажмите)

     Пои́м Го́сподеви, / прове́дшему лю́ди Своя́ сквозе́ Чермно́е мо́ре, / я́ко Еди́н сла́вно просла́вися. Видео-иллюстрация (нажмите)

     Пои́м Го́сподеви, вси лю́дие, / в мо́ри Чермне́м фарао́на погрузи́вшему, / побе́дную песнь пою́ще, я́ко просла́вися. Видео-иллюстрация (нажмите)

     Изра́иля от рабо́ты изба́вил еси́, Го́споди, / десни́цею Твое́ю держа́вною, / я́ко о́наго спасл еси́, / ны́не нас спаси́. Видео-иллюстрация (нажмите)

     Песнь возсле́м, лю́дие, / чу́дному Бо́гу на́шему, / свободи́вшему Изра́иля от рабо́ты, / песнь побе́дную пою́ще и вопию́ще, / пои́м Тебе́, Еди́ному Влады́це. Видео-иллюстрация (нажмите)

     Истря́сшему в мо́ри мучи́тельство фарао́не / и Изра́иля су́шею наста́вльшему, / пои́м Христу́, я́ко просла́вися во ве́ки. Видео-иллюстрация (нажмите)

На Рождество Богородицы:

      Сокруши́вшему бра́ни мы́шцею Свое́ю / и прове́дшему Изра́иля сквозе́ Чермно́е мо́ре, / пои́м Ему́, я́ко Изба́вителю на́шему Бо́гу, / я́ко просла́вися. Видео-иллюстрация (нажмите)

     Пои́м Бо́гу, от го́рькия рабо́ты фарао́новы изба́вльшему Изра́иля / и о́гненным столпо́м и све́тлым о́блаком наста́вльшему, / я́ко просла́вися. Видео-иллюстрация (нажмите)

В среду Преполовения:

       Мо́ре огусти́л еси́, / погрузи́вый со ору́жием го́рдаго фарао́на, / и лю́ди спасл еси́ немо́кренно, Го́споди, / и ввел еси́ я́ в Го́ру Святы́ни, вопию́щия: / пои́м Тебе́, Бо́гу на́шему, / песнь побе́дную, я́ко просла́вися. Видео-иллюстрация (нажмите)

       В Чермне́м фарао́на с колесни́цами погрузи́л еси́ / и лю́ди Моисе́ом спасл еси́, / пою́щия Тебе́, Го́споди, песнь побе́дную, / я́ко Изба́вителю на́шему Бо́гу. Видео-иллюстрация (нажмите)

     Пресла́вный в мо́ри устро́ивый лю́дем путь, / Небе́сное нам ше́ствие проходи́мо сотвори́, / да но́вую песнь пои́м Тебе́, Го́споди. Видео-иллюстрация (нажмите)

     Внеза́пу дре́вле мо́ре Изра́иль, / я́ко в пусты́ни, ного́ю пра́шною проше́д, вопия́ше: / Го́сподеви Бо́гу на́шему, кре́пкому в бра́нех, / пои́м песнь но́вую. Видео-иллюстрация (нажмите)

     Ди́вному Бо́гу вели́чия принесе́м, / и великоле́пно с на́ми / да воспое́т земля́ и не́бо я́сно сла́ву Его́. Видео-иллюстрация (нажмите)

 

Песнь 2

    Вонми́, Не́бо, и возглаго́лю, / и воспою́ Христа́, / от Де́вы ро́ждшагося во спасе́ние на́ше. Видео-иллюстрация (нажмите)

     Ви́дите, ви́дите, / я́ко Аз есмь Бог ваш, / пре́жде век рожде́нный от Отца́, / и от Де́вы в после́дняя без му́жа заче́ншийся, / и разруши́вый грех пра́отца Ада́ма, / я́ко Человеколю́бец. Видео-иллюстрация (нажмите)

    Ви́дите, ви́дите, / я́ко Аз есмь Бог, / расто́ргнувый Чермно́е мо́ре жезло́м Моисе́овым, / и проведы́й лю́ди, и наста́вивый я́, / и пита́вый в пусты́ни Сина́йстей, / и введы́й в Го́ру Святы́ни. Видео-иллюстрация (нажмите)

     Па́че ме́да и со́та / сла́ждшая словеса́ уст Мои́х, / научи́теся вопи́ти, глаго́лет Госпо́дь. Видео-иллюстрация (нажмите)

Во вторник 4-я Недели Великого поста:

      Ви́дите, ви́дите, / я́ко Аз есмь Бог, / дре́вле Изра́иля сквозе́ Чермно́е мо́ре проведы́й, / и пита́вый, и спасы́й, / и от го́рькия рабо́ты свободи́вый фарао́новы. Видео-иллюстрация (нажмите)

     Ви́дите, ви́дите, / я́ко Аз есмь Бог ваш, / в ми́лости Бога́тый / и Благи́й в щедро́тах, / изба́вивый лю́ди от пре́лести / и рабо́ты безбо́жных враго́в. Видео-иллюстрация (нажмите)

     Небеса́ простры́й и зе́млю основа́вый, Христе́, / вонми́ моле́нию моему́, / я́ко И́мя Твое́ ди́вное призва́х, / Человеколю́бче. Видео-иллюстрация (нажмите)

Во вторник 2-я Недели Великого поста:

      Ви́дите, ви́дите, / я́ко Аз есмь Бог ваш, / освяти́вый нача́ток вам прия́тен, / от дней всего́ ле́та одеся́тствование, / и сие́ дав лю́дем Мои́м во избавле́ние страсте́й, / во спасе́ния нача́ло. Видео-иллюстрация (нажмите)

В понедельник Страстныя недели, на повечерии:

     Вонми́, Не́бо, и возглаго́лю, / и воспою́ Христа́, / от Де́вы пло́тию прише́дшаго. Видео-иллюстрация (нажмите)

     Вонми́, Не́бо, и возглаго́лю, / и воспою́ Христа́, / Еди́наго Человеколю́бца. Видео-иллюстрация (нажмите)

 

Песнь 3

    Утвержде́й в нача́ле Небеса́ ра́зумом / и зе́млю на вода́х основа́вый, / на ка́мени мя, Христе́, за́поведей Твои́х утверди́, / я́ко несть свят, па́че Тебе́, / Еди́не Человеколю́бче. Видео-иллюстрация (нажмите)

Честнаго Креста:

     Жезл во о́браз та́йны прие́млется, / прозябе́нием бо предразсужда́ет свяще́нника; / неплодя́щей же пре́жде Це́ркви ны́не процвете́ / Дре́во Креста́ / в держа́ву и утвержде́ние. Видео-иллюстрация (нажмите)

Осмогласника и Преображения:

     Небе́снаго кру́га / Верхотво́рче, Го́споди, / и Це́ркве Зижди́телю, / Ты мене́ утверди́ в любви́ Твое́й, / жела́ний кра́ю, ве́рных утвержде́ние, / Еди́не Человеколю́бче. Видео-иллюстрация (нажмите)

На Рождество Богородицы и Преполовение:

      Утверди́ся се́рдце мое́ во Го́споде, / вознесе́ся рог мой в Бо́зе мое́м, / разшири́шася на враги́ моя́ уста́ моя́ / возвесели́хся о спасе́нии Твое́м. Видео-иллюстрация (нажмите)

     Утверди́ наш ум и сердца́, / Небеса́ сло́вом утвержде́й, / во е́же пе́ти и сла́вити Тя / во спасе́ние душ на́ших. Видео-иллюстрация (нажмите)

     Ты еси́ утвержде́ние / притека́ющих к Тебе́, Го́споди, / Ты еси́ Свет омраче́нных, / и пое́т Тя дух мой. Видео-иллюстрация (нажмите)

     Утвержде́й руко́ю Твое́ю, Сло́ве Бо́жий, Небеса́ / просвеще́нием Твоего́ и́стиннаго позна́ния, / утверди́ и нас, на Тя наде́ющихся сердца́. Видео-иллюстрация (нажмите)

     Утвержде́й, Сло́ве, Небеса́ сло́вом, / утверди́ наш ум и се́рдце, / во е́же сла́вити Тя, Спа́са душ на́ших. Видео-иллюстрация (нажмите)

     Утвержде́й сло́вом Небеса́ / и зе́млю основа́вый на вода́х мно́гих, / утверди́ мя к пе́нию славосло́вия Твоего́, Го́споди. Видео-иллюстрация (нажмите)

     Несть свят, я́ко Госпо́дь, / и несть пра́веден, я́ко Бог наш, / Его́же пое́т вся тварь: / несть пра́веден, па́че Тебе́, Го́споди. Видео-иллюстрация (нажмите)

    Лук си́льных изнемо́же, / и немощству́ющии препоя́сашася си́лою, / сего́ ра́ди утверди́ся в Го́споде се́рдце мое́. Видео-иллюстрация (нажмите)

     Сочини́ мя, Го́споди, / си́льным люде́й Твои́х, / опоясу́я си́лою, / и лу́ки ра́тников сокруши́, / и нищеты́ мое́й рог возвы́си. Видео-иллюстрация (нажмите)

   Страх Твой, Го́споди, / всади́ в сердца́ раб Твои́х / и бу́ди нам утвержде́ние, / Тя во и́стине призыва́ющим. Видео-иллюстрация (нажмите)

     Утверди́ мя, Го́споди, си́лою Кре́стною / и да́руй мне се́рдце чи́стое, / да о Тебе́ хвалю́ся, Бла́же. Видео-иллюстрация (нажмите)

     Утвержде́ние мое́, Спа́се, еси́, / прибе́жище мое́ и си́ла, / поколеба́вшееся се́рдце мое́ утверди́ в стра́се Твое́м, / я́ко несть свят, я́коже Ты, Бог наш. Видео-иллюстрация (нажмите)

     В Го́споде Бо́зе мое́м утверди́ся душа́ моя́ / и да хва́лится, глаго́лющи: / несть свят, несть пра́веден, / па́че Тебе́, Го́споди. Видео-иллюстрация (нажмите)

      Уподо́би мя, Христе́, у́мно горе́ Сио́нстей, / возвы́сивый и утверди́вый в наде́жди о Тебе́ / и иска́павый ро́су благода́ти, / Человеколю́бче. Видео-иллюстрация (нажмите)

      Утвержде́й на ка́мени ве́ры, / на сем сози́жду Мою́ Це́рковь, реки́й, Го́споди, / спаси́ мя, вопию́ща: / Ты еси́, Христе́, Сын Бо́га Жива́го, / и в Тебе́ утверди́ся дух мой. Видео-иллюстрация (нажмите)

    Утверди́ мя, Го́споди, / не́мощь мою́ ве́дый, / и ру́ку мне простри́, я́ко Всеси́лен. Видео-иллюстрация (нажмите)

 

Песнь 4

     Ты моя́ кре́пость, Го́споди, / Ты моя́ и си́ла, / Ты мой Бог, Ты мое́ ра́дование, / не оста́вль не́дра О́тча / и на́шу нищету́ посети́в. / Тем с проро́ком Авваку́мом зову́ Ти: / си́ле Твое́й сла́ва, Человеколю́бче. Видео-иллюстрация (нажмите)

Честнаго Креста:

      Услы́шах, Го́споди, / смотре́ния Твоего́ та́инство, / разуме́х дела́ Твоя́ / и просла́вих Твое́ Божество́. Видео-иллюстрация (нажмите)

Осмогласника и Преображения:

       Из пло́ти Твоея́ лучи́ Божества́ / исхожда́ху проро́ком и апо́столом. / Тем нача́льницы, пою́ще, взыва́ху: / сла́ва си́ле Твое́й, Го́споди. Видео-иллюстрация (нажмите)

     Из горы́ приосене́нныя, Сло́ве, проро́к, / еди́ныя Богоро́дицы, / хотя́ща воплоти́тися Богови́дно усмотри́ / и со стра́хом славосло́вяше си́лу Твою́. Видео-иллюстрация (нажмите)

     Услы́шах, Го́споди, слух Твой и убоя́хся, / я́ко неизрече́нным Сове́том, / Бог сый Присносу́щный, / от Де́вы проше́л еси́, вопло́щся. / Сла́ва снизхожде́нию Твоему́, Христе́, / сла́ва си́ле Твое́й. Видео-иллюстрация (нажмите)

     Всел еси́ на ко́ни, апо́столы Твоя́, Го́споди, / и прия́л еси́ рука́ма Твои́ма узды́ их, / и спасе́ние бысть ежде́ние Твое́ / ве́рно пою́щим: / сла́ва си́ле Твое́й, Го́споди. Видео-иллюстрация (нажмите)

     Богоно́сный Ду́хом Святы́м просвети́вся проро́к Авваку́м, / в после́дняя Твое́ прише́ствие прови́дев, вопия́ше: / внегда́ прибли́житися ле́том, позна́ешися, / внегда́ приити́ вре́мени, яви́шися. / Сла́ва си́ле Твое́й, Го́споди. Видео-иллюстрация (нажмите)

    Та́йно проро́к предзря́ от Де́вы Тя, Сло́ве, воплоща́ема, / пе́сненно вопия́ше: / сла́ва си́ле Твое́й, Го́споди. Видео-иллюстрация (нажмите)

На Рождество Богородицы и Преполовение:

      Проро́к Авваку́м у́мныма очи́ма / прови́де, Го́споди, прише́ствие Твое́, / тем и вопия́ше: / от ю́га при и́дет Бог. / Сла́ва си́ле Твое́й, / сла́ва снизхожде́нию Твоему́. Видео-иллюстрация (нажмите)

     Услы́шах, Го́споди, слух Твой и убоя́хся, / разуме́х дела́ Твоя́ / и просла́вих держа́ву Твою́, Го́споди. Видео-иллюстрация (нажмите)

     Услы́шах, Го́споди, слух Твой и убоя́хся, / разуме́х неизрече́нное Твое́ смотре́ние / и просла́вих, Сло́ве, снизхожде́ние Твое́. Видео-иллюстрация (нажмите)

     Твое́ вочелове́чение, / е́же пре́жде век предопредели́л еси́, / в после́дняя благоволи́л еси́ соверши́ти, Го́споди, / услы́шах и стра́хом воспева́х. Видео-иллюстрация (нажмите)

     Твое́ пречи́стое прише́ствие, Христе́, / прови́дяй проро́к Авваку́м / вопия́ше Тебе́ с тре́петом: / услы́шах слух Твой и убоя́хся, / разуме́х дела́ Твоя́ и ужасо́хся, Го́споди. Видео-иллюстрация (нажмите)

     Услы́шах слух Твой, Го́споди, и убоя́хся, /разуме́х дела́ Твоя́ и ужасо́хся, / я́ко посреде́ двою́ живо́тну позна́ешися / во спасе́ние душ на́ших. Видео-иллюстрация (нажмите)

      Покры́ Небеса́ доброде́тель Твоя́, Го́споди, / и вся́ческая, Спа́се, / хвале́ния Твоего́ испо́лнишася. Видео-иллюстрация (нажмите)

       Я́ко Петру́, ру́ку простры́й в по́мощь, / и мене́ поми́луй / и спаси́, я́ко Человеколю́бец. Видео-иллюстрация (нажмите)

     Авваку́ме проро́че, что зове́ши? / Что ви́дев, ужа́слся еси́? / От ю́га Тя, гряду́ща Бо́га, ви́дя, убоя́хся. Видео-иллюстрация (нажмите)

     Услы́шах слух си́лы Твоея́, / и возвесели́ся се́рдце мое́ о Го́споде. Видео-иллюстрация (нажмите)

 

Песнь 5

Сей и Преображения:

    Вску́ю мя отри́нул еси́ / от лица́ Твоего́, Све́те Незаходи́мый, / и покры́ла мя есть чужда́я тьма, окая́ннаго, / но обрати мя́ и к све́ту за́поведей Твои́х / пути́ моя́ напра́ви, молю́ся. Видео-иллюстрация (нажмите)

Честнаго Креста:

      О треблаже́нное Дре́во, / на не́мже распя́ся Христо́с, Царь и Госпо́дь! / и́мже паде́ дре́вом прельсти́вый, / Тобо́ю прельсти́вся, / Бо́гу пригвозди́вшуся пло́тию, / подаю́щему мир душа́м на́шим. Видео-иллюстрация (нажмите)

Осмогласника:

      Просвети́ нас повеле́нии Твои́ми, Го́споди, / и мы́шцею Твое́ю высо́кою / Твой мир пода́ждь нам, Человеколю́бче. Видео-иллюстрация (нажмите)

     Мрак души́ моея́ разжени́, Светода́вче Христе́ Бо́же, / началоро́дную тьму изгна́в бе́здны, / и да́руй ми Свет повеле́ний Твои́х, Сло́ве, / да, у́тренюя, сла́влю Тя. Видео-иллюстрация (нажмите)

     У́тренююще, вопие́м Ти: / Го́споди, спаси́ ны, / Ты бо еси́ Бог наш, / ра́зве Тебе́, ино́го не ве́мы. Видео-иллюстрация (нажмите)

     Страсте́й мя мглы, / я́ко от глубо́кия но́щи, избавля́яй, / у́треневати сподо́би дух мой, молю́ся, / во све́те дне повеле́ний Твои́х, Христе́. Видео-иллюстрация (нажмите)

    Твои́м Све́том озари́ мой ум, / Бо́же, молю́ся Тебе́, / да мно́гую Твою́ воспою́, / от но́щи у́треневав, благосты́ню. Видео-иллюстрация (нажмите)

    От но́щи неве́дения / по душелови́тельному пути́ при́сно блудя́щаго, / Све́том ра́зума Твоего́, Го́споди, преднаставля́я мя, / на стезю́ за́поведей Твои́х напра́ви. Видео-иллюстрация (нажмите)

     Я́ко Бо́га ино́го, Бла́же, / па́че Тебе́, не зна́ем, / к Тебе́, Све́ту Незаходи́мому, от но́щи у́тренююще, / воспева́ем Тя, Человеколю́бче. Видео-иллюстрация (нажмите)

     У́тренюет дух мой к Тебе́, Бо́же, / от Отца́ рожде́нному неизрече́нно / и воздви́гнувшему рог спасе́ния нам. Видео-иллюстрация (нажмите)

     У́тренюет дух мой к Тебе́, Бо́же, / зане́ свет повеле́ния прише́ствия Твоего́, / и́миже у́бо озари́ ум наш, Влады́ко, / и наста́ви на стезю́ жи́зни. Видео-иллюстрация (нажмите)

    От но́щи неве́дения / Богове́дением просвети́вый концы́, / просвети́ мя у́тром человеколю́бия Твоего́, Го́споди. Видео-иллюстрация (нажмите)

     От но́щи у́тренюет дух мой / к Тебе́, Бо́же, / ми́лость пода́ждь ми. Видео-иллюстрация (нажмите)

На Рождество Богородицы и Преполовение:

      Го́споди Бо́же наш, мир даждь нам, / Го́споди Бо́же наш, стяжи́ ны, / Го́споди, ра́зве Тебе́, ино́го не ве́мы, / И́мя Твое́ имену́ем. Видео-иллюстрация (нажмите)

    У́тренююще к Тебе́, Человеколю́бцу, / воспева́ем Тя, Христе́ Бо́же, / да́руй нам ми́лости Твоя́. Видео-иллюстрация (нажмите)

     От но́щи у́тренюет дух мой / к Твоему́ песнопе́нию, / зане́ свет и мир повеле́ния Твоя́. Видео-иллюстрация (нажмите)

     Бла́же, Све́та и Ми́ра Пода́телю, / от тьмы мя и бра́ни страсте́й изба́ви, у́тренююща, Христе́, / к Твоему́ хвале́нию. Видео-иллюстрация (нажмите)

    Повеле́ния Твоя́ просвеще́нием, Христе́ Бо́же, / я́ко Благ, показа́л еси́, / зане́, Светода́вче, / от но́щи у́тренююще, сла́ву возсыла́ем. Видео-иллюстрация (нажмите)

    Твои́м Све́том озари́ мой ум, Бо́же, молю́ся, / да мно́гую Твою́ воспою́, / от но́щи у́тренюя, бла́гость. Видео-иллюстрация (нажмите)

     От но́щи неве́дения / Богове́дения день во Све́те Лица́ Твоего́, Христе́, да возсия́ет, / ко у́тру хвале́ние Твое́ в сердца́х на́ших. Видео-иллюстрация (нажмите)

 

Песнь 6

Сей и Преображения:

    Очи́сти мя, Спа́се, / мно́га бо беззако́ния моя́, / и из глубины́ зол возведи́, молю́ся, / к Тебе́ бо возопи́х, и услы́ши мя, / Бо́же спасе́ния моего́. Видео-иллюстрация (нажмите)

Честнаго Креста:

     Во́днаго зве́ря во утро́бе / дла́ни Ио́на крестови́дно распросте́р, / спаси́тельную страсть прообража́ше я́ве; / тем, тридне́вен изше́д, / преми́рное Воскресе́ние прописа́ше / пло́тию пригвожде́ннаго Христа́ Бо́га / и тридне́вным Воскресе́нием мир просве́щшаго. Видео-иллюстрация (нажмите)

Осмогласника:

     Ио́ну в ки́те, Го́споди, / еди́наго всели́л еси́, / мене́ же, свя́заннаго мре́жами вра́жиями, / я́ко от тли о́наго спаси́. Видео-иллюстрация (нажмите)

      Я́коже проро́ка изба́вил еси́ / из глубины́ преиспо́дняя, Христе́ Бо́же, / и мене́ от грехо́в мои́х изба́ви, я́ко Человеколю́бец, / и упра́ви живо́т мой, молю́ся. Видео-иллюстрация (нажмите)

    Ри́зу мне пода́ждь све́тлу, / одея́йся све́том, я́ко ри́зою, / Многоми́лостиве Христе́ Бо́же наш. Видео-иллюстрация (нажмите)

     Бе́здна грехо́в и прегреше́ний бу́ря мя смуща́ет / и во глубину́ ну́жднаго ре́ет мя отча́яния, / но Твою́ кре́пкую ру́ку мне простри́, я́ко Петро́ви, / о Упра́вителю! и спаси́. Видео-иллюстрация (нажмите)

      Моли́тву пролию́ ко Го́споду / и Тому́ возвещу́ печа́ли моя́, / я́ко зол душа́ моя́ испо́лнися / и живо́т мой а́ду прибли́жися, / и молю́ся, я́ко Ио́на: / от тли, Бо́же, возведи́ мя. Видео-иллюстрация (нажмите)

     Во Исаа́це страсть прописа́вый, / и во Ио́не погребе́ние прообразова́вый, / и Воскресе́ние всем подая́й, / Тебе́ вопие́м с проро́ком: / от тли нас возведи́, Благоутро́бне Го́споди. Видео-иллюстрация (нажмите)

    К могу́щему мя спасти́ Го́споду / из глубины́ грехо́вныя возопи́х, / и от тли возведе́ живо́т мой, / я́ко Человеколю́бец. Видео-иллюстрация (нажмите)

     Отве́ргл мя еси́ / во глубины́ се́рдца морска́го, / и ви́дех чудеса́ Твоя́, Го́споди. Видео-иллюстрация (нажмите)

    Содержи́ма мя, приими́, Человеколю́бче, / грехи́ мно́гими, / и припа́дающа щедро́там Твои́м, / я́ко проро́ка, Го́споди, и спаси́ мя. Видео-иллюстрация (нажмите)

На Рождество Богородицы и Преполовение: 

     Я́ко во́ды морски́я, Человеколю́бче, / волна́ми жите́йскими обурева́юся. / Те́мже, я́ко Ио́на, та́ко вопию́ Ти: / возведи́ от тли живо́т мой, / Благоутро́бне Го́споди. Видео-иллюстрация (нажмите)

     Я́ко Ио́ну проро́ка от ки́та возве́л еси́, Го́споди, / изба́ви мя от лови́твы чужда́го / и спаси́ мя, Ще́дре, я́ко Многоми́лостив. Видео-иллюстрация (нажмите)

     Я́ко от ки́та изба́вил еси́ проро́ка Твоего́, / и мене́, Спа́се наш, / от мно́жества прегреше́ний мои́х изба́ви. Видео-иллюстрация (нажмите)

    Превзыдо́ша главу́ мою́ беззако́ния моя́, / я́ко тя́жкое бре́мя на мя обремени́вшаяся, / во отча́яния глубины́ низвлача́т мя, / но пре́жде да́же погря́знути ми, Го́споди, спаси́ мя. Видео-иллюстрация (нажмите)

     Из чре́ва а́дова / во́пля моего́ услы́шал еси́ глас мой / и изба́вил еси́ от тли живо́т мой, Многоми́лостиве. Видео-иллюстрация (нажмите)

 

Песнь 7

    Бо́жия снизхожде́ния / огнь устыде́ся в Вавило́не иногда́. / Сего́ ра́ди о́троцы в пещи́, ра́дованною ного́ю, / я́ко во цве́тнице, лику́юще, поя́ху: / благо слове́н еси́, Бо́же оте́ц на́ших. Видео-иллюстрация (нажмите)

Честнаго Креста:

    Безу́мное веле́ние / мучи́теля злочести́ваго лю́ди поколеба́, / ды́шущее преще́ние и злохуле́ние богоме́рзкое, / оба́че три о́троки не устраши́ я́рость зве́рская, / ни огнь снеда́яй, / но противоды́шущу росоно́сному ду́ху, / со огне́м су́ще, поя́ху: / препе́тый отце́в и нас Бо́же, благослове́н еси́. Видео-иллюстрация (нажмите)

Осмогласника и Преображения:

      О́троцы евре́йстии в пещи́ / попра́ша пла́мень дерзнове́нно / и на ро́су огнь преложи́ша, вопию́ще: / благослове́н еси́, Го́споди Бо́же, во ве́ки. Видео-иллюстрация (нажмите)

      Халде́йския пе́щи / всепа́губную си́лу угаси́вше / о́бразом А́нгела снизше́дшаго, / Зижди́телю ю́ноши взыва́ху: / благослове́н еси́ и хва́льный, Бо́же отец на́ших. Видео-иллюстрация (нажмите)

     На по́ле Деи́ре / иногда́ мучи́тель пещь поста́ви на муче́ние Богоно́сных, / в не́йже три о́троки песносло́вяху Еди́наго Бо́га, / тро́ично воспева́ху, глаго́люще: / отце́в Бо́же, благослове́н еси́. Видео-иллюстрация (нажмите)

     От Иуде́и доше́дше, о́троцы / в Вавило́не иногда́ / ве́рою Тро́ическою пла́мень пе́щный попра́ша, пою́ще: / отце́в Бо́же, благослове́н еси́. Видео-иллюстрация (нажмите)

      О́троцы Богочести́вии в Вавило́не / о́бразу злато́му не поклони́шася, / но посреде́ пе́щи о́гненныя, ороша́еми, / песнь воспева́ху, глаго́люще: / превозноси́мый отце́в и нас Бо́же, благослове́н еси́. Видео-иллюстрация (нажмите)

       А́нгелом о́троки из огня́ спасы́й / и гремя́щую пещь преложи́вый на ро́су, / благослове́н еси́, Бо́же оте́ц на́ших. Видео-иллюстрация (нажмите)

     В нача́ле зе́млю основа́вый / и Небеса́ сло́вом утверди́вый, / благослове́н еси́ во ве́ки, / Го́споди, Бо́же оте́ц на́ших. Видео-иллюстрация (нажмите)

      О́троки ороси́вый в пещи́ / и Де́ву сохрани́вый ро́ждшую Тя по Рождестве́, / благослове́н еси́, Бо́же оте́ц на́ших. Видео-иллюстрация (нажмите)

На Рождество Богородицы и Преполовение: 

     Халде́йская пещь, огне́м распала́емая, / ороша́шеся Ду́хом, / Бо́жиим предстоя́нием, от́роцы поя́ху: / благослове́н еси́, Бо́же оте́ц на́ших. Видео-иллюстрация (нажмите)

    В пещи́ о́гненней о́троки спасы́й, / благослове́н еси́ во ве́ки, / Го́споди, Бо́же оте́ц на́ших. Видео-иллюстрация (нажмите)

     Подража́тели трие́х Твои́х, Го́споди, отроко́в сотвори́ ны, / сопротивля́ющияся греху́, /и огнь страсте́й попира́ющия, и пою́щия: / благослове́н еси́, Бо́же оте́ц на́ших. Видео-иллюстрация (нажмите)

     Ви́дев мучи́тель Четве́ртаго зрак, / глаго́лаше су́щим с ним: / три вверго́хом в пла́мень, / ны́не же четы́ре ви́жу, / Еди́наго зрак ужаса́ет мой ум, / удивля́ет мое́ помышле́ние. / Трие́х лик пое́т Тя во ве́ки. Видео-иллюстрация (нажмите)

     Отроко́м, в пещь вве́рженным, / ви́дев мучи́тель Четве́ртаго зрак / в ви́де Сы́на Бо́жия, / с ни́ми зовя́ше: / благослове́н еси́, Бо́же во ве́ки. Видео-иллюстрация (нажмите)

 

Песнь 8

Сей и Преображения:

    Седмери́цею пещь / халде́йский мучитель / Богочести́вым неи́стовно разжже́, / си́лою же лу́чшею спасе́ны, сия́ ви́дев, / Творцу́ и Изба́вителю вопия́ше: / о́троцы, благослови́те, / свяще́нницы, воспо́йте, / лю́дие, превозноси́те во вся ве́ки. Видео-иллюстрация (нажмите)

Честнаго Креста:

     Благослови́те, о́троцы, / Тро́ицы равночи́сленнии, / Соде́теля Отца́ Бо́га, / по́йте снизше́дшее Сло́во / и огнь в ро́су претво́ршее / и превозноси́те всем жизнь подава́ющаго / Ду́ха Всесвята́го во ве́ки. Видео-иллюстрация (нажмите)

Осмогласника:

      Мусики́йским орга́ном согласу́ющим / и лю́дем безчи́сленным, покланя́ющимся о́бразу в Деи́ре, / три о́троцы не повину́вшеся, / Го́спода воспева́ху / и славосло́вяху во вся ве́ки. Видео-иллюстрация (нажмите)

     Победи́тели мучи́теля и пла́мене / благода́тию Твое́ю бы́вше, / за́поведем Твои́м зело́ прилежа́ще, / о́троцы вопия́ху: / благослови́те, вся дела́ Госпо́дня, Го́спода. Видео-иллюстрация (нажмите)

     Отрица́ющеся златослуже́ния о́троцы, / царя́ небрего́ша, / яви́ бо я́ огнь преложе́нный рабы́ Бо́жия, вопию́щия: / да пое́т тварь Го́спода / и превозно́сит во вся ве́ки. Видео-иллюстрация (нажмите)

     Нече́стия орга́ны ину́ю песнь, / благоче́стия же благовеща́ннии поя́ху гу́сли: / благослови́те, дела́ Госпо́дня, Христа́ во ве́ки. Видео-иллюстрация (нажмите)

     Богоглаго́ливии о́троцы, в пещи́ / со огне́м пла́мень попира́юще, поя́ху: / благослови́те, дела́ Госпо́дня, Го́спода. Видео-иллюстрация (нажмите)

     От Отца́ пре́жде век рожде́ннаго / и от Ма́тере в после́дняя воплоще́ннаго, / свяще́нницы, благослови́те, / лю́дие, превозноси́те во вся ве́ки. Видео-иллюстрация (нажмите)

     На горе́ святе́й просла́вльшася / и в купине́ огне́м Присноде́вы Моисе́ови та́йну я́вльшаго, / Го́спода по́йте / и превозноси́те во вся ве́ки. Видео-иллюстрация (нажмите)

    Безнача́льнаго Царя́ Сла́вы, / Его́же трепе́щут Небе́сныя Си́лы, / по́йте, свяще́нницы, / лю́дие, превозноси́те во вся ве́ки. Видео-иллюстрация (нажмите)

На Рождество Богородицы:

     Покрыва́яй вода́ми превы́спренняя Своя́, / полага́яй мо́рю преде́л песо́к / и содержа́й вся, / Тя пое́т со́лнце, Тя сла́вит луна́, / Тебе́ прино́сит песнь вся тварь, / я́ко Соде́телю всех во ве́ки. Видео-иллюстрация (нажмите)

Преполовения:

     А́нгели и Небеса́, на Престо́ле Сла́вы Седя́щаго / и я́ко Бо́га непреста́нно Сла́вимаго, / благослови́те, по́йте / и превозноси́те Его́ во ве́ки. Видео-иллюстрация (нажмите)

    В пещи́ ликова́ние поста́виша о́троцы, / сочине́нный чин прии́мше, / тва́ри повелева́юще сла́вити Вседе́тельную Прему́дрость, / Христа́ воспева́юще: / благослови́те, вся дела́ Госпо́дня, Го́спода. Видео-иллюстрация (нажмите)

    Иерусали́ме освяще́нный, / благоро́днии су́ще о́троцы яви́шася, / в нем Боже́ственных зако́нов не прие́мше забве́ния всегуби́тельнаго, / но вавило́нский огнь в себе́ благоче́ствующих ходата́йствовавше, / в нем ороше́ни, поя́ху: / благослови́те творе́ния, Го́спода. Видео-иллюстрация (нажмите)

    Разжжи́те пещь седмери́цею, / до́ндеже до конца́ разгори́тся, / мучи́тель рече́ халде́ом, / Ана́нию, Аза́рию и Мисаи́ла, вложи́те я́ в ню, / и́же о́бразу злато́му не поклони́шася, но глаго́лаху: / мы Бо́га и́мамы на Небесе́х, / Ему́же слу́жим и покланя́емся во ве́ки. Видео-иллюстрация (нажмите)

     Благослови́т Тя вся тварь, Го́споди, / славосло́виша Тя Небе́сныя Си́лы со о́троки, / и мы воспева́ем и превозно́сим во вся ве́ки. Видео-иллюстрация (нажмите)

     Безнача́льный Бог Сло́во, / прише́дый на Креще́ние, / соверша́ше та́инство смотре́ния во Иорда́не / и Предте́чи глаго́лаше: / ты Мя креща́еши водо́ю, / Аз же тя Ду́хом / с вопию́щими Мне ве́рою: / благослови́те, дела́ Госпо́дня, Го́спода. Видео-иллюстрация (нажмите)

     Царя́ Небе́снаго, / Его́же пою́т во́и А́нгельстии, / хвали́те и превозноси́те во вся ве́ки. Видео-иллюстрация (нажмите)

    Преподо́бнии Твои́ о́троцы, / в пещь вве́ржени, поя́ху: / благослови́те, дела́ Госпо́дня, Го́спода. Видео-иллюстрация (нажмите)

 

Песнь 9

    Ужасе́ся о сем Не́бо, / и земли́ удиви́шася концы́, / я́ко Бог яви́ся челове́ком пло́тски / и чре́во Твое́ бысть простра́ннейшее Небе́с. / Тем Тя, Богоро́дицу, / А́нгелов и челове́к чинона́чалия велича́ют. Видео-иллюстрация (нажмите)

Честнаго Креста:

     Та́ин еси́, Богоро́дице, рай, / невозде́ланно возрасти́вший Христа́, / И́мже Кре́стное Живоно́сное на земли́ насади́ся Дре́во; / тем, ны́не возноси́му, / покланя́ющеся Ему́, Тя велича́ем. Видео-иллюстрация (нажмите)

    Сне́дию дре́ва ро́ду прибы́вшая смерть / Кресто́м упраздни́ся днесь, / и́бо прама́терняя всеро́дная кля́тва разруши́ся прозябе́нием / Чи́стыя Богома́тере, / Ю́же вся си́лы Небе́сный велича́ют. Видео-иллюстрация (нажмите)

Осмогласника и Преображения:

      Устраши́ся всяк слух / неизрече́нна Бо́жия снизхожде́ния, / я́ко Вы́шний во́лею сни́де да́же и до пло́ти, / от деви́ческаго чре́ва быв Челове́к. / Те́мже Пречи́стую Богоро́дицу, ве́рнии, велича́ем. Видео-иллюстрация (нажмите)

    Благослове́н Госпо́дь, Бог Изра́илев, / воздви́гнувый рог спасе́ния нам / в дому́ Дави́дове, о́трока Своего́, / в ни́хже посети́ нас Восто́к с высоты́ / и напра́вил ны есть на путь ми́ра. Видео-иллюстрация (нажмите)

 

     Вои́стинну Богоро́дицу / Тя испове́дуем, / спасе́ннии Тобо́ю, Де́во Чи́стая, / с Безпло́тными ли́ки Тя велича́юще. Видео-иллюстрация (нажмите)

    Тя, Неискусобра́чную Ма́терь Бо́га Вы́шняго, / Тя, па́че ума́ ро́ждшую сло́вом вои́стинну Бо́га, / вы́шшую пречи́стых Сил, / немо́лчными славословле́нии велича́ем. Видео-иллюстрация (нажмите)

      О, де́вства край, Богоро́дице! / пе́сньми же сла́вными / пра́здники возвыша́ющая благода́тей Твои́х / и ны́не де́вственною Сло́ва Твоего́ па́мятию / наи́тием та́йным украша́ющая в ней Тя велича́ющия. Видео-иллюстрация (нажмите)

      Уста́вы прешла́ еси́ естества́, / Соде́теля заче́нши и Го́спода, / и дверь спасе́ния ми́рови была́ еси́. / Тем Тя, Богоро́дице, / непреста́нно велича́ем. Видео-иллюстрация (нажмите)

      Велича́ем Тя, Ма́терь Бо́жию, / и сла́вим Тя, Богоро́дице Де́во, / я́ко Спа́са ро́ждшую душ на́ших. Видео-иллюстрация (нажмите)

      Неви́димаго зра́ком Боже́ственным прие́мшая, / Неискусобра́чная Де́во и Ма́ти, / пе́сньми Рождество́ Твое́ велича́ем. Видео-иллюстрация (нажмите)

     Велича́ем Тя, Всенепоро́чную / Ма́терь Христа́ Бо́га на́шего, / Ю́же осени́ Дух Святы́й. Видео-иллюстрация (нажмите)

     Проявле́нное на горе́ законополо́жнику во огни́ и купине́ / Рождество́ Присноде́вы / в на́ше, ве́рных, спасе́ние / пе́сньми немо́лчными велича́ем. Видео-иллюстрация (нажмите)

    Воспита́нная во свята́я святы́х / и ро́ждшая Свет вселе́нныя, / Благода́тная, ра́дуйся, / пе́сньми Рождество́ Твое́ велича́ем. Видео-иллюстрация (нажмите)

     Тя, Небесе́ и земли́ Хода́таицу, / вси ро́ди, ублажа́ем, / пло́тски бо всели́ся / в Тя исполне́ние, Де́во, Божества́. Видео-иллюстрация (нажмите)

На Рождество Богородицы и Преполовение: 

     Чу́жде ма́терем де́вство, / и стра́нно де́вам деторожде́ние: / на Тебе́, Богоро́дице, / обоя́ устро́ишася. / Тем Тя, вся племена́ земна́я, / непреста́нно велича́ем. Видео-иллюстрация (нажмите)

    Тя, Неопа́льную, / Ю́же прови́дяше Моисе́й, / неопа́льно горя́щу иногда́ огне́м Божества́, / я́ко неопа́льно ро́ждшую Го́спода, / Воплоще́ннаго Бо́га, / пе́сньми немо́лчными велича́ем. Видео-иллюстрация (нажмите)

     Весе́лием вси Де́ве, е́же ра́дуйся, возопии́м, / Благода́тная Мари́е, Богоневе́сто, / Тя, я́ко Ма́терь Бо́жию, / ве́рнии, единому́дренно велича́ем. Видео-иллюстрация (нажмите)

     Да умолча́т еретико́в собра́ния, / не и́стинно Богоро́дицу испове́дающих Тя, / и́бо свы́ше Тя проро́цы препропове́даша / Ма́терь бы́ти Бо́жию / и Хода́таицу ро́да на́шего. / Тем Тя, Де́во, велича́ем. Видео-иллюстрация (нажмите)

     Разбо́йника подража́яй, окая́нный аз, / испове́даяй Тя, зову́ Тебе́, / Еди́наго от Отца́, и от Де́вы неизрече́нно воплоще́нна, / и мене́ ра́ди бы́вша по мне, / но я́ко Свет у́мный, Со́лнце, / не воспомяну́в зол, во Ца́рствии Твое́м помяни́ мя, / егда́ Судия́, Го́споди, ся́деши на Престо́ле. Видео-иллюстрация (нажмите)

    Воплоще́ния Бо́жия Орга́н, Де́во, была́ еси́, / и смеше́ния Сло́ва в пло́ти е́же от Тебе́ Черто́г, / соедине́нома бо Существо́ма, / сугу́быма де́йствома и хоте́ньма показу́ема, / Его́же пою́ще, Тя, Богоро́дице, велича́ем. Видео-иллюстрация (нажмите)

     Чи́стую сла́вно почти́м, / лю́дие, Богоро́дицу, / огнь Божества́ прии́мшую во чре́ве неопа́льно, / пе́сньми велича́ем. Видео-иллюстрация (нажмите)

     Тя, ши́ршую Небе́с, Богоро́дице, / и све́тльшую со́лнца, / пе́сньми велича́ем. Видео-иллюстрация (нажмите)

     Тя, Богоро́дицу, / Ма́терь Све́та, / в пе́снех велича́ем. Видео-иллюстрация (нажмите)